ព័ត៌មានជាតិ

ភ្លៀងលាយឡំខ្យល់កន្ត្រាក់បោកបក់ផ្ទះពលរដ្ឋ៦ខ្នងរងការខូចខាត

បានផុស

៥ years មុន

នៅ

ថ្ងៃសៅរ៍ ១០ មេសា ២០២១

ដោយ

ផ្ទះប្រជាពលរដ្ឋ៦ខ្នង រងគ្រោះដោយសារខ្យល់កន្ត្រាក់ ភ្លៀងកក់ខែមួយមេធំ នៅក្នុង២ស្រុក កាលពីល្ងាចថ្ងៃទី៩ ខែមេសា ឆ្នាំ២០២១ ក្នុងស្រុកមង្គលបូរី និងស្រុកម៉ាឡៃ។

មន្ត្រីសមត្ថកិច្ចនគរបាលស្រុកម៉ាឡៃបានឲ្យដឹងថា នៅល្ងាចថ្ងៃទី៩ ខែមេសា ឆ្នាំ២០២១នេះថា មានខ្យល់កន្ត្រាក់មួយបានបោកបក់មកចំលើផ្ទះប្រជាពករដ្ឋ បណ្ដាលឲ្យខូចខាតចំនួនផ្ទះ២ខ្នង និងតូបលក់ឥវ៉ាន់១ខ្នង នៅឃុំអូរសំព័រ ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកលោក រ័ត្ន ដាស៊ីណង់ អភិបាលស្រុកមង្គលបូរី បានប្រាប់ឲ្យដឹងថា នៅល្ងាចថ្ងៃទី៩ ខែមេសានេះ មានខ្យល់កន្ត្រាក់មួយបានវាយបោកបក់មកចំលើផ្ទះប្រជាពករដ្ឋ បណ្ដាលឲ្យខូចខាតផ្ទះប្រជាពលរដ្ឋរបើកដំបូង៣ខ្នងផ្ទះ នៅឃុំតាឡំ និងឃុំចំណោម ៣ខ្នងនៅក្នុងស្រុកមង្គលបូរី។

ក្រោយពីកើតហេតុ លោកអភិបាលស្រុកមង្គលបូរី លោក រ័ត្ន ដាសុីណង់ និងក្រុមការងារចុះទៅដល់ផ្ទះប្រជាពករដ្ឋដែលរងគ្រោះដោយខ្យល់កន្ត្រាក់ ពិនិត្យមើលដើម្បីត្រៀមជួសជុលឡើងនៅពេលខាងមុខនេះ៕

អត្ថបទ ៖ វ៉ាន់ ណាង