សន្តិសុខសង្គម
បុរសម្នាក់សង្ស័យញៀនថ្នាំ ដុតផ្ទះខ្លួនឯង បណ្ដាលឲ្យឆាបឆេះ៣៧ខ្នង
ភ្នំពេញ ៖ បុរសម្នាក់សង្ស័យញៀនថ្នាំ បានដុតផ្ទះខ្លួនឯងចោល បណ្ដាលឲ្យឆាបឆេះដល់ផ្ទះអ្នកជិតខាង៣៧ខ្នងផ្សេងទៀត សំណាងល្អមិនបណ្ដាលឲ្យមានមនុស្សរបួស និងស្លាប់។ បុរសដែលញៀនថ្នាំ ដុតខ្លួនឯងនេះ ត្រូវបានគេស្គាល់ថាមានឈ្មោះ លឹម ភារុណ ភេទប្រុស អាយុ៤២ឆ្នាំ មុខរបរមិនពិតប្រាកដ រស់នៅចំណុច ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
បើយោងតាមប្រភពពីលោក យ៉ិន វុធ ចៅសង្កាត់ច្បារអំពៅទី២ បានឲ្យកម្ពុជាថ្មីដឹងថា នៅវេលាម៉ោង១៦រសៀល ថ្ងៃទី២០ ខែមិថុនានេះ នៅចំណុចភូមិដើមចាន់សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ មានអគ្គិភ័យកើតឡើងបណ្តាលឲ្យឆេះផ្ទះប្រជាពលរដ្ឋអស់ចំនួន៣៧ខ្នងភាគច្រើនជាផ្ទះឈើ។
លោក យ៉ិន វុធ បានបន្តថា ករណីអគ្គិភ័យនេះបានរលត់ទៅវិញនាវេលាម៉ោង១៧នឹង៥០នាទីរសៀលថ្ងៃដដែល ដោយបំផ្លាញទ្រព្យសម្បតិក្នុងផ្ទះអស់គ្មានសល់ ប៉ុន្តែពុំមានគ្រោះថ្នាក់ដល់អាយុជីវិតប្រជាពលរដ្ឋណាម្នាក់ឡើយ។ ហើយក្នុងនោះមានរថយន្តពន្លត់អគ្គីភ័យប្រមាណ១០គ្រឿង បានមកជួយបាញ់ពន្លត់បានទាន់ពេល។
គួរបញ្ជាក់ថា ទីតាំងដែលរងការឆេះបំផ្លាញនេះគឺបានរងគ្រោះចំនួន២លើកទាំងថ្ងៃនេះ។ ខណៈលើកទី១កើតឡើងក្នុងអំឡុងឆ្នាំ២០១៦ដែលកាលណោះបំផ្លាញផ្ទះប្រជាពលរដ្ឋទាំងកណ្តាលយប់អស់ប្រមាណជា៣០០ខ្នង បណ្តាលឲ្យមនុស្សម្នាក់ស្លាប់ទៀតផង៕
ដោយ ៖ នរា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត