សន្តិសុខសង្គម

ឃាត់ខ្លួន និងណែនាំលើពលករខ្មែរ ៩នាក់ ប៉ុនប៉ងឆ្លងដែនចូលថៃដោយខុសច្បាប់

បានផុស

៥ years មុន

នៅ

ថ្ងៃសុក្រ ៣ ធ្នូ ២០២១

ដោយ

ពលករប្រុសស្រីចំនួន ០៩ នាក់ ត្រូវសមត្ថកិច្ចការពារព្រំដែនកម្ពុជាថៃ បានឃាត់ខ្លួន ខណៈពួកគេប៉ុនប៉ងឆ្លងដែនចូលទៅប្រទេសថៃដោយខុសច្បាប់ ដោយចូលមកអប់រំ និងធ្វើកិច្ចសន្យា កាលពីថ្ងៃទី ០២ ខែធ្នូ ឆ្នាំ ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីខាងលើនេះ ត្រូវបាននគរបាលការិយាល័យផ្សព្វផ្សាយអប់រំនៃស្នងការដ្ឋាននគរបាលខេត្តបាត់ដំបង បានប្រាប់ឲ្យដឹងនៅថ្ងៃទី ០៣ ខែធ្នូ ឆ្នាំ ២០២១ នេះថា ក្រោមការអនុវត្តវិធានការការពារសន្តិសុខតាមខ្សែបន្ទាត់ព្រំដែនកម្ពុជា និងថៃ ត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញាមេខ្យល់នាំពលករចេញចូលខុសច្បាប់ឆ្លងដែនចូលទឹកដីថៃទប់ស្កាត់ និងឃាត់ខ្លួនពលករ០៩នាក់ប៉ុនប៉ងឆ្លងដែនចូលក្នុងទឹកដីថៃ ដោយខុសច្បាប់យកមកអប់រំ។

ប្រភពខាងលើបន្តថា ការឃាត់ខ្លួនពលករខាងលើបានធ្វើឡើងកាលពីថ្ងៃទី ០២ ខែធ្នូថ្មីៗនេះ ដោយកងកម្លាំងចម្រុះប្រចាំតំបន់ព្រំដែន បានចុះបង្ក្រាបទប់ស្កាត់ករណីប៉ុនប៉ងលួចឆ្លងដែនរបស់ក្រុមពលករខាងលើនៅក្នុងភូមិសាស្ត្រតំបន់ព្រំដែនកម្ពុជា និងថៃ ដែលពលករខាងលើបានធ្វើសកម្មភាពឆ្លងដែននៅត្រង់ចំណុចភូមិសាស្ត្រភូមិពោធិ៍ជ្រៃ ឃុំសិរីមាជ័យ ស្រុកសំពៅលូន ខេត្តបាត់ដំបង សរុបចំនួន ០៩ នាក់ ក្នុងនោះបុរសចំនួន ០៣ នាក់និ ងស្ត្រីចំនួន ០៥ នាក់ និងក្មេង ១ នាក់ផង។

ពលករទាំង០៩នាក់ខាងលើ ក្រោយការបង្ក្រាបកម្លាំងជំនាញបានធ្វើការអប់រំណែនាំ និងសាកសួរស្វែងរកមុខសញ្ញាមេខ្យល់រួចអនុញ្ញាតឲ្យវិលត្រឡប់ទៅកាន់លំនៅឋានរៀងៗខ្លួនវិញ៕

អត្ថបទ៖ សៅ សារិទ្ធ

Related Topics:ខេត្តបាត់ដំបង ពលករខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា