អាជីព
មិត្តរួមការងារប្រភេទនេះ កុំយកខ្លួនបៀតឲ្យសោះ ព្រោះអាចធ្វើឲ្យយើងខាតបង់ដោយសារគេ !
គ្នាយើងមួយចំនួនដែលមានអាកប្បកិរិយាមិនល្អ គឺដោយសារតែពួកគេមិនចេះស្រឡាញ់ និងមិនយល់ពីតម្លៃនៃការគោរពខ្លួនឯង ព្រមទាំងអ្នកដទៃ។
អ្នកជំនាញចិត្តសាស្ត្រ និងជាវេជ្ជបណ្ឌិតចូលនិវត្តន៍ លោក Greg Baer ដែលក្រោយមកចំណាយជីវិតចុងក្រោយក្នុងការតាក់តែងនិពន្ធជាមួយសៀវភៅចំនួន ១៧ ក្បាល ដែលជាស្នាដៃចេញពីក្ដីស្រឡាញ់ ក៏បានសរសេរអត្ថបទមួយចុះផ្សាយនៅទំព័រទស្សនវដ្តី Forbes ដោយបង្ហាញថា មនុស្សឃ្លានអំណាច និងបង្កសង្គ្រាមខ្លាំង អាចបំផ្លាញកន្លែងធ្វើការ និងវិជ្ជាជីវៈយើងទាំងមូលបានប្រសិនយើងមានការធ្វេសប្រហែសជាមនុស្សប្រភេទនេះ។
បណ្ឌិត Baer មានប្រសាសន៍ថា កង្វះសេចក្តីស្រឡាញ់ចំពោះមនុស្សម្នា ជាពិសេសអ្នកដែលមានភាពអត្មានិយម និងសាហាវស្រេកឃ្លានតួនាទីហួសហេតុ ជាហេតុបង្កឥទ្ធិពលអវិជ្ជមានប៉ះពាល់ទៅលើមិត្តរួមការងារដទៃទៀត។
ប្រភេទមិត្តរួមការងារទាំងនេះ យើងអាចសម្គាល់តាមរយៈចំណុចខាងក្រោម៖
១- អាកប្បកិរិយាការងារបង្កជម្លោះ
ដើម្បីកំណត់ឥរិយាបទរំលោភអំណាចរំខានដល់បុគ្គលិកស្មោះត្រង់ដទៃ និងបង្វែរកន្លែងធ្វើការឲ្យទៅជាសមរភូមិ មានសម្ពាធ និងភាពភ័យខ្លាចនោះ បណ្ឌិត Baer ពន្យល់ថា មិត្តរួមការងារអស់នោះ ចូលចិត្តរាយការណ៍មិនល្អអំពីមិត្តដទៃទៀតនៅពីក្រោយខ្នង មិនទទួលស្គាល់លទ្ធផលការងារអ្នកផ្សេងដែលធ្វើបានល្អ ឈានដល់រកវិធីរារាំងថែមទៀត។
២- រារាំងព័ត៌មានពិត ប្រឌិតដំណឹងចចាមអារ៉ាម
ពួកគេរវល់ជាមួយការបង្កើតព័ត៌មានចចាមអារ៉ាម ដើម្បីលុបបំបាត់ការពិត។ វេជ្ជបណ្ឌិត Baer សរសេរថា ការគ្រប់គ្រងការសន្ទនាសម្ងាត់ចេញពីមាត់មិត្តរួមការងារ នោះពិបាកអនុវត្តិជាមួយ «មនុស្សបំពុល»ណាស់ ពួកគេមិនខ្វះរឿងប្រឌិតទេ។
៣- រំលោភសិទ្ធិអំណាច
មនុស្សបំពុលទាំងនោះ ភាគច្រើនបំពានសិទ្ធិអំណាច ហួសដែនសមត្ថកិច្ចរបស់ខ្លួន ហើយភាគច្រើន ធ្វើអ្វីលាក់បំពួនមិនចេញមុខមាត់ទេ។ ពួកគេបំភិតបំភ័យអ្នកដែលតូចជាង និងវាយប្រហារអ្នកស្មើគ្នា ចុងក្រោយចង់ផ្តួលអ្នកធំជាងខ្លួនថែមទៀត។
៤- រារាំងការច្នៃប្រឌិត
យើងអាចសម្គាល់មិត្តរួមការងារប្រភេទទាំងនោះបានត្រង់ចំណុច គេរារាំងអ្នកពូកែៗ ដែលមិនមែនជាបនភឿនរបស់ខ្លួន ហើយដាក់អ្នកទាំងនោះមួយដុំ បំបិទឱកាស បំបិទលទ្ធផលចោល។
៥- យកជើងរាទឹក
លោកវេជ្ជបណ្ឌិត Baer មានប្រសាសន៍ថា មនុស្សដែលនិយមរាំងស្ទះដំណើរការនានា មិនឲ្យរលូន តាមពិត ដោយសារមានភាពច្រណែន និងចង់ក្ដោបក្ដាប់គ្រប់យ៉ាងមកខាងខ្លួន មិនគិតពីប្រយោជន៍ជារួមអ្វីឡើយ។ ពួកគេគិតតែពីខ្លួនឯង ហើយកម្រខ្វល់អំពីអ្នកដទៃ ឬសុខុមាលភាពក្រុមហ៊ុនទាំងមូលណាស់។
៦- គ្មានវិជ្ជាជីវៈ
មនុស្សទាំងនោះភាគច្រើនមិនគោរពក្រមសីលធម៌វិជ្ជាជីៈទេ ហើយចូលចិត្តដោះស្រាយជីវិត តាមវិធីសាស្ត្រ សង្គ្រាមចម្បាំង។ មានមនុស្សបែបនេះនៅទីណា ទីនោះកម្របានស្ងប់សុខរហូតដល់ ខាតបង់លិចលង់ខ្លាំង ទើបជននោះអាចចាកចេញ ពេលលែងមានប្រយោជន៍សម្រាប់គេ៕
ប្រែសម្រួល៖ សុភា
ប្រភព៖ INC.
ចុចអាន៖សម្គាល់មើល តើប្តីប្រពន្ធយើងកំពុងកើត Depression ដែរ?
ចុចអាន៖រវាងវិជ្ជាជីវៈនិងអាជីពមានភាពខុសគ្នាម៉េចខ្លះ?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង