អាជីព

ត្រៀម៥ ជំហាន ពេញដោយក្តីជឿជាក់ ពេលសម្ភាសន៍ការងារ ក្នុងកំឡុង កូវីដ

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

ការរៀបចំសម្រាប់សម្ភាសន៍ គឺមានសារៈសំខាន់ណាស់ ដើម្បីធានាថាយើងបានឆ្លងកាត់ជាបុគ្គលិកដែលមានសមត្ថភាពនិងសក្ដានុពល ជាពិសេសនោះគឺក្នុងកំឡុងពេលផ្ទុះកូវីដម្ដងហើយម្ដងទៀត។

ខាងក្រោមនេះជាជំហានងាយៗ ដែលយើងត្រូវធ្វើមុនពេលស្វែងរកការងារនិងចាប់ផ្ដើមពេលសម្ភាសន៍ការងារ ដើម្បីធានាថា យើងមានភាពជឿជាក់និងមានទំនុកចិត្ត ក្នុងកិច្ចសម្ភាសន៍ការងារ៖

១. ពិនិត្យមើលអតីតកាលរបស់យើង

សួរជាសំណួរមកខ្លួនឯង៖

តើអ្នកបានធ្វើការនៅទីណា? កាន់តំណែងអ្វីខ្លះ? តើតំណែងទាំងនោះមានរយៈពេលប៉ុន្មាន?

តើអ្នកទទួលបានការទទួលខុសត្រូវបទពិសោធន៍ ឬឱកាសពិសេសអ្វីខ្លះ ពីមុខតំណែងទាំងនេះ? ទីបំផុតតើអ្នកបានរៀនអ្វីខ្លះពីរបស់ទាំងអស់នេះ?

២. វាយតម្លៃបច្ចុប្បន្នរបស់យើង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើតំណែងបច្ចុប្បន្នរបស់អ្នកគឺជាអ្វី? តើអ្នកមានទំនួលខុសត្រូវអ្វីខ្លះ? តើអ្នកកំពុងធ្វើអ្វីបច្ចុប្បន្ននេះ ដើម្បីកែលំអខ្លួនឯង?

ប្រសិនបើយើងត្រូវបានគេបញ្ឈប់ពីការងារ តើយើងនឹងប្រើប្រាស់ពេលវេលានោះយ៉ាងដូចម្ដេច ដើម្បីជាគុណប្រយោជន៍ខ្លួនឯង?

៣ . គិតពីអនាគតរបស់យើង

តើអ្នកមានគោលដៅអ្វីខ្លះ? តើអ្នកមានគម្រោងបន្តការសិក្សាបន្ថែមទៀតទេ?

តើអ្នកចង់បានតួនាទីជាអ្នកដឹកនាំនៅក្នុងអង្គភាពថ្មីនេះទេ? តើគំនិតអ្វីខ្លះដែលអ្នកមាន ដើម្បីជំរុញឲ្យឧស្សាហកម្មទៅមុខ?

៤. ដឹងថាខ្លួនឯងជានរណា

បន្ថែមលើជំហានទី ១ ត្រូវដឹងពីអ្វីដែលយើងពូកែនិងកន្លែងដែលយើងអាចឈរ ដើម្បីប្រើប្រាស់កែលំអ។ មានទំនុកចិត្ត នៅពេលយើងប្រាប់អ្នកសម្ភាសន៍ថា ចំណុចខ្លាំងនិងចំណុចខ្សោយរបស់យើងគឺជាអ្វី។

តើជំនាញអ្វីដែលយើងមាននាពេលបច្ចុប្បន្ន ហើយអាចធ្វើឲ្យមានភាពងាយស្រួលក្នុងតួនាទី ឬឧស្សាហកម្មថ្មី? ទាំងនេះគឺជាជំនាញដែលអាចផ្ទេរបាន។ កុំមើលស្រាលតម្លៃរបស់ពួកគេ នៅក្នុងបទសម្ភាសន៍ការងារឲ្យសោះ។

៥. អនុវត្ត

អនុវត្តប្រាប់រឿងរ៉ាវរបស់យើងទៅកាន់អ្នកណាម្នាក់ តើពាក្យណាដែលល្អនៅពេលយើងនិយាយទៅកាន់ពួកគេ? តើធាតុសំខាន់ៗអ្វីខ្លះដែលយើងចង់ឲ្យនិយោជិកដឹង ហើយតើមួយណាមិនពាក់ព័ន្ធ? អាចប្រាប់រឿងរ៉ាវទាំងនោះ ហើយវាយតំលៃចំណុចសំខាន់ៗទាំងអស់ កុំធ្វើឲ្យអ្នកសម្ភាសន៍មានអារម្មណ៍ធុញទ្រាន់នឹងយើងឲ្យសោះ។

វិធីមួយទៀតអាចឲ្យមិត្តម្នាក់ធ្វើជាអ្នកសម្ភាសន៍ជាមួយយើង ហើយយើងជាអ្នកអនុវត្តនៅចំពោះមុខមនុស្សម្នាក់ទៀត។

ពេលចប់ការសម្ភាសន៍ រឿងគួរចងចាំ ត្រូវជម្រាបលា ហើយបង្ហាញថាយើងពិតជាចងក្លាយជាផ្នែកមួយជាមួយពួកគេពិតមែន និងតាមដានរាល់អ៊ីម៉ែល ដោយយកចិត្តទុកដាក់បំផុត៕

ប្រែសម្រួល៖ សាង ស្រីល័ក្ខ

ចុចអាន៖ប្រសិនបុគ្គលិកល្អរបស់អ្នកនៅសុខៗ ស្រាប់តែប្រែទៅជាស្រងូតស្រងាត់

Related Topics:ការងារ សម្ភាសន៍ការងារ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា