Connect with us

នយោបាយ

ទូតចិន ប្រកាសប្តេជ្ញាបន្តពង្រឹងពង្រីកទំនាក់ទំនងល្អជាមួយនឹងគណបក្សហ្វ៊ុនស៊ិនប៉ិច

បានផុស

នៅ

ស្ថានទូតចិនប្រចាំនៅកម្ពុជាតាមរយៈទីប្រឹក្សាស្ថានទូត បានប្រកាសប្តេជ្ញាបន្តពង្រឹងពង្រីកទំនាក់ទំនងល្អជាមួយនឹងគណបក្សហ្វ៊ុនស៊ិនប៉ិច។ ការប្តេជ្ញានេះ ធ្វើឡើងនៅក្នុងជំនួបរវាងព្រះអង្គម្ចាស់ នរោត្តម ចក្រាវុធ ព្រះប្រធានស្តីទីគណ​បក្សហ៊្វុនស៊ិនប៉ិច និងលោក WU CHUANBING ទីប្រឹក្សាស្ថានទូតចិនប្រចាំកម្ពុជានៅទីស្នាក់ការគណបក្សនៅព្រឹកថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិច បានអះអាងថា ជំនួបនេះ គឺជាជំនួបដ៏មានសារៈសំខាន់ដែលពិភាក្សាអំពីទំនាក់ទំនងគណបក្សកុម្មុយនិស្តចិន និងគណបក្សហ៊្វុនស៊ិនប៉ិច។ បើតាមលោកញឿន រ៉ាដែន គឺនៅក្នុងជំនួបនេះ ព្រះអង្គម្ចាស់ នរោត្តម ចក្រាវុធ បានសម្តែងនូវសេចក្តីអំណរគុណដល់ ប្រទេសចិនដែលតែងតែយកចិត្តទុកដាក់ ផ្តល់ជំនួយជាច្រើន មកដល់កម្ពុជា ទាំងសេដ្ឋកិច្ច គាំពារហេដ្ឋារចនាសម្ព័ន្ធ ផ្លូវថ្នល់ និង វិស័យសុខាភិបាលជាដើម។ ចំណែក គណបក្សកុម្មុយនិស្តចិនវិញ ក៏តែងតែផ្តល់ការគាំទ្រផ្នែកបណ្តុះបណ្តាលយុវជនមកដល់គណ​បក្ស​ហ៊្វុនស៊ិនប៉ិចផងដែរ។ ព្រះអង្គ ក៏បានមានព្រះបន្ទូលបន្តពង្រឹងពង្រីកទំនាក់ទំនងល្អជាប្រពៃណី ជាមួយមហាមិត្តចិន និងគាំទ្រគោលជំហរនយោបាយចិនជានិច្ច។

ចំណែកលោក Wu CHUANBIN វិញ បានចូលរួមរំលែកទុក្ខជាមួយព្រះញាតិវង្ស ព្រះបុត្រាបុត្រី នៃសម្តេចក្រុមព្រះ នរោត្តម រណឫទ្ធិ។ លោក Wu CHUANBIN បានរំលឹកនូវអនុស្សាវរិយ៍ជាមួយព្រះអង្គ ហើយប្រទេសចិនបានចាត់ទុក សម្តេចក្រុមព្រះ ជាមិត្តល្អ។ ជាចុងក្រោយ ព្រះអង្គម្ចាស់ នរោត្តម ចក្រាវុធ ព្រះប្រធានស្តីទីគណបក្សហ៊្វុនស៊ិនប៉ិច បានប្តេជ្ញាបន្តថែរក្សាកេរិ៍ដំណែល ជាស្ថាព្រហស្ថ សម្តេចឳ សម្តេចតា ព្រះបរមរតនកោដ្ឋ គឺ FUNCINPEC គង់វង្សជាអមតៈ៕ នេះបើតាមការដកស្រង់សម្តី ចេញពីជំនួបដោយលោកញឿន រ៉ាដែន៕

អត្ថបទ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៨ នាទី មុន

តាមបណ្ដឹងរបស់ គ.ជ.ប! តំណាងអយ្យការសម្រេចចោទប្រកាន់លោក សុន ឆ័យ​ ពីបទ «បរិហារកេរ្តិ៍ជាសាធា​រ​ណៈ»

ព័ត៌មានជាតិ៥៦ នាទី មុន

មន្រ្តីជាន់ខ្ពស់ក្រសួងបរិស្ថាន អំពាវនាវដល់អ្នកពាក់ព័ន្ធគាំពារបរិស្ថាន និងអភិរក្សធនធានធម្មជាតិ

ព័ត៌មានជាតិ១ ម៉ោង មុន

លោក សុន ឆ័យ ត្រូវបានតំណាងអយ្យការ សម្រេចចោទប្រកាន់ពីបទ «បរិហារកេរ្តិ៍ជាសាធារណៈ» តាមបណ្តឹងរបស់គណបក្សប្រជាជនកម្ពុជា

ព័ត៌មានជាតិ១ ម៉ោង មុន

មន្រ្តី៖ ទោះបីឆ្នាំនេះ ទិន្នផលអំបិលទទួលបានតិចតួច ប៉ុន្តែកម្ពុជា មិនមានសញ្ញាខ្វះខាតអំបិលឡើយ

វប្បធម៌ ជំនឿ១ ម៉ោង មុន

ត្រណមធំៗ ៥ យ៉ាង ហាមធ្វើដាច់ខាត ក្នុងថ្ងៃសែនក្បាលទឹកស្អែកនេះ

Sokha Hotels

ព័ត៌មានពេញនិយម