Connect with us

ព័ត៌មានជាតិ

សម្តេច​ក្រឡាហោម ស ខេង​ ៖ ដំណើរការ​បោះឆ្នោត​ឃុំ សង្កាត់ នាពេលខាងមុខ គឺជា​ដំណាក់កាល​តស៊ូ ប្រកបដោយ​ការប្រកួតប្រជែង​យ៉ាង​តឹងតែង និង​ក្ដៅគគុក

បានផុស

នៅ

នេះ​ជា​ប្រសា​ស​ន៍​របស់​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ខណៈ​អញ្ជើញ​ជា​អធិបតី​ក្នុង​កិច្ចប្រជុំ​ផ្សព្វផ្សាយ​ផែនការ​អន្តរ​ស្ថាប័ន ស្តី​ពី​កិច្ចការពារ​ការពិនិត្យ​បញ្ជី​ឈ្មោះ​ការចុះឈ្មោះ​បោះឆ្នោត​ប្រចាំឆ្នាំ និង​ការបោះឆ្នោត​ថ្នាក់ជាតិ ថ្នាក់ក្រោម​ជាតិ ចាប់ពី​ឆ្នាំ​២០២២-២០២៤ នា​ព្រឹក​ថ្ងៃទី​២៩ ខែមេសា ឆ្នាំ​២០២២ នេះ នៅ​សណ្ឋាគារ​សុខា​ភ្នំពេញ​។

សម្ដេច​ក្រឡាហោម ស ខេង បាន​មាន​ប្រសា​ស​ន៍​ថា ការបោះឆ្នោត​នៅ​ថ្នាក់ជាតិ ថ្នាក់ក្រោម​ជាតិ ជាច្រើនលើក​ច្រើនសារ​នា​ពេល​កន្លង​មក រួមទាំង​ការបោះឆ្នោត ជា​បន្តបន្ទាប់​នា​ពេល​ខាងមុខ​នេះ គឺជា​ព្រឹត្តិការណ៍​ប្រវត្តិសាស្ត្រ​ប្រកបដោយ​មោទនភាព​ជាតិ ដែលជា​សក្ខីភាព​នៃ​ឆន្ទៈ​នយោបាយ និង​ការប្ដេជ្ញាចិត្ត​យ៉ាង​មុតមាំ​របស់​ស្ថាប័ន​រដ្ឋសភា ព្រឹទ្ធសភា រាជរដ្ឋាភិបាល រួមទាំង​ឥស្សរជន​នៃ​បណ្ដា​គណបក្សនយោបាយ​ក្នុង​ការ​ពង្រឹង​លទ្ធិប្រជាធិបតេយ្យ សេរី​ពហុបក្ស ការគោរព​សិទ្ធិមនុស្ស ការពង្រឹង​នីតិរដ្ឋ និង​ការអភិវឌ្ឍ​ប្រទេសជាតិ ដើម្បី​ភាព​សុខក្សេមក្សាន្ត សម្បូរ​រុងរឿង ប្រកបដោយ​សេចក្ដីថ្លៃថ្នូរ​របស់​ពល​រដ្ឋ ព្រមទាំង​ការលើក​ក​កម្ពស់​កិត្យានុភាព​ជាតិ​នៅលើ​ឆាក​អន្តរជាតិ​។

ទោះបី​ស្ថានការណ៍​ជាទូទៅ​មាន​លក្ខណៈ​ល្អប្រសើរ ហើយ​ការរៀបចំ​មូលដ្ឋានគ្រឹះ​សម្រាប់​ធានា​សន្តិសុខ​ត្រូវ​បានរៀបចំ​ប្រកបដោយ​ភាពម្ចាស់ការ និង​មាន​ស្មារតី​ទទួលខុសត្រូវ​ខ្ពស់​ពី​គ្រប់​ក្រសួង ស្ថាប័ន និង​អាជ្ញា​ធរមាន​សមត្ថកិច្ច​ពាក់ព័ន្ធ ក៏ប៉ុន្តែ​សម្ដេច​ក្រឡាហោម ស ខេង បាន​សង្កត់ធ្ងន់ថា “​កិច្ចដំណើរការ​នៃ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ នាពេល​ខាងមុខនេះ គឺជា​ដំណាក់កាល​តស៊ូ​ប្រកបដោយ​ការប្រកួតប្រជែង​យ៉ាង​តឹងតែង និង​ក្ដៅគគុក របស់​គណបក្សនយោបាយ ដែល​បាន​ចូលរួម ហើយក៏​ជា​ដំណាក់​កាលដែល​ងាយ​នឹង​កើតឡើង​នូវ​ទំនាស់ ឬ​បទល្មើស​ផ្សេងៗ អាច​បង្ក​ជា​ឧបសគ្គ​រារាំង ឬ​ប​ន្ទុ​ច​បង្អាក់​ដល់​កិច្ចដំណើរការ​ទៀតផង​”​។

ជាមួយ​ប្រសា​ស​ន៍​ខាង​លើ​នេះ សម្ដេច​បានផ្ដល់​ការណែនាំ​ឱ្យ​ប្រគល់​តួនាទី​ជូន​គណៈបញ្ជាការ​ឯកភាព​រដ្ឋបាល​រាជធានី​ខេត្ត ដែលជា​គណៈបញ្ជាការ​ស​ន្តិ​សុខ​អចិន្ត្រៃយ៍ រាជធានី ខេត្ត ទទួលខុសត្រូវ​ដឹកនាំ​ដោយផ្ទាល់​ក្នុង​កិច្ច​ការធានា​សន្តិសុខ សណ្ដាប់ធ្នាប់​សាធារណៈ និង​សុវត្ថិភាព​សង្គម​ក្នុងភូមិ​សាស្ត្រ​របស់ខ្លួន​។ សម្ដេច​បន្តថា គ្រប់​ហេតុការណ៍ ទំនាស់​ផ្សេងៗ​ដែល​កើតឡើង​ក្នុង​មូលដ្ឋាន ត្រូវខិតខំ​ដោះស្រាយ​ពី​ដើមទី ដោយ​មិនត្រូវ​ទុកឱ្យ​ក្លាយជា​ទំនាស់​រ៉ាំរ៉ៃ ដែល​អាច​បង្ក​ឲ្យ​មាន​ចលាចល​សង្គម ក្លាយជា​ឧបករណ៍ នៃ​ការ​កេង​ចំណេញ​ផ្នែក​នយោបាយ​ឡើយ​។

​ភ្ជាប់​នឹង​ការណែនាំ​មួយ​ចំនួន​ទៀត​នោះ សម្ដេច​ក្រឡាហោម ស ខេង ក៏​ស្នើឱ្យ​កងកម្លាំង​សមត្ថកិច្ច​ពាក់ព័ន្ធ​ជាពិសេស​ភ្នាក់ងារ​សន្តិសុខ​បោះឆ្នោត​ទាំងអស់​មាន​ជំហរ​អ​ព្យា​ក្រឹត្យ គោរព​ច្បាប់​ស្ដី បទបញ្ជា នីតិវិធី​នៃ​ការបោះឆ្នោត និង​ក្រមសីលធម៌ ដោយ​ត្រូវ​បង្ក​ភាពងាយស្រួល និង​ផ្ដល់​សេវា​សន្តិសុខ​ដល់​គ្រប់​គណបក្សនយោបាយ បេក្ខជន​ទាំងអស់ តំណាង​គណបក្សនយោបាយ វាគ្មិន អ្នកសង្កេតការណ៍​ជាតិ អន្តរជាតិ និង​ប្រជាពលរដ្ឋ​គ្រប់រូប​ប្រកបដោយ​តម្លាភាព និង​ដោយ​គ្មាន​ការរើសអើង​។

សម្ដេច​បាន​អំពាវនាវ​គ្រប់​គណបក្សនយោបាយ ប្រជាពលរដ្ឋ​គ្រប់​មជ្ឈដ្ឋាន អង្គការ​សង្គម​ស៊ីវិល និង​អ្នកសង្កេតការណ៍​ជាតិ អន្តរជាតិ ចូលរួមចំណែក​ថែរក្សា​សន្តិសុខ សណ្ដាប់ធ្នាប់​សាធារណៈ ពិសេស​ក្នុង​ដំណើរការ​បោះឆ្នោត ដើម្បីឱ្យ​ដំណើរការ​បោះឆ្នោត​ឃុំ សង្កាត់ និង​ការបោះឆ្នោត​បន្តបន្ទាប់​ប្រព្រឹត្ត​ទៅដោយ​ភាពស្ងប់ស្ងាត់ គ្មាន​អំពើហិង្សា គ្មាន​ការគំរាមកំហែង សេរី ត្រឹមត្រូវ យុត្តិធម៌ និង​មាន​តម្លាភាព​។

សូម​បញ្ជាក់​ថា កិច្ចប្រជុំ​កាលពី​ព្រឹក​មិញ​នេះ មានការ​ចូលរួម​ពី​លោក ប្រាជ្ញា ច័ន្ទ ប្រធាន​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​), លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ រដ្ឋមន្ត្រី រដ្ឋមន្ត្រី​ប្រតិភូ​អម រដ្ឋលេខាធិការ នាយ​ឧ​ត្ត​ម​សេនីយ៍ និង​ថ្នាក់ដឹកនាំ​ជាន់ខ្ពស់​ក្រសួង​ស្ថាប័ន​ថ្នាក់ជាតិ និង​ថ្នាក់ក្រោម​ជាតិ​មួយចំនួនទៀត៕

ដោយ ៖ កោះ​កែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១០ នាទី មុន

ឆ្មក់បង្ក្រាបល្បែងស៊ីសងខុសច្បាប់ សមត្ថកិច្ចឃាត់ខ្លួនមនុស្ស៨នាក់

ជីវិតកម្សាន្ដ១៧ នាទី មុន

ក្រោយចាកចេញពីគ្រួសារទៅរកស្រីក្មេង ជីវិតតារាហុងកុងមួយរូប រស់នៅវេទនាជាងស្លាប់

ព័ត៌មានអន្ដរជាតិ២០ នាទី មុន

ជប៉ុន ស្នើឲ្យមានជំនួបកំពូលជាមួយ កូរ៉េខាងជើង ខណៈលោក គីម ជុងអ៊ុន កំពុងពង្រឹងសមត្ថភាពកងរថក្រោះ

សន្តិសុខសង្គម២២ នាទី មុន

Update៖ ករណីឆេះផ្ទះក្នុងបុរីពិភពថ្មីកំបូល កើតឡើងដោយសារឆ្លងចរន្តអគ្គិសនី

ព័ត៌មានជាតិ៣២ នាទី មុន

ឯកឧត្ដម ហ៊ុន ម៉ានី ៖ ការអប់រំផ្សព្វផ្សាយអំពី វប្បធម៌ អរិយធម៌ខ្មែរ តាមរយៈបទភ្លេង ពិតជាមានសារៈសំខាន់ណាស់

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១ ថ្ងៃ មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម