Connect with us

សន្តិសុខសង្គម

រន្ទះ​បាញ់​ក្មេង​ឃ្វាលគោ​អាយុ​១២​ឆ្នាំ​ម្នាក់ ​ស្លាប់​នៅ​ស្រុក​អូរជ្រៅ

បានផុស

នៅ

បន្ទាយមានជ័យ ​៖ ​បាតុភូត​ធម្មជាតិ​រន្ទះ​បាញ់​បណ្តាល​ឲ្យ​ក្មេង​ឃ្វាលគោ​ម្នាក់​អាយុ​១២​ឆ្នាំ​ស្លាប់​នៅ​កណ្តាល​វាល​ឆ្ងាយ​ពី​ផ្ទះ​ប្រហែលជា​ពីរ​ពាន់​ម៉ែត្រ ​ស្ថិតនៅ​ចំណុច​វាល​គោក​.​តា​មា​ ភូមិ​ឈូក ឃុំ​ច​ង្ហា ស្រុក​អូរជ្រៅ ខេត្តបន្ទាយមានជ័យ។

សមត្ថកិច្ច​ស្រុក​អូរជ្រៅ​បាន​ឲ្យ​ដឹង​ថា ​នៅ​ថ្ងៃទី​១៨ ខែមេសា ឆ្នាំ២០២២​ វេលា​ម៉ោង​១៥និង១៥​នាទី​បាន​ទទួល​ដំណឹង តាម​ទូរសព្ទ​ពី​ឈ្មោះ ជា ត្រាន ប្រជា​កា​រពារ​បាន​រាយ​ការ​ណ៍​មក​ថា​មាន​ករណី​រន្ទះបាញ់​ស្លាប់​ម្នាក់​ឈ្មោះ រ៉ា រឿន ភេទ​ប្រុស អាយុ​១២​ឆ្នាំ​។

​មុន​ពេល​ស្លាប់​ក្មេង​រងគ្រោះ​បាន​ទៅ​ឃ្វាលគោ នៅ​វាលស្រែ​ខាងលើ​ លុះ​ពេល​ដេញគោ​ត្រឡប់​មក​ផ្ទះ​វិញ​មាន​ភ្លៀង ផ្គរ​រន្ទះ​លាយឡំ​ និង​ខ្យល់​ ពេល​ក្មេង​មកដល់​ចំណុច​វាល​គោក​តា​មា​ក៏​ត្រូវ​បាន​រន្ទះបាញ់​ស្លាប់​តែម្តង។ (​ចម្ងាយ​ពី​ផ្ទះ​ជនរងគ្រោះ​ប្រហែល​២៥០០​ម៉ែត្រ​)។

យោង​តាម​គណៈកម្មការ​ត្រួតពិនិត្យ​សាកសព​ដែល​រួមមាន ១-​លោក ហឿ យ៉ុ​ក មេឃុំ​២-​លោក កែវ ប៊ុន​ធា មេភូមិ​ឈូក​ ៣-​លោក វ៉ា​ត់ ធូ នាយរង​ប៉ុស្តិ៍ ៤-​លោក សឿត សឿ​យ ប្រធាន​មណ្ឌល​សុខភាព​ច​ង្ហា បានឲ្យដឹងថា ​សាកសព​ក្មេង​ពិតជា​ស្លាប់​ដោយសារ​រន្ទះបាញ់​ពិត​ប្រាកដ​មែន​។

បច្ចុប្បន្ន​សាកសព​.​ពុំមាន​ពាក់​ព័​ន្ធ​នឹង​បទល្មើស​ព្រហ្ម​ទណ្ឌ​ទេ ហើយ​បាន​ប្រគល់​ឲ្យ​ក្រុមគ្រួសារ​យក​ទៅ​ធ្វើបុណ្យ​តាម​ប្រពៃណី​៕

ដោយ ៖ អែប ពៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម