Connect with us

នយោបាយ

លោក សុន ឆ័យ នឹងត្រឡប់មកប្រទេសកម្ពុជាវិញ នៅដើមខែក្រោយ

បានផុស

នៅ

អនុប្រធានគណបក្សភ្លើងទៀន លោក សុន ឆ័យ ​បានអះអាងថា លោក​នឹង​វិលត្រឡប់​មកប្រ​ទេស​កម្ពុជាវិញ នៅដើមខែកក្កដាខាងមុខនេះ ដើម្បីពិភាក្សាជាមួយ​មេធាវី ទាក់​ទង​​​បណ្តឹងរប​ស់​គណបក្សប្រជាជនកម្ពុជា និង​បណ្តឹង​របស់​ស្ថាប័ន គ.ជ.ប ។​ លោកថា ការ​ចាក​ចេញពីប្រទេសនេះ មិនមែនដោយសារបណ្តឹងទេ គឺដោយសាតែលោកមានការងារ​ចាំ​បាច់​​ត្រូវធ្វើ​។​ នេះបើតាមការបញ្ជាក់របស់លោក សុន ឆ័យ ប្រាប់វិទ្យុបរទេសមួយ កាលពីយប់ថ្ងៃទី ២២ ខែមិថុនា។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុន ឆ័យ បាន​ចាកចេញពី​ប្រទេស​កម្ពុជា ទៅកាន់​អូស្រ្តាលី កាលពីថ្ងៃទី ១១ ខែមិថុនា ឆ្នាំ ២០២២។​ លោក សុន ឆ័យ បញ្ជាក់​យ៉ាងដូច្នេះថា «​សូមបញ្ជាក់ជូនដែរថា ខ្ញុំបានសម្រេចរួចហើយ ក្នុងការវិលត្រឡប់ទៅវិញ ខ្ញុំបានទិញសំបុត្រយន្តហោះ​ហើយ ខ្ញុំនឹងត្រឡប់ទៅវិញ បើគិតពីថ្ងៃនេះទៅនៅ ៩ថ្ងៃទៀត ហើយខ្ញុំ​នឹងទៅដល់ភ្នំពេញវិញ ដោយមានការនានាត្រូវធ្វើ​មួយចំនួនដូច្នេះ​…ខ្ញុំនឹងចេញទៅថ្ងៃទី ១ ខែកក្កដា»។ ​

បើតាមលោក សុន ឆ័យ ការចាកចេញពីប្រទេសកម្ពុជានេះ មិនមែនដោយសារតែបញ្ហារឿងក្តីទេ គឺដោយសារតែលោកមានការងារត្រូវធ្វើ រយៈពេល ៣សប្តាហ៍ ហើយ​នៅពេល​បំពេញការ​ងារ​រួច លោកនឹងត្រឡប់មកប្រទេសកម្ពុជាវិញតាមកំណត់​។ លោកថា នៅពេល​​មកដល់ប្រ​ទេសកម្ពុជា លោកនឹងជួបជាមួយមេធាវី ដើម្បីពិគ្រោះពិភាក្សាគ្នាទាក់ទងទៅនឹងបណ្ដឹងចំនួនពីរ ហើយក៏ត្រូវពិគ្រោះ​គ្នាជា​មួយគណបក្សភ្លើងទៀនលើករណីបណ្ដឹងនេះផងដែរ ថាតើគណបក្សមានគោលជំហរយ៉ាងម៉េចទាក់​ទងនឹងបណ្តឹងនេះ។

គួររលឹកថា លោក សុន ឆ័យ​ ដែលមាន​តួនាទីជាអនុប្រធានគណបក្សភ្លើងទៀន កំពុងទទួល​រងបណ្តឹង​ចំនួន ២ គឺទីមួយ. បណ្តឹង​ពាក់ព័ន្ធការចោទ និងការបំភ្លៃព័ត៌មាន ​ជុំវិញដំណើរការបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ អាណត្តិទី ៥ ដែល​​​ត្រូវបាន​ចាត់ទុកជាអំពើទុច្ចរិត, បំភ្លៃខុសពីការពិត, ​ការផ្តល់ព័ត៌មានក្លែងក្លែង ក្នុងចេតនាទម្លាក់កំហុសដោយអសុទ្ធចិត្ត និងមួលបង្កាច់​នាំឲ្យប៉ះពាល់យ៉ាងធ្ងន់ធ្ងរធ្ងរ ដល់កិត្តិយសរបស់គណបក្សប្រជាជនកម្ពុជា​​ ហើយ​បណ្តឹង​​នេះ ​មេធាវីបាន​ទាមទារសំណង​ជំងឺ​ចិត្ត​ចំនួន ​៤.០០០​លាន​រៀល ឬ​ប្រហែល​ ១​លាន​ដុល្លារ​អាមេរិក​។ ទីពីរ. បណ្តឹងពីបទ បរិហារកេរ្តិ៍​ជា​សាធារណៈ​របស់​ស្ថាប័នគ.ជ.ប ដែលបណ្តឹងនេះ បាន​ស្នើ​​ឲ្យ​​តុលាការ​ផ្តន្ទាទោស​​លោក សុន ឆ័យ ​តាម​មាត្រា ​៣០៥ នៃ​ក្រម​ព្រហ្មទណ្ឌ និង​ស្នើឲ្យ​លោក សុន ឆ័យ ធ្វើ​លិខិត​សុំ​ទោស​​ជា​សាធារណៈ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម