ពលរដ្ឋស្នើសមត្ថកិច្ចបន្តការបង្ក្រាបបទល្មើសឆបោក តាមប្រព័ន្ធអនឡាញ មិនចង់ឲ្យកម្ពុជាក្លាយជាជម្រក

ស្របពេលដែលមួយរយៈពេលក្រោយមកនេះ ដោយអនុវត្តតាមបទបញ្ជាដ៏ខ្ពង់ខ្ពស់របស់សម្តេចធិបតី ប្រមុខថ្នាក់ដឹកនាំ គេសង្កេតឃើញថា កម្លាំងអាជ្ញាធរមានសមត្ថកិច្ចនៅទូទាំងប្រទេសកំពុងយកចិត្តទុកដាក់ខ្ពស់កំពុងការបន្តបង្ក្រាបបទល្មើសឆបោកតានអនឡាញ Online Scams យ៉ាងសកម្ម។

តាមរយៈសកម្មភាពបង្ក្រាបនេះ ពលរដ្ឋបង្ហាញការគាំទ្រខ្ពស់ លើចំណាត់ការដ៏ម៉ឺងម៉ាត់នេះ ព្រោះប្រទេសជាតិកំពុងឋិតក្នុងការអភិវឌ្ឍន៍ និងរីកចម្រើន ដូច្នេះហើយកម្ពុជាមិនត្រូវការការរីកសាយភាយ នៃអំពើបទល្មើសទុច្ចរិតនានាចូលមកកាន់សង្គមជាតិនោះទេ។

ប្រជាពលរដ្ឋសង្កត់ធ្ងន់ថា ប្រទេសជាតិមួយមានការរីកចំរើន និងសេដ្ឋកិច្ចរឹងមាំ មិនមែនអាស្រ័យលើ បង្កើននៃបទល្មើសនោះទេ គឺអាស្រ័យទៅលើប្រជាជនមានចំណេះដឹង មានធនធានខ្លាំង រួមសាមគ្គីភាពគ្នា នោះប្រទេសជាតិក្លាយជាជាប្រទេសមួយខ្លាំងខ្លាបាន។ ប្រជាពលរដ្ឋកម្ពុជា មិនចង់ឲ្យកម្ពុជាក្លាយជាជម្រក នៃអំពើបទល្មើសឆបោកតាមប្រព័ន្ធអនឡាញនោះទេ និងបន្តស្នើដល់កងកម្លាំងអាជ្ញាធរមានសមត្ថកិច្ចបន្តបង្កើនការបង្ក្រាបឲ្យកាន់តែខ្លាំងក្លាបន្តទៀត។

គួររំលឹកថា ដោយបានសង្កេតឃើញថា បច្ចុប្បន្នសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS) នៅព្រះរាជាណាចក្រកម្ពុជា បាននិងកំពុងបង្កការគំរាមកំហែងនិងអសន្តិសុខក្នុងពិភពលោកនិងតំបន់។ ក្រុមឧក្រិដ្ឋជនបរទេសក៏បានជ្រៀតចូលធ្វើសកម្មភាពឆបោកតាមប្រព័ន្ធបច្ចេកវិទ្យា ផងដែរនោះ ទើបប្រមុខរាជរដ្ឋាភិបាលកម្ពុជា បានដាក់បទបញ្ជាដល់កម្លាំងប្រតិបត្តិពាក់ព័ន្ធ ត្រូវសហការគ្នា ធ្វើយ៉ាងណាបង្ក្រាបបទល្មើសនេះ ឱ្យមានប្រសិទ្ធិភាពបំផុត សំដៅចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមជាតិ៕អត្ថបទ ៖ សុភា