អាជីព

ប្រសិនបើនៅសុខៗស្រាប់តែលែងចង់ទៅកន្លែងធ្វើការ

បានផុស

៣ years មុន

នៅ

ថ្ងៃចន្ទ ២៦ តុលា ២០២០

ដោយ

មិនមានអ្នកណាម្នាក់ចង់អត់ការងារធ្វើទេ តែក៏មិនមែនរាល់ការងារដែលកំពុងធ្វើសុទ្ធតែជំរុញទឹកចិត្តយើងនោះដែរ។ អ្នកខ្លះមិនច្បាស់ទេថាតើពួកគេមានជំហរក្នុងការតស៊ូ ជាមួយភាពបត់បែន ច្នៃប្រឌិត ទំនាស់ ទស្សនៈផ្សេងគ្នា និងអារម្មណ៍ហត់នឿយបានយូរប៉ុណ្ណាទេ ប្រសិនបើការងារនោះគ្មានអ្វីជំរុញចិត្ត មានតែការប្រឹងដើម្បីប្រាក់នៅដំណាច់ខែនីមួយៗ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាចមានហេតុផលមួយចំនួនដែលយើងលែងចង់ទៅកន្លែងធ្វើការដូចជា៖

១ មិត្តរួមការងារមិនស៊ីចង្វាក់គ្នា

២ គោលការណ៍មិនលើកទឹកចិត្ត

៣ រកឃើញខ្លួនឯងមិនបានចូលរួមច្រើនជាមួយអ្នកដទៃ

៤ មានអារម្មណ៍ថា ខ្លួនជាមនុស្សមិនសំខាន់ក្នុងក្រុម

៥ មានបញ្ហាវិបត្តិផ្លូវចិត្តផ្ទាល់ខ្លួន ច្រើនមិនដឹងមូលហេតុ

៦ មានទំនាស់នឹងចៅហ្វាយនាយ ការងារច្រើនពេក។ល។

ប្រសិនបើមានរឿងទាំងនេះយើងអាចសាកល្បងព្យាបាលមើលដោយវិធី ៖

១ សុំធ្វើការពីផ្ទះមួយរយៈសិន

ការធ្វើការពីចម្ងាយក្លាយជារឿងធម្មតាបំផុត ហើយនៅក្រោយពេលពិភពលោកយើងកើតមានរោគរាតត្បាត។ ចំណុចពិសេសគឺ យើងអាចចង្អុលបង្ហាញថា ធ្វើការងារមានប្រសិទ្ធភាពពីចម្ងាយបានដែរទេ? ប្រសិនយើងមានការស្នើសុំ ហើយប្រធានចង់ដឹងមូលហេតុ គួរប្រាប់គាត់ពីការពិត។ ការបំពេញតួនាទីពីចម្ងាយមួយរយៈ គឺជួយឲ្យយើងដឹងថា យើងជាមនុស្សមានបញ្ហាឬកន្លែងធ្វើការនោះពិតជាមានបញ្ហា។

ការស្នើសុំទៅអ្នកគ្រប់គ្រងផ្ទាល់ ឬចាប់ផ្ដើមជជែកជាមួយខាងធនធានមនុស្សគឺបត់បែនតាមបរិបទក្រុមហ៊ុននីមួយៗ។

២ ប្រសិនចង់ប្រឈមនឹងឧបសគ្គសាកមើល

ដូច្នេះមនុស្សខ្លាំងៗជាច្រើនតែងតែព្យាយាមប្រឈមនឹងបញ្ហា ដោយមិនរត់គេចលាក់មុខឡើយ។ គេនៅតែទៅការិយាល័យ ហើយចាប់ផ្ដើមសារជាថ្មី។ បង្កើនទំនាក់ទំនងឡើងវិញ ហើយរួសរាយជាងមុន ស្លៀកពាក់សមរម្យលើកកម្ពស់ការគោរពពីមនុស្សជុំវិញខ្លួន ហើយ អនុវត្តការសិក្សាលើជំនាញទំនាក់ទំនង ដូចជាការជួយគ្នា ការសន្ទនាប្រកបដោយសក្ដានុពល និងការដោះស្រាយបញ្ហាដោយបើកចំហ។

៣ ពិគ្រោះនិងអ្នកពាក់ព័ន្ធ

ជួនកាល ការមិនចុះសម្រុងជាមួយកន្លែងធ្វើការយើងមិនដឹងថាជាបញ្ហាខាងយើងឬមកពីអ្នកណាទេ សុខៗធុញតែម្ដង។ ផ្ទុយទៅវិញខាងធនធានមនុស្សឬមេដឹកនាំខ្លះដែលពូកែជំនាញទន់ និងការគ្រប់គ្រងការិយាល័យ អាចនឹងមានគំនិតជួយយើងបានច្រើន។ សួរពួកគេត្រង់ៗនិងសារភាពពីអារម្មណ៍របស់ខ្លួនឯងថា តើគំនិតមិនចង់មកធ្វើការជាបញ្ហាមកពីអ្វី? ប្រសិនយើងមានអារម្មណ៍ខ្វះការគោរពគួរនិយាយចេញមកតែបែបទន់ភ្លន់ ព្រោះមានតែការសន្ទនាបែបទន់ភ្លន់ប៉ុណ្ណោះនឹងទទួលបានការឆ្លើយតប។

៤ ចំណងជាមួយមិត្តរួមការងារ

តើអ្នកណាខ្លះជឿថា មិត្តរួមការងារមានចំណែកសំខាន់ក្នុងជោគជ័យអាជីពនិងអាចឈានដល់ជោគជ័យក្នុងជីវិតយើង? ទម្លាប់ក្នុងការនិយាយគ្នាដោយបើកចំហនិងជួយបន្សាបបរិស្ថានដែលមានជាតិពុល ហើយបង្កើនការឲ្យតម្លៃលើការងារដែលគ្រប់គ្នាកំពុងធ្វើ។

ការមានមិត្តភ័ក្ដិល្អៗចេះជួយគ្នានៅកន្លែងធ្វើការមិនត្រឹមតែជាគន្លឹះនៃសុភមង្គលផ្ទាល់ខ្លួនប៉ុណ្ណោះទេ ប៉ុន្តែថែមទាំងធ្វើឲ្យយើងមានទំនោរទៅរកការងារប្រចាំថ្ងៃច្រើនជាងធម្មតាប្រាំពីរដង នេះបើតាម ការស្ទង់មតិរបស់លោក Nazar មកពីសាកលវិទ្យាល័យ Harvard។

លោកបានសរសេរនោឆ្នាំ២០១៧ថា “ បុគ្គលិកជាងពាក់កណ្ដាលដែលឆ្លងកាត់ការស្ទង់មតិមានទស្សនៈថា ពួកគេមានមិត្តល្អច្រើននៅកន្លែងធ្វើការ ហើយនោះជាសញ្ញាល្អដែលពួកគេតែងចង់ទៅជុំគ្នារាល់ថ្ងៃចន្ទ”៕

ប្រែសម្រួល ៖ ចម្រើនតារា

ប្រភព ៖ themuse

ចុចអាន៖មានបទពិសោធន៍ទើបគេឱ្យការធ្វើ តែមិនដែលធ្វើការផងបានបទពិសោធន៍ពីណាមក ?គិតម៉េច?

ចុចអាន៖មុនពេលបង្កើតមុខរបរថ្មី បីយ៉ាងបន្ទាន់នេះដែលត្រូវគិត

Related Topics:ការងារ