Connect with us

អាជីព

គន្លឹះ ៥ យ៉ាង ចាកឆ្ងាយពីក្រុមការងារពូកែនិយាយដើម ឬចាំតែចាក់ចេកចាក់ស្ករ

បានផុស

នៅ

នៅក្នុងវិសាលភាពនៃការងារ នឹងមានមនុស្សជាច្រើនប្រមូលផ្តុំគ្នា ហើយជាការពិត​ ក្នុងនោះ​មាន​តួអង្គ​ផ្សេងៗគ្នា។ ពេលខ្លះមិត្តរួមការងារ​មិនល្អទាំងអស់នោះទេ ម្នាក់ក្នុង​ចំណោម​នោះ​គឺជា​មិត្ត​រួមការងារ​ដែល​មាន​ទម្លាប់​និយាយ​ដើម​គេ​ ឬ​ពូកែ​ចាក់​ចេក​ចាក់​ស្ករ​ឥត​ឈប់។

ទន្ទឹមនោះ ដើម្បី​នាំខ្លួនឯងឲ្យចាក់ឆ្ងាយពី​ទម្លាប់​និយាយ​ដើម​គេ​នៅ​កន្លែង​ធ្វើការ អ្នក​អាច​សាកល្បង​​គន្លឹះ​ ៥ ដូចខាងក្រោមនេះ។

១ ជ្រើសរើស​រង្វង់​មិត្តភ័ក្ដិ​ដែល​ត្រឹមត្រូវ រឿងដំបូងដែល​ត្រូវធ្វើ គឺ​កំណត់​រង្វង់​សេពគប់​មិត្តឲ្យ​បាន​ត្រឹមត្រូវ។ ពាក្យ​ចាស់​លោក​ពោលថា “​សេពគប់​បណ្ឌិត​ចេញ​បណ្ឌិត ​សេពគប់​ពាល​ចេញ​ពាល” ​ប្រយោគ​នេះ​គឺ​មិន​ខុស​ឡើយ។ សារៈសំខាន់​នៃ​ការ​កំណត់​រង្វង់​មិត្ត ច្បាស់​ជា​ជះ​ឥទ្ធិពល​លើ​របៀប​ទំនាក់ទំនង​សង្គម។ ប្រសិន​បើ​យើង​ជ្រើសរើស​រង្វង់​មិត្តដែល​ចូលចិត្ត​និយាយ​ដើម​គេ ច្បាស់​ណាស់​អ្នក​ក៏​មានទម្លាប់​ដូចគ្នា​នឹង​ពួកគេ​ដែរ។ ដូច្នេះ​ហើយ ការកំណត់​រង្វង់​មិត្ត ឲ្យបាន​ត្រឹមត្រូវ និង​នៅ​ឆ្ងាយ​ពី​ទម្លាប់​និយាយ​ដើម​គេ នឹង​ជួយយើង​ឲ្យ​ចៀស​វាង​ពី​រឿង​បែប​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ធ្វើ​ខ្លួនឯង​ឲ្យ​រវល់​ ជាមួយ​សកម្មភាព​មានប្រយោជន៍ ទម្លាប់​នៃ​ការ​និយាយ​ដើម​គេ​នៅ​កន្លែង​ធ្វើការ ​អាច​កើត​ឡើង​គ្រប់​ពេល ជាពិសេស​ប្រសិន​បើ​បុគ្គលិក​ទាំងពីរ​ មាន​ពេល​ទំនេរ​ដើម្បី​ជជែកគ្នា។ ក្នុង​ករណី​នេះ វា​ច្បាស់ណាស់​ថា​អ្នក​ត្រូវ​តែ​កំណត់​វិធី​ត្រឹមត្រូវ ដើម្បីកុំឲ្យ​មាន​ការ​ល្បួង​ឲ្យ​និយាយ​ដើម​អ្នកដទៃ (មិនថា​ផ្ទាល់​ ឬ​និយាយ​ដើម​គេ​តាម​ឆាត)។ មធ្យោបាយ​ដ៏ល្អបំផុត គឺរក្សា​ខ្លួនឯ​ងឲ្យ​រវល់ ​ជាមួយ​នឹង​សកម្មភាព​វិជ្ជមាន។ ធ្វើ​បែប​នេះ អ្នក​នឹង​មិន​មាន​ពេល​និយាយ​ពី​អ្នក​ដទៃឡើយ។

៣ បង្កើត​ទំនាក់ទំនង​ល្អ​ជាមួយ​មិត្តរួម​ការងារ​ទាំងអស់ ទម្លាប់​នៃ​ការ​និយាយ​ដើមគេ ​ជាធម្មតាធ្វើឡើង​ដោយ​មនុស្ស​ដែល​មាន​ទំនាក់ទំនងមិនល្អជាមួយមិត្តរួមការងារ។ វាមិនគួរឲ្យ​ភ្ញាក់ផ្អើល​ទេ ដែល​រឿង​បែបនេះ​មិន​សម​គួរយកតម្រាប់តាម ព្រោះ​វាបង្ហាញពីផ្នែក​អវិជ្ជមាន​នៃ​ការ​និយាយ​អំពី​រឿង​អាក្រក់​របស់​អ្នក​ដ៏ទៃ។ ដូច្នេះ ការបង្កើត​ទំនាក់ទំនង​ល្អជាមួយ​មិត្តរួម​ការងារ​ទាំងអស់ នឹងជួយឲ្យអ្នកគ្មានហេតុផលណាត្រូវនិយាយដើម​អ្នកដ៏ទៃទេ ហើយ​ក៏មិនមានលទ្ធភាពក្លាយ​ជាប្រធានបទ នៃការ​និយាយដើម​ពីមិត្តរួមការងារ​ផ្សេង​ទៀត​ដែរ។ បើទោះបីជាក្រុមបិសាចពូកែចាក់ឲ្យអ្នកចូលមនោគមន៍គេក៏ដោយ តែឲ្យតែអ្នកតាំងចិត្តថា បុគ្គលនោះល្អ គឺល្អហើយ។

៤ អនុវត្តព្រំដែន ប្រសិនបើនរណាម្នាក់ចង់និយាយដើម អ្នក​ប្រហែល​ជា​បាន​ព្យាយាម​យ៉ាង​ខ្លាំង​ ដើម្បី​រក្សា​ខ្លួន​ឯង​ពី​ទម្លាប់​នៃ​ការ​និយាយ​ដើម ​ដែល​អាច​កើត​ឡើង​គ្រប់​ពេល។ ទោះជាយ៉ាងណាក៏ដោយ មិត្ត​រួម​ការងារ​ផ្សេង​ទៀ​ត​របស់​អ្នក​ប្រហែល​ជា​មិន​អាច​បញ្ឈប់​ខ្លួនឯង ​ពី​ការ​និយាយ​ដើម​គេ​នៅ​ពេល​ធ្វើការ​បានទេ។ ដូច្នេះ វាមានសារៈសំខាន់ណាស់​ក្នុងការ​អនុវត្ត​ព្រំដែន​ច្បាស់លាស់ ​ក្នុង​បញ្ហា​នេះ។ អ្នកអាចធ្វើដូចនេះបាន ដោយព្យាយាម​ចៀសវាង​ឱកាស​ដើម្បីនិយាយដើមគេ ឬ​ព្យាយាម​បង្វែរ​ការសន្ទនា​ ដើម្បីកុំឲ្យ​វាកើតឡើង។ មួយវិញទៀត យើងមានសិទ្ធមិនចង់ស្ដាប់រឿងអ្នកដទៃ ខ្លាចតែយើងចង់ស្ដាប់ ហើយឈឺចាប់ខ្លួនឯងវិញទេ។

៥ ព្យាយាម​មើល​អ្វីៗ​ពី​ផ្នែក​វិជ្ជមាន មូលហេតុ​មួយ​ដែល​ធ្វើឲ្យ​មនុស្ស​និយាយ​ដើម​គេ​ច្រើន ​គឺ​ដោយសារ​តែ​ខ្លួន​គេ​មាន​គំនិត​អាក្រក់ ខ្លួនឯងមិនល្អដូចគេ និងតែងមានទម្លាប់​​សន្មត​មិត្ត​រួម​ការងារ​​តាមតែ​ចិត្តចង់។ នេះ​ពិតជា​ពិបាក​គ្រប់គ្រង​ណាស់ ព្រោះ​ពេលខ្លះ​អ្វី​ដែល​គិត មិនមែនសុទ្ធតែត្រឹមត្រូវ។ រឿងខ្លះយើងមើលត្រឹមសំបក​ តែមិនដឹងជម្រៅចិត្តគេបន្តិចណា ក៏តាំងម៉ៃគេថាអាក្រក់ភ្លាម។ តែ​យ៉ាងហោចណាស់ ​អ្នកក៏​អាច​ព្យាយាម​មើល​អ្វីៗ​ពី​ផ្នែក​វិជ្ជមានសិន។ វិធី​នោះ អ្នក​នឹង​មិន​មាន​ហេតុផល​អ្វី​ ដើម្បី​និយាយ​ដើម​អ្នកដទៃ​ឡើយ។

យ៉ាងណាមិញ ​ផ្អែកតាមការ​រៀបរាប់​ខាងលើនេះ​ គឺពិតជាមិន​ខុស​នោះ​ទេ។ ការ​សេពគប់​មិត្ត​នៅកន្លែង​ការងារ​ គឺជារឿង​សំខាន់​បំផុតសម្រាប់ជីវិតរបស់​អ្នក។ ជាមួយគ្នានេះដែរ វាជារឿងប្រពៃណាស់​ បើយើងសេពគប់​មនុស្ស​ដែល​ល្អប្រសើរជាងយើង ហើយមិនយូរ យើងនឹងដូចគេ។ តែបើ​យើង​សេពគប់​រង្វង់​មិត្ត​ដែល​ពូកែ​ទើស​គេ​ឥត​ល្ហែ​ មួយថ្ងៃៗមានតែរឿង​ឈឺ​ក្បាល​មក​ប្រាជ្ញព្រោក​ក្នុង​គ្រុប​ បង្កើត​ការ​និយាយ​ពី​គេ​ យូរៗ​ទៅ​យើង​នឹង​ដូចគេ​ដែរ៕

ប្រែសម្រួល៖​ សាង ​ស្រីល័ក្ខ

ចុចអាន៖ងងុយគេងនៅកន្លែងធ្វើការ សាកល្បងអនុវត្តគន្លឹះ ៥ យ៉ាងនេះភ្លាម

ចុចអាន៖មិត្តរួមការងារ ៥ ប្រភេទ តែងធ្វើឲ្យជីវិតការងារកាន់តែស្មុគស្មាញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

កូវីដបំប្លែងខ្លួនឆ្លងលឿន កំពុងវាយលុកប្រទេសជិតខាងកម្ពុជា ដល់ថ្នាក់មានអ្នកស្លាប់

ព័ត៌មានអន្ដរជាតិ៨ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ១០ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១០ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម