ព័ត៌មានជាតិ

រដ្ឋមន្ត្រីការបរទេសជួបប្រធានកាកបាទក្រហមអន្តរជាតិនៅញូវយ៉ក

បានផុស

៩ ខែ មុន

នៅ

ថ្ងៃសុក្រ ២៦ កញ្ញា ២០២៥

ដោយ

រដ្ឋមន្ត្រីការបរទេសកម្ពុជា លោកឧបនាយករដ្ឋមន្ត្រី ប្រាក់ សុខុន បានអញ្ជើញជួបទ្វេភាគីជាមួយប្រធានគណៈកម្មាធិការអន្តរជាតិនៃកាកបាទក្រហម (ICRC) លោកស្រី Marijana Spoljaric អំឡុងពេលនៃកិច្ចពិភាក្សាទូទៅនៃមហាសន្និបាតអង្គការសហប្រជាជាតិលើកទី៨០ កាលពីថ្ងៃទី២៥ ខែកញ្ញា នៅទីក្រុងញូវយ៉ក សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនមានព័ត៌មានបន្ថែមយ៉ាងណាពីក្រសួងការបរទេសពីជំនួបនេះទេ ខណៈកាកបាទក្រហមអន្តរជាតិគឺជាអ្នកសង្កេតការមួយរបស់អង្គការសហប្រជាជាតិ និងធ្វើទំនាក់ទំនងជាមួយអង្គការអន្តរជាតិនេះក្នុងការជំរុញការគោរពច្បាប់មនុស្សធម៌អន្តរជាតិ។

ច្បាប់មនុស្សធម៌អន្តរជាតិ ឬច្បាប់សង្គ្រាម គឺជាច្បាប់ដែលការពារជនស៊ីវិល បុគ្គលិកពេទ្យ ទាហានរបួស ឈ្លើយសឹក ពីការវាយប្រហារ ទណ្ឌកម្មណាមួយលើពួកគេក្នុងពេលមានសង្គ្រាម។

ជំនួបរវាងរដ្ឋមន្ត្រីការបរទេសកម្ពុជា និងប្រធានកាកបាទក្រហមនៅពេលនេះគឺកើតឡើងក្នុងពេលដែលទាហានខ្មែរទាំង១៨នាក់ដែលថៃចូលមកចាប់ខ្លួនដោយខុសច្បាប់កាលពីព្រឹកថ្ងៃទី២៩ ខែកក្កដា នៅមិនទាន់ដោះលែងមកវិញទេ ខណៈដែលកាកបាទក្រហមគឺជាអង្គការអន្តរជាតិតែមួយគត់ដែលថៃអនុញ្ញាតឱ្យបានមើលពីស្ថានភាពរបស់ទាហានខ្មែរដែលត្រូវពួកគេចាប់ខ្លួន។

គិតរហូតមកដល់ថ្ងៃទី២៦ ខែកញ្ញានេះទាហានខ្មែរទាំង១៨នាក់ត្រូវបានថៃចាប់ខ្លួនទៅឃុំឃាំងចំនួន៥៩ថ្ងៃហើយ។ ក្នុងជំនួបជាមួយគ្រួសារទាហានទាំង១៨នាក់កាលពីថ្ងៃទី២០ ខែកញ្ញា សម្ដេចធិបតី ហ៊ុន ម៉ាណែត ថាសម្ដេចបានអន្តរាគមន៍ទៅថ្នាក់ដឹកនាំពិភពលោកជាបន្តបន្ទាប់តាំងពីមានការចាប់ខ្លួន និងថារដ្ឋាភិបាលនៅតែរកវិធីសាស្ត្របន្ថែមទៀត ធ្វើយ៉ាងណាដើម្បីជួយយោធិនកម្ពុជាបានត្រលប់មកមាតុភូមិវិញឱ្យបានឆាប់៕

អត្ថបទដោយ ហ៊ុន សិរិវឌ្ឍន៍

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា