សន្តិសុខសង្គម
តុលាការកាត់ទោសបុរសឃាតក២នាក់ប្លន់សម្លាប់ មិត្តភ័ក្ដិឯងយកទ្រព្យសម្បត្តិ
បុរសជាឃាតកមានគ្នា ២ នាក់ដែលបានអារ.ក សម្លាប់មិត្តភ័ក្ដិប្លន់យកទ្រព្យសម្បត្តិ ត្រូវបានតុលាការនាំខ្លួនយកមកកាត់ទោសជាសាធារណៈ នៅថ្ងៃទី ១១ ខែឧសភា ឆ្នាំ ២០២២។
បុរសជនជាប់ចោទ ទី១ ឈ្មោះ ម៉ៅ រដ្ឋា ហៅជិប ឃាត់ខ្លួនបាននៅតាមបណ្តោយផ្លូវជាតិលេខ១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ និងម្នាក់ទៀតឈ្មោះ ម៉េង ណាឃីម អាយុ ២១ ឆ្នាំ ឃាត់ខ្លួនបាន នៅស្រុងគិរីវង់ ខេត្តតាកែវ។
ជនជាប់ចោទទាំងពីរបានប្រព្រឹត្តអំពើឃាតកម្មកាលពីថ្ងៃទី ១១ ខែមីនា ឆ្នាំ ២០២១ ហើយត្រូវកម្លាំងនគរបាលតាមបង្ក្រាបនារសៀលថ្ងៃទី ១៦ ខែមីនា ឆ្នាំ ២០២១។
លោក ឆឹម ឬទ្ធី ប្រធានក្រុមប្រឹក្សាជំនុំជំរះ បានបញ្ជាក់ក្នុងសវនាការថា ឈ្មោះ ម៉េង ណាឃីម ត្រូវបានតុលាការចោទប្រកាន់ពីបទ «ឃាតកម្មគិតទុកមុន»។ ចំណែកឈ្មោះ ម៉ៅ រដ្ឋា ត្រូវបានចោទពីបទ «សមគំនិតក្នុងអំពើឃាតកម្មគិតទុកមុន»។
នៅក្នុងសវនាការជនជាប់ចោទបានសារភាពថា កាលពីថ្ងៃទី ១១ ខែមីនា ឆ្នាំ២០២១ នៅថ្ងៃកើតហេតុពួកគេបានរៀបចំគម្រោង បបួលជនរងគ្រោះមកហូបអីជុំគ្នានៅកោះពេជ្រ ដោយស្ថានភាពមិនប្រក្រតី មិនអាចសម្លាប់ជនរងគ្រោះបាន ពួកគេក៏បាននាំគ្នាទៅផ្ទះវិញរៀងខ្លួន។
មិនយូរប៉ុន្មាន ពួកគេក៏បានហៅជនរងគ្រោះមកក្រៅម្ដងទៀត មកម្ដុំផ្លូវជាតិលេខ១ លុះមកដល់ចំណុចងងឹត ក៏បានធ្វើសកម្មភាពអារ.ក ជនរងគ្រោះសម្លាប់តែម្ដង ដោយឈ្មោះ ម៉េង ណាឃីម ជាអ្នកចាប់អារ.ក ជនរងគ្រោះដោយផ្ទាល់។
បន្ទាប់ពីធ្វើសកម្មភាពរួចពួកគេទាំង២នាក់ បានចែកសម្ភារៈគ្នា ក្នុងនោះ ឈ្មោះ ម៉ៅ រដ្ឋា បានយកចិញ្ជៀនមាស និងខ្សែក របស់ជនរងគ្រោះ ចំណែកឈ្មោះ ម៉េង ណាឃីម យកម៉ូតូ ទូរស័ព្ទដៃ និងខ្សែដៃ របស់ជនរងគ្រោះ រួចឈ្មោះ ម៉េង ណាឃីម បានគេចខ្លួនទៅស្រុកគិរីវង់ ខេត្តតាកែវ ចំណែកឈ្មោះ ម៉ៅ រដ្ឋា នៅផ្ទះធម្មតា។
ដោយសាជនជាប់ចោទសារភាពច្បាស់ៗ តំណាងអយ្យការ លោក សម ឬទ្ធីវាសនា បានធ្វើសេចក្ដីសន្និដ្ឋានតម្កល់ បទចោទប្រកាន់ ហើយស្នើឱ្យតុលាការសម្រេចតាមច្បាប់។
រឿងក្ដីឃាតកម្មនេះលោក ឆឹម ឬទ្ធី ប្រធានក្រុមប្រឹក្សាជំនុំជំរះបានកំណត់យកថ្ងៃទី ១៩ ឧសភា ឆ្នាំ ២០២២ វេលាម៉ោង ១៤ រសៀល ប្រកាសសាលក្រម៕
អត្ថបទ៖ មករា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)