KPT+
គន្លឹះកសាងទំនាក់ទំនងល្អជាមួយមិត្តរួមការងារ
ការកសាងទំនាក់ទំនងជាមួយមិត្តរួមការងារដោយភាពវិជ្ជមានបានល្អ នឹងនាំមកនូវសំណាងល្អ សុខភាពផ្លូវចិត្តល្អ និងអត្ថប្រយោជន៍ជាច្រើន។
តើអ្នកត្រៀមខ្លួនដើម្បីចាប់ផ្ដើមបង្កើតទំនាក់ទំនងល្អហើយឬនៅ? ទាំងនេះជាគន្លឹះសាមញ្ញៗ សម្រាប់ការបង្កើតទំនាក់ទំនងល្អជាមួយមិត្តរួមការងារ ៖
១–ពេលវេលា នៃការទំនាក់ទំនង
រកពេលវេលាសមស្របជជែកពីការងាររបស់អ្នកជាមួយមិត្តរួមការងារ ឬ បង្កើតបរិយាកាសនិយាយពីការចង់អភិវឌ្ឍន៍ខ្លួនបន្ថែម។
មិនគួរអង្គុយស្ងៀមនៅក្នុងតុការិយាល័យរហូតទេ ការធ្វើបែបនេះ នឹងមិនអាចជួយឲ្យបង្កើនភាពជិតស្និទ្ធជាមួយមនុស្សជុំវិញខ្លួនអ្នកឡើយ។ ត្រូវមានភាពស្វាហាប់ និងរហ័សរហួនទៅកាន់មិត្តរួមការងារ។
២–កំណត់ព្រំដែនច្បាស់លាស់
នៅពេលដែលអ្នកបានបង្កើនភាពជិតស្និទ្ធជាមួយមិត្តរួមក្រុមការងារបានខ្លះៗហើយ អ្នកគួរចេះកំណត់ព្រំដែន នៃការទំនាក់ទំនង។
ដ្បិតតែស្គាល់ចិត្តគ្នាបានខ្លះៗមែន ប៉ុន្តែមិនគួរជីកសួរពីរឿងផ្ទាល់ខ្លួនមិត្តរួមក្រុម រឿងគ្រួសារ រឿងអតីតកាល ឬ និយាយពីបញ្ហាមិនល្អនៅកន្លែងការងារដាច់ខាត ការធ្វើបែបនេះនាំឲ្យទំនាក់ទំនងអាចឈានទៅរកភាពអវិជ្ជមាន។ ក្នុងនោះ មានន័យថា ការបង្កើតទំនាក់ទំនងល្អ មិនស្ថិតលើតែការជីកសួរប្រវត្តិរឿងបុគ្គល ឬ និយាយអាក្រក់ពីអ្វីមួយឡើយ។ អ្នកត្រូវរាប់អានមិត្តរួមក្រុមការងារដោយភាពស្មោះត្រង់ ចេះជួយយកអាសាគ្នាទៅវិញទៅមក។ ព្រំដែនទំនាក់ទំនងដែលមានសុខភាពល្អ គឺជាផ្នែកមួយដ៏សំខាន់ក្នុងការកសាងមិត្តភាពការងារ។
៣–រំលងការនិយាយដើម
អ្នកមិនគួរនិយាយដើមមិត្តរួមការងារ ឬបង្កើតនយោបាយនៅក្នុងការិយាល័យជាដាច់ខាត វានឹងនាំឲ្យក្លាយជាការបំផ្លាញទំនុកចិត្តនៅកន្លែងធ្វើការ។
ចៀសវាងការនិយាយអាក្រក់ពីនរណាម្នាក់ នៅពីក្រោយខ្នង។ ប្រសិនបើមានបញ្ហាការងារត្រូវដោះស្រាយ ឬ មិត្តរួមការងារ បានធ្វើអ្វីមួយដែលយល់ថាខុស អ្នកត្រូវប្រឈមមុខនឹងពួកគេដោយផ្ទាល់។ ការពិភាក្សាដោយបើកចំហបែបនេះ នឹងនៅតែរក្សាទំនាក់ទំនង និងបរិយាកាសការងារកាន់តែប្រសើរឡើង។
៤–សរសើរ និងលើកទឹកចិត្ត
នៅពេលមិត្តរួមការងារ សម្រេចកិច្ចការ ហើយទទួលលទ្ធផលល្អ អ្នកត្រូវតែលើកសរសើរពួកគាត់។ ការធ្វើទង្វើបែបនេះ នឹងបញ្ជាក់ថា អ្នកជាមនុស្សមិនច្រណែនពេលឃើញមិត្តរួមក្រុមបានល្អ។
ស្របគ្នានោះដែរ នៅពេលមិត្តរួមការងារធ្វើការមិនទទួលបានលទ្ធផលល្អ បាក់ទឹកចិត្ត អ្នកគួរចេះលើកទឹកចិត្ត ហើយប្រាប់ពីចំណុចដែលអាចជួយពួកគាត់ដើម្បីអភិវឌ្ឍន៍សមត្ថភាពបន្ថែម។
៥–ដឹងគុណ
ពេលមិត្តរួមក្រុមការងារ បានជួយទុក្ខធុរៈ មិនថា តូច ឬធំ អ្នកត្រូវមានការដឹងគុណ និងបង្ហាញការអរគុណចំពោះពួកគាត់។
ការដឹងគុណមនុស្សដែលបានជួយយើង គឺជាទង្វើដ៏ប្រពៃ ហើយពួកគាត់នឹងចងចាំនូវទង្វើល្អរបស់អ្នករហូត៕
អត្ថបទ ៖ ពិសី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង