សន្តិសុខសង្គម

តុលាការបើកការស៊ើបសួរគ្រឿងញៀនស្ត្រីថៃម្នាក់ ដឹកជញ្ជូនគ្រឿងញៀនជិត២គីឡូ ឆ្លងកាត់៣ប្រទេសចូលមកកម្ពុជា

បានផុស

៩ ខែ មុន

នៅ

ថ្ងៃអង្គារ ៧ ធ្នូ ២០២១

ដោយ

ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ នៅថ្ងៃទី៧ ខែធ្នូ ឆ្នាំ២០២១ បានចេញដីកាបង្គាប់ឱ្យមន្ត្រីពន្ធនាគារព្រៃសម២ នាំខ្លួនស្ត្រីជនត្រូវចោទជនជាតិថៃ ម្នាក់យកមកតុលាការដើម្បី បើកកញ្ចប់គ្រឿងញៀនជិត២គីឡូ ដោយឆ្លងកាត់៣ប្រទេស គឺចេញពីប្រទេសម៉ាលី ប្រទេស.អេត្យូពី និងប្រទេសកូរ៉េខាងត្បូង ចូលមកប្រទេសកម្ពុជាក៏ត្រូវសមត្តកិច្ចនៅព្រលានយន្តហោះអន្តរជាតិភ្នំពេញចាប់ខ្លួន។

ជនត្រូវចោទឈ្មោះ SINEE SAISUWAN ភេទស្រី អាយុ ៦២ឆ្នាំ ជនជាតិ ថៃ កាន់លិខិត ឆ្លងដែន លេខAB3676188 ជាប់ចោទពីបទរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចជំនាញ នៃមន្ទីរប្រឆាំងគ្រឿងញៀន បានបង្ក្រាបករណីដឹកជញ្ជូនគ្រឿងញៀនឆ្លងដែនចូលកម្ពុជានោះ បានធ្វើការឃាត់ខ្លួនជនសង្ស័យម្នាក់ និងរឹបអូសគ្រឿងញៀនជិត ២ គីឡូក្រាម នៅអាកាសយានដ្ឋានអន្តជាតិភ្នំពេញ កាលពីវេលាម៉ោង១ នឹង៣០នាទីរំលងអធ្រាត្រឈានចូលថ្ងៃទី១៥ ខែវិច្ឆិកា ឆ្នាំ២០២១។

លទ្ធផលឃាត់ខ្លួនជនសង្ស័យម្នាក់ឈ្មោះ SINEE SAISUWAN ភេទស្រី អាយុ ៦២ឆ្នាំ ជនជាតិ ថៃ កាន់លិខិត ឆ្លងដែន លេខAB3676188 ។ ក្នុងនោះសមត្ថកិច្ចចាប់យកវត្ថុតាងរួមមាន សារធាតុញៀនប្រភេទកូកាអ៊ីន (COCAINE)ទម្ងន់សុទ្ធ១គីឡូ និង៩៨៩.១ក្រាម ដែលជានសង្ស័យបង្កប់លាក់នៅបាតវ៉ាលី៕

ដោយ ៖ មករា