សន្តិសុខសង្គម
មនុស្ស៣នាក់របួសធ្ងន់ស្រាល ខណៈរថយន្ត២គ្រឿងបុកគ្នា
រតនគិរី ៖ ករណីគ្រោះថ្នាក់ចរាចរណ៍រវាងរថយន្ត២គ្រឿងបុកគ្នាពេញទំហឹងក្នុងទិសដៅបញ្ច្រាសគ្នា បណ្តាលឲ្យមានមនុស្ស៣នាក់រងរបួសធ្ងន់និងស្រាល។
ហេតុការណ៍នេះបានកើតឡើងនៅវេលាម៉ោង១៩និង៥៣នាទី ថ្ងៃទី៣ ខែមករា ឆ្នាំ២០២២ តាមផ្លូវក្រាលកៅស៊ូ ត្រង់ចំណុចមុខផ្ទះជាងនីន ស្ថិតនៅក្នុងភូមិសមុទ្រក្រោម ឃុំសេដា ស្រុកលំផាត់។
យោងតាមរបាយការណ៍ពីនគរបាលបានឲ្យដឹងថា រថយន្តវេអងកាច់ចង្កេះ៥ភ្លៅ ដឹកដំឡូងមី ពណ៌លឿង ពាក់ស្លាកលេខក្បាល ត្បូងឃ្មុំ3A-1779 សណ្តោងរ៉ឺម៉ក ពណ៌ខៀវ ពាក់ស្លាកលេខត្បូងឃ្មុំ 4A-0957 បើកបរពីកើតទៅលិច បុកនិងរថយន្តឡិចស៊ីស១បាំងកន្លះ ពណ៌ស្លែ ពាក់ស្លាកលេខ កណ្តាល2A-0277 បើកបរពីលិចទៅកើត។
របាយការណ៍បញ្ជាក់ថា អ្នកបើកបររថយន្តឡិចស៊ីស១បាំងកន្លះ សង្ស័យបង្កឈ្មោះ ចេក ភេទប្រុស អាយុ៣៦ឆ្នាំ ជនជាតិខ្មែរ មុខរបរជាងជួសជុលឡាន មានទីលំនៅភូមិគ្លិក ឃុំសើង ស្រុកបរកែវ ខេត្តរតនគិរី របួសធ្ងន់បាក់ភ្លៅឆ្វេង ឈាមចេញតាមច្រមុះ មាត់ ត្រចៀកនិងសន្លប់ឈឹង។
អ្នករួមដំណើរ២នាក់ ១-ឈ្មោះ ភ័ក្រ ភេទប្រុស អាយុ២៨ឆ្នាំ ជនជាតិខ្មែរ មុខរបរកូនជាងជួសជុលឡាន មានទីលំនៅភូមិគ្លិក ឃុំសើង ស្រុកបរកែវ ខេត្តរតនគិរី របួសធ្ងន់ឈាមចេញតាមមាត់ ច្រមុះនិងសន្លប់។ ២-ម្នាក់ទៀតមិនទាន់ស្គាល់អត្តសញ្ញាណនៅឡើយ ភេទប្រុស អាយុប្រហែលម្ភៃឆ្នាំជាង ជនជាតិខ្មែរ មុខរបរ កសិករ មានទីលំនៅភូមិគ្លិក ឃុំសើង ស្រុកបរកែវ ខេត្តរតនគិរីរបួសស្រាល។
រីឯអ្នកបើកបររថយន្តវេអង មានឈ្មោះ ឈៀង ភេទប្រុស អាយុ៤២ឆ្នាំ ជនជាតិខ្មែរ មុខរបរអ្នកបើកបរ មានទីលំនៅខេត្តត្បូងឃ្មុំ ក្រោយកើតហេតុបានរត់គេចខ្លួនបាត់ បន្សល់ទុករថយន្តនៅនិងកន្លែងកើតហេតុ។
មូលហេតុសង្ស័យរថយន្តបង្កឡិចស៊ីស១បាំងកន្លះបើកបរមិនប្រកាន់ស្តាំបានជ្រុលចង្កូតចូលទៅកន្លងផ្លូវរបស់រថយន្តវេអង។
ក្រោយកើតហេតុអ្នករងរបួសត្រូវបានសមត្ថកិច្ចដឹកបញ្ជូនទៅសង្គ្រោះនៅមន្ទីរពេទ្យស្រុកបរកែវ ដោយរថយន្តឯកជន។
បច្ចុប្បន្ន មធ្យោបាយទាំង២គ្រឿងសមត្ថកិច្ចមូលដ្ឋានបានរឹបអូសយកមករក្សាទុកនៅប៉ុស្តិ៍រដ្ឋបាលឃុំសេដា ដើម្បីចាត់ការបន្តតាមនីតិវិធី៕
ដោយ ៖ វុទ្ធឦសាន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ