សន្តិសុខសង្គម

រថយន្តធុនធំ១គ្រឿងបុករថយន្តបែនដឹកដីប៉ើងលើខឿនផ្លូវជាតិលេខ៥ កន្លែងដាំផ្កា

បានផុស

២ years មុន

នៅ

ថ្ងៃសៅរ៍ ២៨ ឧសភា ២០២២

ដោយ

រថយន្តធុនធំលាយស៊ីម៉ងត៍មួយគ្រឿងបើកបុករថយន្តបែនដឹកដីបុកពីក្រោយ ប៉ើងទើលើខឿនដាំផ្កាចន្លោះកណ្ដាលផ្លូវជាតិលេខ ៥ បណ្តាលឱ្យបាក់បែកខឿនដើមផ្កាជាច្រើនកង់ កាលពីល្ងាចថ្ងៃទី ២៧ ខែឧសភា ស្ថិតនៅភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាក្សីនៅកន្លែងកើតហេតុ បានឱ្យដឹងថា មុនពេលកើតហេតុមានភ្លៀងធ្លាក់ និងនៅចំណុចខាងលើនេះក្រុមការងារធ្វើផ្លូវជាតិលេខ ៥ បានដាក់បារាស់ ដើម្បីឱ្យរថយន្តទៅមកបន្ថយល្បឿន ខណៈពួកគាត់កំពង់ធ្វើការងារនៅលើកំណាត់ផ្លូវនេះ។ ពេលកើតហេតុរថយន្តទាំង២ខាងលើនេះធ្វើដំណើរស្របទិសគ្នា រថយន្តធុនធំក្រឡុកស៊ីម៉ងត៍បានបុករថយន្តបែនដឹកដីពីក្រោយទៅលើសួនច្បារកណ្ដាលផ្លូវជាតិបណ្ដាលឱ្យខូចថ្មសួនច្បារជាច្រើនផ្ទាំង។

ក្រោយពេលកើតហេតុក្រុមការងារធ្វើផ្លូវជាតិលេខ៥បានចាប់ឃាត់តថយន្តបង្ក ឱ្យម្ចាស់ក្រុមហ៊ុនចេញថ្លៃសំណងដល់ក្រុមហ៊ុនធ្វើផ្លូវជាតិលេខ៥។ ហើយភាគីរថយន្តក្រឡុកស៊ីម៉ងត៍ បានចេញសងថ្លៃការខូចខាតដល់រថយន្តបែនដឹកដីនិងសងថ្លៃការខូចខាតថ្មសួនច្បាររបស់ក្រុមហ៊ុនធ្វើផ្លូវជាតិលេខ ៥។ ហើយបានហៅរថយន្តស្ទូចមកស្ទូចយករថយន្តទាំងពីចេញពីផ្លូវកុំឲ្យស្ទះចរាចរណ៍បញ្ចប់រឿង៕