ព័ត៌មានជាតិ
បុគ្គលិកភេទស្រីម្នាក់ ធ្វើការនៅរោងចក្រ ម៉េង អៀង ឆ្លងកូវីដ រស់នៅខណ្ឌទួលគោក
គណៈបញ្ជាការឯកភាពខណ្ឌទួលគោក បានរាយការណ៍ពីការសម្របសម្រួលជាមួយក្រុមគ្រូពេទ្យនៃមន្ទីរសុខាភិបាលរាជធានីភ្នំពេញ ដើម្បីនាំអ្នកជំងឺ ០២ នាក់ដែលឆ្លងកូវីដ ១៩ ក្នុងមូលដ្ឋានខណ្ឌទួលគោក បញ្ជូនទៅសម្រាកព្យាបាលនៅមន្ទីរពេទ្យ។
បើតាមសេចក្តីរាយការណ៍ នៅវេលាម៉ោង២០និង៥៦នាទីថ្ងៃទី០៧-០៤-២០២១ ក្រុមគ្រូពេទ្យបានចុះមកយក អ្នកជំងឺ០១នាក់ ភេទស្រី នៅចំណុចផ្ទះលេខ១០A ផ្លូវ៥២៨ ភូមិ៧ សង្កាត់បឹងកក់ទី១ខណ្ឌទួលគោក ដែលមានផ្ទុកកូវីដ ។
អ្នកជំងឺឈ្មោះ គឹម ផាន់ណា ភេទស្រី អាយុ ៣៣ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនរោងចក្រម៉េង អៀង ស្នាក់នៅទីតាំងខាងលើ។
មួយករណីទៀត នៅវេលាម៉ោង២១និង១២នាទីថ្ងៃទី០៧ ខែមេសា ឆ្នាំ២០២១ ក្រុមគ្រូពេទ្យបានចុះមកយកអ្នកជំងឺ០១ នាក់ ភេទស្រី នៅចំណុចផ្ទះលេខ២៦ផ្លូវ២២១ ភូមិ១ សង្កាត់ផ្សារដេប៉ូ៣ ខណ្ឌទួលគោក ដែលមានផ្ទុកកូវីដ។ អ្នកជំងឺឈ្មោះ ហាយ ស្រីខួច ភេទស្រី អាយុ ២៧ឆ្នាំ ជនជាតិខ្មែរ។
គួរបញ្ជាក់ថា ករណីឆ្លងកូវីដលើបុគ្គលិកភេទស្រី នៅរោងចក្រម៉េង អៀង ជាករណីថ្មីមួយទៀត បន្ទាប់ពីការផ្ទុះនៅរោងចក្រឌីន ហាន់។
នៅរោងចក្រឌីនហាន់ មានការឆ្លងជាចង្កោមលើកម្មករកម្មការិនីជាង ៥០ នាក់។ រោងចក្រកាត់ដេរ ឌីន ហាន់ ដែលមានទីតាំងតាមបណ្តោយផ្លូវឧកញ៉ាឌួង ងៀប ហៅផ្លូវសេះស ក្នុងសង្កាត់ស្ទឹងមានជ័យទី៣ ខណ្ឌមានជ័យ មានកម្មករចំនួន ២៥៦២នាក់។
អាជ្ញាធរព្រមទាំងមន្រ្តីសុខាភិបាល បានចុះទៅយកសំណាកពីកម្មករកាត់ដេរ នៅក្នុងរោងចក្រ ឌីន ហាន ទាំងយប់ នៅយប់ថ្ងៃទី៧ ខែ មេសា នេះ ខណៈការតេស្តសំណាកនៅតែបន្តរហូតមកដល់ពេលនេះ៕
អត្ថបទ៖ ប៊ុណ្ណារ៉ា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%