សន្តិសុខសង្គម
មន្ត្រីនគរបាលខេត្តសៀមរាបដែលប្រើអំពើហិង្សាលើកុមារនោះ ត្រូវបានអង្គភាពសាមីរៀបចំសំណុំរឿងតាមនីតិវិធីហើយ!
សៀមរាប ៖ មន្ត្រីនគរបាលដែលបម្រើការងារនៅការិយាល័យសន្តិសុខឯកជននៃស្នងការដ្ឋាននគរបាលខេត្តសៀមរាប ត្រូវបានមហាជនរិះគន់ថា សង្ស័យបានប្រើអំពើហិង្សាទៅលើកូនចុង នោះត្រូវបានអង្គភាពសាមីកំពុងរៀបចំតាមនីតិវិធី។
សមត្ថកិច្ចបានឲ្យដឹងថា មន្ត្រីរូបនោះមានតួនាទីជាព្រិន្ទបាលឯកឈ្មោះលក្ខិណា វីរៈរិទ្ធ ភេទប្រុស អត្តលេខ71848 ឋានៈនាយរងផ្នែក គ្រប់គ្រងសហគ្រាសគ្រឹះស្ថាន និងកម្លាំងភ្នាក់ងាររសន្តិសុខឯកជន ការិយាល័យគ្រប់គ្រងសន្តិសុខឯកជន មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។
សូមរម្លឹកថា កាលពីពេលថ្មីៗនេះនៅក្នុងបណ្តាញសង្គម មានការរិះគន់ទៅលើមន្ត្រីនគរបាលខេត្តសៀមរាប ម្នាក់ករណីប្រើអំពើហិង្សាទៅលើកូនចុងបណ្តាលឲ្យរបួសធ្ងន់ដោយមិនដឹងមូលហេតុ និងបានបន្តចែកចាយក្នុងបណ្តាញសង្គមយ៉ាងផុសផុល។ចំណែក មន្ត្រីនគរបាលរូបនេះ ក៏មិនទាន់ចេញមុខមកបំភ្លឺក្នុងបណ្តាញសង្គមឬក៏នៅមុខសមត្ថកិច្ចនៅឡើយ។
លោកឧត្តមសេនីយ៍ តេង ច័ន្ទណាត ស្នងការនគរបាលខេត្តសៀមរាប បានមានប្រសាសន៍ឲ្យដឹងនៅរសៀលថ្ងៃទី២២ខែមីនានេះថា ចំពោះករណីខាងលើនេះនគរបាលជំនាញនៃស្នងការដ្ឋានខេត្តសៀមរាប កំពុងមានចំណាត់ការទៅលើជនសង្ស័យរួចហើយ ដោយសមត្ថកិច្ចកំពុងតែស៊ើបអង្កេតនិងបន្តនីតិវិធី។
លោកបន្តថា មន្ត្រីនគរបាលរូបនោះកំពុងជាប់រៀនវគ្គបំប៉ននៅខេត្តកំពង់ស្ពឺ។ ចំពោះករណីនេះម្ដាយជនរងគ្រោះ បានដាក់ពាក្យបណ្ដឹងចូលមកការិយាល័យជំនាញនិងកំពុងដំណើរការនីតិវិធី។ក្នុងនោះដែរបច្ចុប្បន្នកុមាររងគ្រោះត្រូវបានក្រុមគ្រួសារនាំយកមកព្យាបាលនៅមន្ទីរពេទ្យខេត្តសៀមរាប។
បន្ទាប់ពីបានឃើញរិះគន់ខ្លាំងពីសំណាក់បណ្តាញសង្គម ថ្នាក់ដឹកនាំនៃខេត្តសៀមរាប បានបញ្ជាទៅសមត្ថកិច្ចសាមីឲ្យមានវិធានការទៅតាមផ្លូវច្បាប់៕
ដោយ ៖ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ