សន្តិសុខសង្គម

Update ៖ ករណីអគ្គិភ័យនៅខណ្ឌច្បារអំពៅ ឆេះអគារស្នាក់នៅរបស់កម្មករក្នុងបុរី

បានផុស

២ years មុន

នៅ

ថ្ងៃអង្គារ ២១ ធ្នូ ២០២១

ដោយ

អគារឃ្លាំងចាស់របស់បុរី លឹម ឈាងហាក់ សម្រាប់ទុកសម្ភារៈ និងជាកន្លែងកម្មកររបស់បុរីស្នាក់នៅផងនោះ បានរងការឆាបឆេះខណៈដែលកម្មករចេញទៅធ្វើការអស់។

ហេតុការណ៍នេះបានកើតឡើងនៅវេលាម៉ោង១៣និង១៥នាទីរសៀល ថ្ងៃទី២១ ខែធ្នូ ស្ថិតក្នុងបុរី លឹម ឈាងហាក់ ក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍លោកស្រី យន់ សុផល ចៅសង្កាត់វាលស្បូវបានប្រាប់ថា ករណីអគ្គិភ័យនេះពុំទាន់មានការបំភ្លឺពីអ្នករស់នៅក្បែរចំណុចកើតហេតុនោះទេ ប៉ុន្តែអាចជាករណីឆ្លងចរន្តអគ្គិសនី។

ដោយឡែកលោកវរសេនីយ៍ទោ ឯក សារ៉ន អធិការររងនគរបាលខណ្ឌច្បារអំពៅ បានឲ្យដឹងថាករណីនេះ គឺដោយសារឆ្លងចរន្តអគ្គិសនីនៅក្នុងអគារស្នាក់នៅរបស់កម្មកររបស់បុរី។ ក្នុងហេតុការណ៍អគ្គិភ័យនេះ ពុំបង្កឲ្យមានអ្នករងគ្រោះឡើយ ដោយសារតែកម្មករចេញទៅធ្វើការអស់។

លោកអធិការរងបញ្ជាក់ថា ក្នុងកិច្ចអន្តរាគមន៍ជាបន្ទាន់នេះ ឃើញមានរថយន្តពន្លត់អគ្គិភ័យចំនួន១០គ្រឿងមកជួយដែលក្នុងនោះមានរថយន្តបុរីប៉េង ហួត ២គ្រឿង រថយន្តសាលាខណ្ឌច្បារអំពៅ១គ្រឿង និងរថយន្តរបស់ស្នងការដ្ឋាននគរបាលរាជធានីភ្នំពេញ ចំនួន៧គ្រឿង។ ហើយសម្ភារៈដែលខូចខាត គឺជារបស់កម្មករទាំងអស់៕

អត្ថបទ៖ នរា