Connect with us

នយោបាយ

គណបក្ស ២ ប្រកាសគាំទ្រលើការអនុម័តរបស់រដ្ឋសភា ទៅលើវិសោធនកម្មរដ្ឋធម្មនុញ្ញលើកទី ១០

បានផុស

នៅ

គណបក្សនយោបាយចំនួន ២ បានចេញសេចក្ដីថ្លែងការណ៍ ដោយប្រកាសគាំទ្រទាំងស្រុងលើការអនុម័តរបស់រដ្ឋសភា ទៅលើវិសោធនកម្មរដ្ឋធម្មនុញ្ញលើកទី ១០នេះ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សយុវជនកម្ពុជា តាមរយៈសេចក្ដីថ្លែងការណ៍របស់ខ្លួន បានប្រកាសថា គណបក្សយុវជនកម្ពុជា សូមប្រកាសគាំទ្ររដ្ឋសភាជាតិនៃកម្ពុជា ដែលបានធ្វើវិសោធនកម្មនូវមាត្រាមួយចំនួន ក្នុងរដ្ឋធម្មនុញ្ញ ដើម្បីបម្រើផលប្រយោជន៍ជាតិ ពីព្រោះគណបក្សយុវជនកម្ពុជា មើលឃើញថា មាននូវមាត្រាមួយចំនួន ដែលវិសោធនកម្មនោះបានតម្រូវឲ្យថ្នាក់ដឹកនាំកំពូលជាតិ មានសញ្ជាតិតែមួយ គឺចំណុចយ៉ាងសំខាន់ក្នុងការទប់ស្កាត់ជនបរទេស មកត្រួតត្រាប្រទេសកម្ពុជា និងទប់ស្កាត់បានពួកបរទេសឡើងកាន់អំណាច ក្នុងស្ថាប័នកំពូលប្រទេសកម្ពុជា ជាហេតុនាំកម្ពុជាបាត់បង់ភាពជាម្ចាស់ប្រទេសខ្លួនឯង។ ក្នុងន័យនេះ គណបក្សយុវជនកម្ពុជា សូមគាំទ្រចំពោះការធ្វើវិសោធនកម្មរដ្ឋធម្មនុញ្ញលើកទី ១០នេះ។

ចំណែក​ឯណបក្សខ្មែរតែមួយ ក៏បានចេញសេចក្តីថ្លែងការណ៍ ប្រកាសគាំទ្រទាំងស្រុងចំពោះការអនុម័តរបស់រដ្ឋសភា លើវិសោធនកម្មរដ្ឋធម្មនុញ្ញលើកទី ១០នេះដែរ។ តាមរយៈសេចក្ដីថ្លែងការណ៍របស់ខ្លួន គណបក្សខ្មែរតែមួយ បានលើកឡើងថា ការធ្វើវិសោធនកម្មរដ្ឋធម្មនុញ្ញលើកទី ១០ នេះ គឺដើម្បីការពារប្រព័ន្ធប្រជាធិបតេយ្យសេរីពហុបក្ស និងរបបរាជាធិប តេយ្យអាស្រ័យរដ្ឋធម្មនុញ្ញ តាមបែបរបបសភានិយម និងការពង្រឹងបន្ថែមនូវលទ្ធិប្រជាធិបតេយ្យ មូលដ្ឋានដែលមានប្រជាពលរដ្ឋជាម្ចាស់ឆ្នោត និងម្ចាស់អំណាច ដូចសព្វថ្ងៃនេះ។  

សូមជម្រាបថា សមាជិករដ្ឋសភាចំនួន ១០៥លើ ១០៦សំឡេង បានអនុម័តទាំងស្រុងទៅលើសេចក្តីព្រាងច្បាប់ធម្មនុញ្ញ ស្តីពី វិសោធនកម្មមាត្រា១៩ ថ្មី (មួយ) មាត្រា៨៩ មាត្រា៩៨ ថ្មី មាត្រា១០២ ថ្មី មា​ត្រា១១៩ ថ្មី (មួយ) និងមាត្រា១២៥ ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែម សំដៅធានានូវដំណើរការជាប្រក្រតីនៃស្ថាប័នជាតិ។

ការអនុម័តនេះ បានធ្វើឡើងគ្រាដែលរដ្ឋសភា នៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាពេញអង្គលើកទី ៧ នីតិកាលទី ៦ ក្រោមអធិបតីភាពរបស់សម្ដេចអគ្គមហាពញាចក្រី ហេង សំរិន ប្រ​ធានរដ្ឋសភា ដើម្បីពិភាក្សា និងអនុម័តរបៀបវារៈសំខាន់ៗមួយចំនួន នាព្រឹកថ្ងៃទី ២៨ ខែកក្កដា ឆ្នាំ ២០២២នេះ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២៧ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤៣ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម