នយោបាយ
សម្តេចតេជោ ហ៊ុន សែន ៖ ការងារដែលត្រូវធ្វើបន្ទាន់នោះ គឺបញ្ឈប់អំពើហិង្សានៅមីយ៉ាន់ម៉ា
សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានមានប្រសាសន៍ថា បញ្ហាដែលត្រូវរួមគ្នាធ្វើ គឺជួយស្វែងរកជូនប្រជាជនមីយ៉ាន់ម៉ានូវសន្តិភាព ស្ថិរភាព និងការរីកចម្រើន ហើយអ្វីដែលត្រូវធ្វើជាបន្ទាន់នោះ គឺបញ្ឈប់អំពើហិង្សា ហើយនាំអំណោយមនុស្សធម៌ជូនដល់ប្រជាជនទាំងអស់ដែលកំពុងត្រូវការ និងបង្កលក្ខណៈជឿទុកចិត្តគ្នាដោះស្រាយបញ្ហា ជាពិសេស តាមរយៈការព្រមព្រៀងជាឯកច្ឆន្ទ ៥ ចំណុចរបស់អាស៊ាន។

សម្តេចតេជោ ហ៊ុន សែន បានថ្លែងបែបនេះទៅកាន់លោកស្រី ណូលីន ហៃហ្ស៊ើ (Noeleen Heyzer )ប្រេសិតពិសេសរបស់អគ្គលេខាធិការអង្គការសហប្រជាជាតិលើបញ្ហាមីយ៉ាន់ម៉ា នៅក្នុងជំនួបពិភាក្សាការងារនៅវិមានសន្តិភាពរាជធានីភ្នំពេញនារសៀលថ្ងៃទី១ ខែមេសា ឆ្នាំ២០២២ ។ លោកស្រី ណូលីន បានគោរព សម្តែងនូវការអបអរសាទរជូនចំពោះសម្តេចតេជោដែលបានទទួលមេដាយសន្តិភាព នៅប្រទេសកូរ៉េខាងត្បូងកន្លងមក និងសម្តែងការអបអរសាទរផងដែរដែលថ្មីៗនេះកងទ័ពរក្សាសន្តិភាពកម្ពុជាទទួលបានមេដាយ អង្គការសហប្រជាជាតិ ។
លោកស្រី ណូលីន បានគោរពជំរាបសម្តេចតេជោនៅកិច្ចការដែលលោកស្រីបានធ្វើបីខែកន្លងមកក្នុងនាមជាប្រេសិតពិសេសរបស់អគ្គលេខាធិការអង្គការសហប្រជាជាតិដែលជារួមមានការពិចារណាដោះស្រាយបញ្ហាមីយ៉ាន់ម៉ា តាមរយៈបង្កើតក្របខណ្ឌពហុច្រកឈរលើមូលដ្ឋានទស្សនទានរង្វង់ ៣ ស្រទាប់ ស្រទាប់ទី ១ នៅកណ្ដាលរង្វង់ គឺដំណើរការរកដំណោះស្រាយដែលដឹកនាំដោយមីយ៉ាន់ម៉ា និងជាកម្មសិទ្ធិរបស់មីយ៉ាន់ម៉ាដែលឆ្លុះបញ្ចាំងពីឆន្ទៈរបស់ប្រជាជនមីយ៉ាន់ម៉ា ។ ស្រទាប់ ទី២ គឺដំណើរការដឹកនាំដោយសហគមន៍ តំបន់ដែលមានអាស៊ាន និងបណ្ដាប្រទេសជាប់ព្រំដែនមីយ៉ាន់ម៉ាទាំងអស់ ចូលរួមនិង ស្រទាប់ទី ៣ ស្រទាប់ខាងក្រៅបង្អស់គឺសហគមន៍អន្តរជាតិដែលភាគច្រើនជាប្រទេសលោកខាងលិច ។

លោកស្រីបានមានប្រសាសន៍បន្ថែមថា ក្របខ័ណ្ឌនេះ មិនខុសពីការព្រមព្រៀងជាឯកច្ឆន្ទ ៥ចំណុចរបស់អាស៊ានទេ គឺផ្ដោតការខិតខំទៅលើមួយជំនួយមនុស្សធម៌ ការការពារប្រជាជននិង ការវិលទៅរកការគ្រប់គ្រងស៊ីវិលដែល ជាការចាំបាច់ត្រូវមានការកសាងទំនុកចិត្ត ។
ជាការឆ្លើយតបសម្ដេចតេជោបានថ្លែងអំណរគុណជូនលោកស្រី ណូលីន ដែលបានសម្តែងនូវការអបអរសាទរ ចំពោះការទទួលមេដាយសន្តិភាព និងកងរក្សាសន្តិភាពកម្ពុជាទទួលបានមេដាយអង្គការសហប្រជាជាតិ ។ សម្ដេចតេជោបានថ្លែងអំណរគុណលោកស្រីណូលីន ដែលបានលើកឡើងអំពីករណីមីយ៉ាន់ម៉ា៕
ដោយ៖ណារី
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS


