ព័ត៌មានជាតិ
វេជ្ជបណ្ឌិតជំនាញ ណែនាំដល់យុវវ័យមុននឹងរៀបការត្រូវធ្វើរោគវិនិច្ឆ័យមេរោគអេដស៍ជាមុនសិន
វេជ្ជបណ្ឌិតជំនាញបានណែនាំដល់យុវវ័យឬ អ្នកដែលមានបំណងរៀបអាពាហ៍ពិពាហ៍ត្រូវធ្វើរោគវិនិច្ឆ័យជាមុនសិនមុននឹងរៀបការដើម្បីឱ្យប្រាកដថា មិនមានឆ្លងមេរោគអេដស៍ជៀសវាងកុំឱ្យមានវិប្បដិសារីទៅថ្ងៃក្រោយ។
ការណែនាំរបស់វេជ្ជបណ្ឌិតជំនាញនេះបានធ្វើឡើងបន្ទាប់ពីបច្ចុប្បន្ននេះមានអ្នករៀបអាពាហ៍ពិពាហ៍មួយចំនួនហាក់មិនខ្វល់ខ្វាយរឿងការធ្វើតេស្តឈាមរកមេរោគអេដស៍មុនពេលរៀបការនោះទេដោយសារពួកគេសំអាងថា ស្ថានភាពជំងឺអេដស៍នៅកម្ពុជាមានការថមថយចុះ។
បើតាមលោកវេជ្ជបណ្ឌិត ម៉ាសួនសុភ័ក្ត ប្រធានគ្រប់គ្រងមណ្ឌលរក្សាសុខភាពរបស់អង្គារAHF ដែលមានទីតាំងផ្ទះលេខ០៦ ផ្លូវលេខ៦០៤ សង្កាត់បឹងកក់២ ខណ្ឌទួលគោក រាជធានីភ្នំពេញបានលើកឡើងថា អ្នករៀបការត្រូវតែធ្វើតេស្តឈាមជាចាំបាច់ព្រោះថា ការធ្វើតេស្តមុនរៀបការនឹងជួយធ្វើឱ្យគូស្វាមីភរិយាមានទំនុកចិត្តនឹងគ្នាទៅវិញទៅមកពិសេសលែងព្រួយបារម្ភពីការឆ្លងមេរោគអេដស៍។
លោកវេជ្ជបណ្ឌិត បានបន្តថា បច្ចុប្បន្ននេះស្ថានភាពការឆ្លងជំងឺអេដស៍ហាក់មានការកើនឡើងដោយសារគិតថា មេរោគអេដស៍នៅកម្ពុជាលែងឆ្លងទើបធ្វើឱ្យពួកគេលែងខ្វល់ពិសេសយុវវ័យនិងក្រុមប្រឈមមុខខ្ពស់នឹងការឆ្លងមេរោគអេដស៍។
លោក វេជ្ជបណ្ឌិត ចន ផាន់ណា ប្រធានអង្គការមូលនិធិថែទាំសុខភាពអ្នកជំងឺអេដស៍ប្រចាំប្រទេសកម្ពុជាបានលើកទឹកចិត្តដល់ក្រុមយុវជនប្រឈមដែលរួមមានស្ត្រីបម្រើការកំសាន្តសប្បាយ អ្នកស្រលាញ់ភេទដូចគ្នា និង ក្រុមបម្លែងភេទមកទទួលសេវាពិនិត្យនិងព្យាបាលជំងឺកាមរោគ ខណៈបច្ចុប្បជំងឺនេះកំពុងមានការកើនឡើងខ្ពស់ពិសេសទៅលើយុវជន។ តាមការប៉ាន់ស្មានឆ្នាំ ២០២៤ កម្ពុជាមានចំនួនអ្នករស់នៅជាមួយមេរោគអេដស៍ប្រមាណ ៧៦ ០០០ នាក់ ក្នុងនោះមានអ្នកជំងឺអេដស៍សកម្ម ដែលកំពុងទទួលសេវាព្យាបាលដោយឱសថប្រឆាំងមេរោគអេដស៍ទាំង ៧៤ កន្លែង ចំនួន ៦៩៩៩៤ នាក់ ហើយប្រហែលនៅសល់អ្នករស់នៅជាមួយមេរោគអេដស៍ ៦០០០ នាក់ ទៅ ៧០០០ នាក់នៅមិនទាន់បានដឹងខ្លួន និងមិនទាន់បានធ្វើតេស្ត និងទទួលសេវាព្យាបាលនៅឡើយទេ ខណៈក្នុង ១ ឆ្នាំៗមានអ្នកឆ្លងថ្មីនៃមេរោគអេដស៍ប្រមាណ ១ ២០០ នាក់និងស្លាប់ប្រមាណ ១ ១០០ នាក់៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ