សន្តិសុខសង្គម
ខឹងបង្អាប់រឿងការហើយអត់កូន ទាញកាំបិតដេញកាប់សម្លាប់ស្លាប់ភ្លាមៗ
បុរសម្នាក់ត្រូវបានជនដៃដល់ដែលជាអ្នកអង្គុយផឹកស៊ីជាមួយគ្នា ដេញកាប់សម្លាប់បណ្ដាលឲ្យស្លាប់ភ្លាមៗនៅកន្លែងកើតហេតុ បន្ទាប់ពីផឹកស៊ីជាមួយគ្នាហើយនិយាយបង្អាប់ថា ការយូរហើយអត់មានកូននឹងគេពិតជាអត់កំណើតមែន។
ករណីកាប់សម្លាប់នេះ បានកើតឡើងកាលពីថ្ងៃទី២៨ ខែធ្នូ ឆ្នាំ២០២១ នៅភូមិទូលរគាំង ឃុំអូរតាប៉ោង ស្រុកបាកាន ខេត្តពោធិ៍សាត់។
សមត្ថកិច្ចបានឲ្យដឹងថា ជនដៃដល់មានឈ្មោះ ញ៉ម អាន ភេទប្រុស អាយុ៣៧ឆ្នាំ។ ចំណែកជនរងគ្រោះឈ្មោះ វ៉ាំង សុខហេង អាយុ២៨ឆ្នាំ។ អ្នកទាំងពីររស់នៅក្នុងភូមិទូលរគាំង ឃុំអូរតាប៉ោង ស្រុកបាកាន ខេត្តពោធិ៍សាត់។
សមត្ថកិច្ចបានបញ្ជាក់ថា នៅមុនពេលកើតហេតុជនរងគ្រោះ និងជនដៃដល់បានផឹកស៊ីជុំគ្នានៅផ្ទះរបស់ឈ្មោះ យ៉ែម សរុំ ភេទប្រុសអាយុ៣៩ឆ្នាំ ក្នុងភូមិកើតហេតុខាងលើ។ ពេលកំពុងផឹកស៊ីសប្បាយសុខៗ ស្រាប់តែជនរងគ្រោះនិយាយបង្អាប់ទៅលើជនដៃដល់ថា «បានប្រពន្ធយូរហើយមិនមានកូននឹងគេ ពិតជាអត់កំណើតមែន» ទើបធ្វើឲ្យជនដៃដល់ខឹងទាស់ពាក្យសម្ដីប្រតាយប្រតប់គ្នា ហើយអ្នកផឹកស៊ីជាមួយក៏បានបំបែកចេញពីគ្នា និងទាញម៉ូតូជិះទៅផ្ទះរៀងៗខ្លួន។ បន្ទាប់មកស្រាប់តែជនដៃដល់ជិះម៉ូតូត្រឡប់មកវិញ ជាមួយនឹងកាំបិតតាមកាប់ម៉ូតូជនរងគ្រោះ រួចកាប់ជនរងគ្រោះពីក្រោយបណ្ដាលឲ្យស្លាប់ភ្លាមៗនៅនឹងកន្លែងកើតហេតុ ត្រង់ចំណុចមុខវត្តទួលរគាំង ក្បែរកន្លែងផឹកស៊ី។
ក្រោយកើតហេតុភ្លាមៗ ជនដៃដល់បានរត់គេចខ្លួនរហូតដល់ខេត្តសៀមរាប ទើបត្រូវបានសមត្ថកិច្ចសមត្ថកិច្ចចាប់ខ្លួន ដើម្បីផ្ដន្ទាទោសតាមផ្លូវច្បាប់៕
អត្ថបទ៖ សុខុម
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព