អាជីព
អ្នកស្រី ឈឹម ស៊ីថូ កែច្នៃសម្បុកត្រចៀកកាំរួមចំណែកលើកកម្ពស់ផលិតផលក្នុងស្រុក
ទឹកមាត់ត្រចៀកកាំ មានសារៈសំខាន់ខ្លាំងសម្រាប់សុខភាព។ ទោះជាកម្ពុជា អំណោយផលក្នុងការចិញ្ចឹមសត្វត្រចៀកកាំយកទឹកមាត់ តែការផលិតនៅមានកម្រិតនៅឡើយ។
អ្នកស្រី ឈឹម ស៊ីថូ គឺជាស្រ្តីម្នាក់ រស់នៅភូមិអូបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន បច្ចុប្បន្នបាននិងកំពុងកែច្នៃសម្បុកត្រចៀកកាំ ដែលមានគុណភាព ដើម្បីលក់ចែកចាយនៅលើទីផ្សារស្រុក និងមានបំណងចូលរួមចំណែកលើកកម្ពស់ផលិតផលស្រុកផងដែរ។
អ្នកស្រី ស៊ីថូ បានឱ្យដឹងថា អ្នកស្រីចាប់ផ្តើមប្រកបអាជីវកម្មផលិតសម្បុកទឹកមាត់ត្រចៀកកាំតាំងពីឆ្នាំ២០១៩មក។ ចំពោះចំណេះដឹងនៃការផលិតនេះ អ្នកស្រី រៀនពីសមាគមត្រចៀកកាំកម្ពុជា និងអ្នកជំនាញនានាក្នុងស្រុក។ អ្នកស្រីចំណាយប្រមាណ ១៥០០ដុល្លារ ទៅ ២០០០ដុល្លារ ដើម្បីទិញវត្ថុធាតុដើមពីអ្នកចិញ្ចឹមត្រចៀកកាំ យកមកផលិតជាទឹកមាត់ ដែលមានគុណភាព និងអនាម័យ។
អ្នកស្រី ឈឹម ស៊ីថូ ប្រកបរបរនេះត្រឹមរយៈពេល ៥ខែ ក៏មានអ្នកស្គាល់ និងគាំទ្រទៅលើស្នាដៃផលិតរបស់អ្នកស្រី។ បើតាមអ្នកស្រី ស៊ីថូ ទឹកមាត់ត្រចៀកកាំលក់ក្នុងមួយឡូ តម្លៃចាប់ពី ៣០ដុល្លារ ទៅដល់ ៩០ដុល្លារ តាមចំណុះផ្សេងៗគ្នា។
នៅក្នុងទឹកមាត់ត្រចៀកកាំ សម្បូរទៅដោយសាធាតុប្រូតេអ៊ីន និងសារធាតុដែកជាច្រើនប្រភេទ ដែលមានប្រយោជន៍ជួយដល់មនុស្សគ្រប់វ័យ មិនថាតែមនុស្សចាស់ និងស្រ្តីមានផ្ទៃពោះ។
បើទោះជាមុខរបររបស់អ្នកស្រី ស៊ីថូ នៅមានទំហំតូចនៅឡើយ តែមានការទទួលស្គាល់ពីស្ថាប័នមួយចំនួន ដូចជា ក្រុមការងារមន្ទីរកិច្ចការងារនារី និងមន្ទីរពាណិជ្ជកម្មខេត្តប៉ៃលិន ជាដើម ដែលស្ថាប័នទាំងនេះ តែងតែចុះត្រួតពិនិត្យផ្ទាល់ ដោយបានណែនាំអំពីសារៈសំខាន់ និងផលប៉ះពាល់នានា ដើម្បីរំលឹក និងបញ្ជ្រាបចំណេះដឹងបន្ថែមដល់អ្នកស្រីផងដែរ។
ប្រធានសមាគមអ្នកចិញ្ចឹមសត្វត្រចៀកកាំលោក ស៊ុយ កុកធាន បានឲ្យដឹងថា នៅកម្ពុជា តំបន់ដែលសម្បូរសត្វត្រចៀកកាំច្រើន គឺនៅខេត្តជាប់បឹងទន្លេសាប មានដូចជា កំពង់ចាម ព្រៃវែង កំពង់ធំ សៀមរាប បាត់ដំបង ពោធិ៍សាត់ កំពង់ឆ្នាំង និងខេត្តនៅជាប់មាត់សមុទ្រផងដែរ។ តាមការសិក្សា សម្បុកត្រចៀកកាំនៅកម្ពុជា មានគុណភាពល្អជាងគេ បើប្រៀបធៀបនិងប្រទេស ដែលធ្វើអាជីវកម្មសត្វត្រចៀកកាំនេះ។
ក្នុងបរិបទកូវីដនេះ សម្បុកត្រចៀកកាំ លក់បានត្រឹមតែ ១គីឡូតម្លៃ ៦៥០ ទៅ ៧០០ដុល្លារប៉ុណ្ណោះ។ ចំណែកសម្បុកដែលកែច្នៃរួចហើយ តម្លៃចន្លោះពី ១៥០០ដុល្លារ ទៅ ១៨០០ដុល្លារ។ នេះជាការបន្ថែមរបស់លោក កុកធាន៕
អត្ថបទ៖ ឌឿនចាន់ ថារី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ