ព័ត៌មានជាតិ

ពលរដ្ឋកម្ពុជាជាង ៨០ ម៉ឺននាក់ បានចាក់វ៉ាក់សាំងកូវីដ ១៩

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

តាមរបាយការណ៍បានបង្ហាញថា ដំណើការចាក់វ៉ាក់សាំងដល់ពលរដ្ឋកម្ពុជា គិតត្រឹមល្ងាចថ្ងៃទី០៨ ខែមេសា ឆ្នាំ២០២១ សរុបបានចំនួន ៨១៥ ៩៧៤ នាក់។ ក្នុងនោះតាមរយៈក្រសួងការពារជាតិបានចំនួន ២០០ ៤៤៦ នាក់ និងក្រសួងសុខាភិបាលបានចំនួន ៦១៥ ៥២៨ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាមានគម្រោងចាក់វ៉ាក់សាំងដល់ប្រជាពលរដ្ឋឱ្យបានរហូតដល់ជាង ១០លាននាក់។ កម្ពុជាបានទទួលវ៉ាក់សាំងបង្ការជំងឺកូវីដ១៩ ចំនួន ០៣ លើករួចមកហើយ ក្នុងនោះវ៉ាក់សាំងស៊ីណូហ្វាមជាជំនួយរបស់ចិនចំនួន ៦០ ម៉ឺនដូស វ៉ាក់សាំងកូវីសៀល (Covieshield) របស់ក្រុមហ៊ុន AstraZeneca ចំនួន ៣២ម៉ឺន ៤ ពាន់ដូស តាមរយៈគម្រោងកូវ៉ាក់ និងវ៉ាក់សាំង Sinovac ចំនួន ១.៥លានដូស ដែលជាការបញ្ជាទិញផ្ទាល់ពីរដ្ឋាភិបាលចិន។

តាមការគ្រោងទុកវ៉ាក់សាំងស៊ីណូហ្វាមដែលជាជំនួយរបស់រដ្ឋាភិបាលចិនប្រមាណជា ៧០ម៉ឺនដូសទៀត (៣០ម៉ឺនដូសសម្រាប់ក្រសួងការពារជាតិ និង៤០ម៉ឺនដូស សម្រាប់ក្រសួងសុខាភិបាល) នឹងមកដល់ក្នុងពេលឆាប់ៗនេះបន្តទៀត។

កម្ពុជាចាប់ផ្តើមដំណើរការចាក់វ៉ាកសាំងបង្ការជំងឺកូវីដនៅថ្ងៃ ១០ កុម្ភៈ ឆ្នាំ ២០២១ ដោយលោកឧត្តមសេនីយ៍ឯក ហ៊ុន ម៉ាណែត កូនប្រុសច្បងសម្តេចតេជោ ហ៊ុន សែន គឺជាឥស្សរជនដំបូងគេ ដែលបានទទួលបានការចាក់វ៉ាក់សាំងការពារកូវីដ១៩ របស់ក្រុមហ៊ុនស៊ីណូហ្វាម៕