នយោបាយ
មន្ត្រីអតីតបក្សប្រឆាំង នៅខេត្តបន្ទាយមានជ័យម្នាក់ សម្រេចចិត្តចូលរួមជាមួយបក្សប្រជាជនកម្ពុជាវិញ
អតីតសមាជិកក្រុមប្រឹក្សា និងជាសមាជិកគណៈកម្មការប្រតិបត្តិ ខេត្តបន្ទាយមានជ័យម្នាក់ នៃអតីតគណបក្សសង្គ្រោះជាតិ គឺលោក រិន រ៉ី បានសម្រេចចិត្តចូលរួមជីវភាពនយោបាយ ជាមួយគណបក្សប្រជាជនកម្ពុជាវិញ។
លោក រិន រ៉ី បានមានប្រសាសន៍ថា ការដែលរូបលោក និងក្រុមគ្រួសារ សម្រេចចិត្តចូលរួមជាមួយគណបក្សប្រជាជនកម្ពុជា ដោយសារយល់ឃើញយ៉ាងច្បាស់ នូវគោលនយោបាយ ក្នុងការដឹកនាំប្រទេស របស់សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលធ្វើឲ្យប្រទេសកម្ពុជាមានការរីកចំរើន និងមានការអភិវឌ្ឍលើគ្រប់វិស័យ។
ក្នុងនោះ ក៏បានធ្វើឲ្យប្រទេស និងប្រជាជនកម្ពុជា រស់នៅក្រោមដំបូលសុខសន្តិភាព ការអភិវឌ្ឍប្រកបដោយភាពសុខសាន្ត និងមានសុភមង្គល។ លោក រិន រ៉ី បានអះអាងថា «ខ្ញុំសូមស្បថសច្ចាថា នឹងស្មោះត្រង់ជាមួយសម្តេចតេជោ ហ៊ុន សែន និងគណបក្សប្រជាជនកម្ពុជា ជាពិសេសប្តេជ្ញាគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត និងជារៀងរហូត»។
ជាមួយការបង្ហាញពីគុណតម្លៃ និងគុណសម្បត្តិ របស់គណបក្សប្រជាជនកម្ពុជាហើយនោះ លោក រិន រ៉ី ក៏បានលើកពីគុណវិបត្តិមួយចំនួន របស់អតីតគណបក្សសង្គ្រោះជាតិ ដែលជាហេតុធ្វើឲ្យរូបលោកឆ្អែតចិត្ត លែងចង់ និងដាច់អាល័យ ជាមួយមេដឹកនាំអតីតគណបក្សប្រឆាំងមួយនេះ ផងដែរ។
សូមបញ្ជាក់ថា ពិធីប្រគល់សេចក្តីសម្រេច និងប័ណ្ណសមាជិកគណបក្សប្រជាជនកម្ពុជា ជូនលោក រិន រ៉ី និងភរិយា ត្រូវបានធ្វើឡើងនៅទីស្នាក់ការ គណបក្សប្រជាជនកម្ពុជា ខេត្តបន្ទាយមានជ័យ នៅព្រឹកថ្ងៃទី ១១ ខែកុម្ភៈ ឆ្នាំ ២០២២ ក្រោមអធិបតីភាពលោក អ៊ុំ រាត្រី សមាជិកយុវជនគណបក្សប្រជាជនកម្ពុជាថ្នាក់កណ្តាល និងជាប្រធានគណបក្សខេត្តបន្ទាយមានជ័យ។
លោកអ៊ុំ រាត្រី បានថ្លែងថា «យើងខ្ញុំស្វាគមន៍ដ៏កក់ក្តៅ និងធានាចំពោះការសម្រេចចិត្ត ប្រកបដោយភាពត្រឹមត្រូវ សមស្របពេលវេលា មកចូលរួមជីវភាពនយោបាយ ជាមួយគណបក្សប្រជាជនកម្ពុជានេះ របស់លោក រិន រ៉ី និងភរិយា»៕
អត្ថបទ៖ វ៉ាន់ ណាង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»