នយោបាយ
លោក សុខ ឥសាន ៖ គណបក្សប្រជាជនកម្ពុជា បានមេឃុំ-ចៅសង្កាត់ ១៦៤៨, បក្សភ្លើងទៀនបានមេឃុំ ៤
អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងនៅរសៀលថ្ងៃនេះថា នៅក្នុងការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២នេះ គណបក្សប្រជាជនកម្ពុជា ទទួលបានមេឃុំ-ចៅសង្កាត់ ចំនួន ១៦៤៨។ ចំណែកគណបក្សភ្លើងទៀន ទទួលបានមេឃុំ ៤ប៉ុណ្ណោះ ក្នុងចំណោមឃុំ-សង្កាត់ ទូទាំងប្រទេសចំនួន ១៦៥២។
បើតាមលោក សុខ ឥសាន គណបក្សប្រជាជនកម្ពុជា ឈ្នះបានមេឃុំ-ចៅសង្កាត់ចំនួន ១៦៤៨ ស្មើនឹង ៩៩,៧៦ភាគរយ ហើយគណបក្សភ្លើងទៀន ឈ្នះបានកៅអីមេឃុំ ៤ ស្មើ០,២៤ ភាគរយ។ លោកថា ក្រោយពេលដោះស្រាយបណ្តឹងតវ៉ាចប់សព្វគ្រប់តាមនីតិវិធី គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រកាសលទ្ធផលបោះឆ្នោតផ្លូវការ ហើយនៅក្នុងសង្គមប្រជាធិបតេយ្យ សេរីពហុបក្ស តែងតែមតិខុសគ្នា។ ចំណែកការតវ៉ាលទ្ធផលបោះឆ្នោតជាសិទ្ធិរបស់អ្នកតវ៉ា តែត្រូវស្របតាមច្បាប់។
សូមបញ្ជាក់ថា ការបោះឆ្នោតជ្រើសរើស ក្រុមប្រឹក្សាឃុំ-សង្កាត់ អាណត្តិទី ៥ បានប្រព្រឹត្តិទៅកាលពីនៅថ្ងៃអាទិត្យ ទី ៥ ខែមិថុនា ឆ្នាំ ២០២២ ហើយក្រោយពីបញ្ចប់ការបោះឆ្នោត ក៏ដូចជាការរាប់សន្លឹក ឆ្នោត អ្នកសង្កេតការណ៍ជាតិ-អន្តរជាតិ បានវាយតម្លៃថា ដំណើរការបោះឆ្នោតនេះ បានប្រព្រឹត្តទៅដោយជោគជ័យ ក្នុងបរិយាកាសស្ងប់ស្ងាត់ មានសន្តិសុខសុវត្ថភាព និងសណ្ដាប់ធ្នាប់សាធារណៈ គ្មានអំពើហិង្សា និងគ្មានការគំរាមកំហែងឡើយ។ រីឯតំណាងគណបក្ស ដែលចូលរួមនៅក្នុងការបោះឆ្នោតនេះភាគច្រើន ក៏បានធ្វើសេចក្តីថ្លែងការណ៍ទទួលយកលទ្ធផល នៃការបោះឆ្នោតនេះផងដែរ។
ដោយឡែកគណបក្សភ្លើងទៀន បើទោះបីជាបានលើកឡើងពីភាពមិនប្រក្រតីមួយចំនួន ជុំវិញការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥នេះ តែគណបក្សនេះ មិនបានបដិសេធអាសនៈ ដែលទទួលបាននោះទេ៕
អត្ថបទ៖ កោះកែវ
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)