Connect with us

នយោបាយ

ដំណើរការ​ឃោសនាបោះឆ្នោត​១៤​ថ្ងៃ ប្រព្រឹត្ត​ទៅ​ដោយ​រលូន គ្មាន​អំពើ​ហឹ​ង្សា និង​មាន​សណ្តាប់ធ្នាប់ របៀបរៀបរយ

បានផុស

នៅ

​នៅ​រសៀល​ថ្ងៃទី​០៣ ខែមិថុនា ឆ្នាំ​២០២២ នេះ គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានរៀបចំ​កិច្ចប្រជុំ​ជាមួយ​ភាគី​ពាក់ព័ន្ធ ស្តីពី ការសរុប​ព្រឹត្តិការណ៍​ទូទៅ នៃ​ដំណើរការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥, ការ​បិទ​ដំណើរ ការឃោសនាបោះឆ្នោត និង​ការបិទ​ផ្សាយ​បញ្ជី​បោះឆ្នោត​នៅតាម​ការិយាល័យ​បោះឆ្នោត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌឹ​ម សុ​វណ្ណា​រុំ សមាជិក គ​.​ជ​.​ប ដែលជា​ប្រធាន​អង្គប្រជុំ បាន​លើកឡើងថា​ រយៈពេល​១៤​ថ្ងៃ​នៃ​យុទ្ធនា​ការឃោសនា​រក​សំឡេងឆ្នោត​សង្កេតឃើញថា គណបក្សនយោបាយ​ទាំង​១៧ បានធ្វើ សកម្មភាព​យ៉ាង​គគ្រឹកគគ្រេង​នៅតាម​ឃុំ សង្កាត់ ដែល​គណបក្ស​នីមួយៗ​បានដាក់​បញ្ជី​បេក្ខជន​ឈរឈ្មោះ​បោះឆ្នោត​។ បើទោះបី​មាន​បញ្ហា​មួយចំនួន​បានកើត​ឡើង​ក្នុងអំឡុងពេល​ឃោសនា ក៏ប៉ុន្តែ​មិនបាន​ប៉ះពាល់​ដល់​យុទ្ធនា​ការឃោសនា​ជាទូទៅ​នោះទេ​។ យោងតាម​របាយការណ៍​របស់​គណៈកម្មការ​រាជធានី ខេត្ត រៀបចំ​ការបោះឆ្នោត គិត​ត្រឹម​ម៉ោង​២ រសៀល​ថ្ងៃទី​០៣ ខែមិថុនា នេះ គណបក្សនយោបាយ​ទាំង​១៧ បានធ្វើ​ការហែក្បួន​ធំៗ នៅតាម​ខេត្ត រាជធានី នៅ​ថ្ងៃទី​១ នៃ​ការឃោសនា (​ថ្ងៃទី​២១ ខែឧសភា ឆ្នាំ​២០២២) និង​ថ្ងៃ​ចុងក្រោយ​នេះ (​ថ្ងៃទី​៣ ខែមិថុនា ឆ្នាំ​២០២២)​។

លោក ឌឹ​ម សុ​វណ្ណា​រុំ បាន​បញ្ជាក់ថា ផ្អែក លើ​ទិដ្ឋភាព​ជារួម យើង​អាចធ្វើ​ការវាយតម្លៃ​បាន​ថា បរិយាកាស​នៃ​ការឃោសនា​របស់​គណបក្ស​នយោបាយ ដើម្បី​រក​ការគាំទ្រ​ពី​ប្រជាពលរដ្ឋ ក្នុងការ​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២​នេះ ប្រព្រឹត្ត​ទៅដោយ​រលូន គ្មាន​អំពើ​ហិង្សា និង​មាន​សណ្តាប់ធ្នាប់ របៀបរៀបរយ ដែល​ធានាបាន​នូវ​សន្តិសុខ សុវត្ថិភាព ដល់​បេក្ខជន អ្នកចូលរួម និង​ប្រជាពលរដ្ឋ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ស្អែកនេះសម្ដេចតេជោ នឹងអញ្ជើញ​ជា​អធិបតីភាព​ប្រគល់សញ្ញាបត្រ​ដល់និស្សិតជ័យលាភីសាកលវិទ្យាល័យវេស្ទើនជាង៣ពាន់នាក់

ព័ត៌មានជាតិ៥ ម៉ោង មុន

ក្រសួងបរិស្ថាន គ្រោងដាក់ឲ្យដំណើរការ​យុទ្ធនាការ​អន្ទាក់​សូន្យ​ដំណាក់កាល​ទី​ពីរនៅ​ក្នុង​តំបន់​ការពារធម្មជាតិ​កម្ពុជា

កីឡា៧ ម៉ោង មុន

មន្ត្រី​បាល់ទះ​កម្ពុជា ២៥​រូប​បញ្ចប់​វគ្គ​បណ្ដុះបណ្ដាល​ប្រព័ន្ធ​ការប្រកួត​ដោយ​ជោគជ័យ ត្រៀម​មុន​ស៊ី​ហ្គេម ឆ្នាំ​២០២៣

ព័ត៌មានជាតិ៧ ម៉ោង មុន

​ព្រះមហាក្សត្រ​ត្រាស់​បង្គាប់​តែងតាំង​លោកឃួង ស្រេង ជាទីប្រឹក្សា​ផ្ទាល់សម្ដេចតេជោ​ បន្ថែមលើមុខងារបច្ចុប្បន្ន

សេដ្ឋកិច្ច៨ ម៉ោង មុន

វិស័យកសិកម្មរំពឹងងើបឡើង១,១ភាគរយ ផ្អែកលើកំណើនការនាំចេញ និងអនុវិស័យផ្សេងៗ

Sokha Hotels

ព័ត៌មានពេញនិយម