សន្តិសុខសង្គម

កូនជាងជួសជុលម៉ូតូ ខឹងស្រលាញ់កូនមេជាងមិនបានបាញ់សម្លាប់ចោល រួចសម្លាប់ខ្លួនឯង

បានផុស

៤ years មុន

នៅ

ថ្ងៃចន្ទ ៧ មីនា ២០២២

ដោយ

កំពង់ធំ ៖ បុរសជាកូនជាងជួសជុលម៉ូតូម្នាក់ បានបាញ់សម្លាប់កូនស្រីមេជាង ដោយសារមិនព្រមស្រលាញ់ខ្លួន រួចបាញ់សម្លាប់ខ្លួនតាមក្រោយ។

ហេតុការណ៍ភ្ញាក់ផ្អើលនេះកើតឡើង នៅវេលាម៉ោងប្រមាណ១២ និង៣០នាទីថ្ងៃទី០៧ ខែមីនា ឆ្នាំ២០២២ នៅចំណូចផ្ទះជួលជុលម៉ូតូមួយកន្លែង ស្ថិតនៅក្នុងភូមិត្រពាំងចំបក់ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។

បើតាមសមត្ថកិច្ចបានឲ្យដឹងថា ស្ត្រីរងគ្រោះមានឈ្មោះ គង់ គឹមហ័ន អាយុ៣១ឆ្នាំ រស់នៅ ភូមិ / ឃុំ កើតហេតុ ខាងលើ ( ស្លាប់នៅកន្លែងកើតហេតុ បាញ់ត្រូវគល់ក ខាងឆ្វេង១គ្រាប់ )។ ចំណែក ជនបង្ក ឈ្មោះសុខ សូយ៉ន ហៅឌី រស់នៅភូមិតស៊ូ ឃុំតស៊ូ ស្រុកជ័យសែន ខេត្តព្រះវិហារ ( បាញ់សម្លាប់ខ្លួនឯង បែកលលាដ៍ក្បាល បន្ទាប់ពីបាញ់សម្លាប់ ភាគីខាងស្រីរួច)។

សមត្ថកិច្ចបានបន្តទៀតថា យោងតាមសាក្សីជាសាច់ញាតិរបស់ជនរងគ្រោះ បានប្រាប់ឲ្យដឹងថា មុន កើតហេតុ ជនបង្ក បានមកសុំរៀនធ្វើជាងជួសជុល ម៉ូតូរយៈពេល១ឆ្នាំហើយ ប៉ុន្តែ រយៈពេល៣ខែ ចុងក្រោយនេះ ជនបង្កបានលួចស្រឡាញ់ជនរងគ្រោះ ដែលត្រូវជាកូនស្រីរបស់មេជាង ប៉ុន្តែភាគី ខាងស្រីមិនស្រឡាញ់។ លុះថ្ងៃទី២ ខែមីនា ឆ្នាំ២០២២ ជនបង្កបានទៅលេង ផ្ទះខ្លួននៅឯ ខេត្តព្រះវិហារ ដេក ១ យប់ ហើយក៏ បាន ត្រឡប់មកវិញ រហូតដល់ ថ្ងៃកើតហេតុ ទើបជនបង្ក យក កាំភ្លើងកែច្នៃបាញ់សម្លាប់ ជនរងគ្រោះ រួចសម្លាប់ខ្លួនឯងតែម្ដង។

យោងតាមកំណត់ហេតុ និង សាក្សីខាងលើ សមត្ថកិច្ចបានសន្និដ្ឋានជាបឋមថា ជនបង្កស្រឡាញ់ ជនរងគ្រោះ ប៉ុន្តែជនរងគ្រោះ មិនព្រមស្រឡាញ់ ទើបបណ្ដាលឲ្យកើតករណី ឃាតកម្ម នេះ តែម្តង។ វត្ថុតាងពាក់ព័ន្ធ នឹង ករណីឃាតកម្មនេះមានអាវុធខ្លី កែច្នៃចំនួនពីរដើម នៅកន្លែងកើតហេតុ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:ឃាតកម្ម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា