នយោបាយ
ប្រមុខដឹកនាំថា ជប៉ុន បានជួយកម្ពុជាក្នុងការស្វែងរកសន្តិភាពផង និងស្ដារហេដ្ឋារចនាសម្ព័ន្ធឡើងវិញផង
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់បែបនេះ នៅខណៈអញ្ជើញធ្វើជាអធិបតីសម្ពោធដាក់ឱ្យប្រើប្រាស់ស្ពាន ៧កន្លែង ស្ថិតនៅក្នុងខេត្តក្រចេះ (ចំនួន៥ ស្ពាន) និងព្រៃវែង (ចំនួន២ ស្ពាន) ជាជំនួយរបស់រដ្ឋាភិបាលជប៉ុនតម្លៃប្រមាណ ៣៥លានដុល្លារអាមេរិក នាព្រឹកថ្ងៃពុធ ទី១៦ ខែកុម្ភៈ ឆ្នាំ២០២២នេះ ។
សម្ដេចតេជោ ហ៊ុន សែន បានមានប្រសាសន៍ថា ស្ពានទាំងអស់នេះ គឺជាផ្លែផ្ការវាងកម្ពុជា និងជប៉ុនដែលបានឈានដល់ដៃគូយុទ្ធសាស្ត្រ។ សម្តេច បន្តថា ជប៉ុនបានជួយកម្ពុជា ក្នុងដំណើរការស្វែងរកសន្តិភាពផង និងក៏បានជួយកម្ពុជាក្នុងការស្ដារឡើងវិញនូវហេដ្ឋារចនាសម្ព័ន្ធក្នុងប្រទេសទៀតផង ដែលរហូតមកដល់ពេលនេះ មានថវិកាប្រមាណ ១៤០០លានដុល្លារ ហើយស្ពានធំៗ ឆ្លងកាត់ទន្លេមេគង្គ ដែលមានស្ពានគីហ្សូណា នៅឯខេត្តកំពង់ចាម និងស្ពានអ្នកលឿង ឬត្សឹបាសា។ ដូច្នេះ សម្រាប់ហេដ្ឋារចនាសម្ព័ន្ធដឹកជញ្ជូន និងការតភ្ជាប់ ក៏ដូចជាវិស័យដទៃទៀត ជប៉ុនបានជួយច្រើនណាស់។
បើតាមសម្តេចតេជោ សម្តេច បានដាក់កម្មវិធីរួមគ្នាមួយសម្រាប់ការបើកការដ្ឋានសាងសង់ស្ថាបនាបន្ថែមអំពីការរំដោះទឹកស្អាតនៅទីក្រុងភ្នំពេញ។ ដូច្នេះ ទោះបីសម្ដេច ទៅណាក៏ដោយ ត្រូវតែផ្ដល់កិត្តិយសចូលរួមសម្ពោធ។ រហូតមកដល់ពេលនេះ មានអ្នករិះគន់ខ្លះ បានលើកឡើងថា រដ្ឋាភិបាលសម្តេច ជារដ្ឋាភិបាលពូកែស្មុំ។ សម្តេចថា៖ «ខ្ញុំពូកែសុំពិតមែន ប៉ុន្តែមិនបានយកទៅសង់ផ្ទះបាយរបស់ខ្ញុំទេ ខ្ញុំសុំដើម្បីយកមកធ្វើស្ពាន ធ្វើផ្លូវ ធ្វើប្រឡាយទឹក ធ្វើសាលារៀន ធ្វើមន្ទីរពេទ្យ និងអ្វីៗផ្សេងទៀត ដើម្បីបម្រើប្រជាជន»។
សម្ដេចតេជោ ហ៊ុន សែន បានបញ្ជាក់ទៀតថា ការរីកចម្រើនរបស់កម្ពុជាមួយភាគ មិនអាចកាត់ផ្ដាច់ចេញពីជំនួយរបស់ជប៉ុនបានឡើយ ។ ជាមួយគ្នានោះ សម្តេចបានយកឱកាសនេះ តាមរយៈឯកអគ្គរដ្ឋទូតជប៉ុន សម្ដែងនូវការអរគុណចំពោះរដ្ឋាភិបាលជប៉ុន ដែលបានផ្ដល់នូវថវិកាសម្រាប់ការសាងសង់ស្ពានចំនួន៧នេះ៕
ដោយ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង