Connect with us

សន្តិសុខសង្គម

ឆ្លងចរន្តពីផ្ទាំងសូឡា ឆេះផ្ទះមួយខ្នង និងទ្រព្យសម្បត្តិមួយចំនួនធំ

បានផុស

នៅ

លំនៅឋានមួយខ្នង រួមជាមួយនឹងទ្រព្យសម្បត្តិជាច្រើន ត្រូវបានអគ្គិភ័យឆេះបំផ្លាញគ្មានសល់ ក្រោយពីមានការឆ្លងចរន្តតាមរយ:ផ្ទាំងសូឡា ដែលបម្លែងចរន្តពី DC ទៅ AC ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់សមត្ថកិច្ចបានបញ្ជាក់ថា កាលពីថ្ងៃទី២៧ ខែមេសា ឆ្នាំ២០២២ វេលាម៉ោង៩និង ១០នាទីយប់ នៅចំណុចក្រុមទី១១ ភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង មានករណីអគ្គិភ័យមួយបានកើតឡើង បណ្ដាលឲ្យឆេះផ្ទះពលរដ្ឋមួយខ្នង និងខូចខារសម្ភារៈ​មួយចំនួនធំ​តែមិនបណ្ដាលឲ្យមានអ្នករងរបួសនៅទេ។

ករណីអគ្គិភ័យនេះ បានបណ្ដាលឱ្យឆេះផ្ទះចំនួន១ខ្នង ទំហំ៩ម×១២ម សង់ពីឈើប្រក់ក្បឿង ជញ្ជាំងឈើ(ឆេះទាំងស្រុង) ម្ចាស់ឈ្មោះ កង ប៉ុន ភេទប្រុស អាយុ៦៣ឆ្នាំ មុខរបរកសិករ។

របាយការណ៍បានបន្តថា សម្ភារៈដែលខូចខាតរួមមាន ឆេះមាស ២តំឡឹងកន្លះ(ខ្សែក ២ខ្សែ និងចិញ្ចៀន ២វង់) ឆេះលុយចំនួន ៣.៥០០ ដុល្លារ ឆេះស្រូវ ២៥ការ៉ុង ឆេះ គោយន្ត កន្ត្រៃ ១គ្រឿង ឆេះធុងបាញ់ថ្នាំ ១ ឆេះដំបូលត្រក់ទ័រ ១ គ្រឿង និងសម្ភារៈមួយចំនួនទៀត ប៉ុន្តែមិនបណ្ដាលឲ្យរងរបួសមនុស្សទេ។

បើតាមការបញ្ជាក់ពីមូលហេតុគឺ ឆ្លងចរន្តអគ្គិសនី ពីផ្ទាំងសូឡានៅលេីដំបូល។ នៅពេលនោះដែរបើទោះបីជាសមត្ថកិច្ចបានចេញរថយន្តពន្លត់អគ្គិភ័យទៅជួយអន្តរាគមន៍ក៏ដោយ ក៏អណ្តាតភ្លើងបានបំផ្លាញផ្ទះនេះទៅជាផេះមុនបាត់ទៅហើយ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម