ស្រុករុក្ខគិរី រងការ​ជន់​លិច​ អាជ្ញាធរ​ចុះ​ជម្លៀស​ពលរដ្ឋ

ខេត្តបាត់ដំបង÷ បើតាមពត៌មានបឋមនៅព្រឹកថ្ងៃទី១៥ខែវិច្ឆកានេះ កម្លាំងសមត្ថកិច្ចបានចុះជួយជម្លៀសប្រជាពលរដ្ឋចេញពីតំបន់មួយចំនួនរកទីទួលសុវត្ថិភាព ខណះជំនន់ទឹកភ្លៀងបង្កឲ្យមានផលប៉ះពាល់លិចលំនៅឋានរបស់ពួកគាត់។

ប្រភព​ពី​សមត្ថកិច្ចបាន​បញ្ជាក់​ថា ការជម្លៀសពលរដ្ឋរកទីទួលសុវត្ថិភាពនាព្រឹកនេះ ខណះដែលមានភ្លៀង១មេបានធ្លាក់ក្នុងរយះពេលយូរនាយប់ថ្ងៃទី១៤ខែវិច្ឆិកាឆ្នាំ២០២១ បណ្តាលឲ្យ​ជន់លិចតំបន់មួយចំនួននៅក្នុងស្រុករុក្ខគិរី។ ក្នុងរបាយការណ៍បឋមរបស់សមត្ថកិច្ចបានបង្ហាញនៅព្រឹកថ្ងៃទី១៥ខែវិច្ឆកានេះថា តំបន់ដែលរង​ការ​ជន់​លិចលង់ក្នុងភូមិសាស្ត្រស្រុករុក្ខគីរីរួមមាន ឃុំបាសក់ ឃុំព្រែកជីក និង​ឃុំព្រៃត្រឡាច។

បើ​តាម​របាយការណ៍​បឋម អាជ្ញាធរ​នៅមិនទាន់ដឹងថាផលប៉ះពាល់នាពេលនេះមានប៉ុន្មានគ្រួសារនៅឡើយនោះទេសមត្ថកិច្ចកំពុងពិនិត្យក្រោយជួយសម្រួលសុវត្ថិភាពរបស់ពលរដ្ឋរួចរាល់៕

អត្ថបទ៖ សៅ សារិទ្ធ