សន្តិសុខសង្គម
កូនប្រុសស្រី ស្រែកយំឡូឡាមុខរោងការឪពុក សុំលុយ១ម៉ឺនដុល្លារសងធនាគារ
មានហេតុការណ៍ភ្ញាក់ផ្អើលដល់មហាជនទាំងព្រឹកនៅមុខរោងការ ខណៈក្មេងប្រុស ស្រី ៣នាក់បងប្អូនមកឈរស្រែកយំ សុំឲ្យឪពុកខ្លួនដែលកំពុងអង្គុយផ្ទឹមជាមួយប្រពន្ធក្រោយ ជួយសងលុយជំពាក់ធនាគារ១ម៉ឺនដុល្លារ។
ហេតុការណ៍ដ៏កម្រនេះកើតឡើងនៅព្រឹកថ្ងៃទី ២៤ ខែមិថុនា ឆ្នាំ២០២២ ភូមិជ្រោយ ឃុំព្រះបាទជាន់ជុំ ស្រុកគីរីវង់ ខេត្តតាកែវ។ តាមការរៀបរាប់ពីក្មេងប្រុស ស្រីទាំង៣ថា ឪពុកខ្លួនឈ្មោះ ពេជ្រ ធារ៉ា បានមករៀបការជាមួយប្រពន្ធថ្មីឈ្មោះ ង៉ែត ស្រីវឿន ទាំងដែលបំណុលជាច្រើននៅមិនទាន់សងធនាគាររួច។
ក្មេងៗដែលជាកូនបន្តថា ម្តាយនិងឪពុកខ្លួនបានលែងលះគ្នាហើយ តែទ្រព្យសម្បត្តិរួម នៅមិនទាន់បែងចែកទេ ហើយឪពុកពួកគេបានចុះចេញពីផ្ទះយកឡានមួយគ្រឿងទៅជាមួយផង ថែមទាំងមិនដែលជួយបង់លុយធនាគារដែលជំពាក់នោះទេ។ ទើបពេលនេះ ពួកគាត់ត្រូវជាកូន អាណិតម្តាយក៏សម្រេចចិត្តមកយំអង្វរឪពុកសុំលុយ១ម៉ឺនដុល្លារយកទៅសងធនាគារ។
សូមបញ្ជាក់ថាលោក ពេជ្រ ធារ៉ា និងប្រពន្ធ ឈ្មោះ អាន ចាន់ថៃ ចាប់ដៃគ្នារៀបការរហូតមានកូនស្រី២នាក់ និងកូនប្រុសម្នាក់ ហើយក៏បានលែងលះគ្នា កាលពីប៉ុន្មានខែមុនបន្សល់ទុកកូនទាំង៣ដែលកំពុងសិក្សា ជាមួយនិងបំណុលធនាគារយ៉ាងច្រើនឲ្យប្រពន្ធ និងកូនជាអ្នកទទួលខុសត្រូវ ចំណែកខ្លួនបានយកឡានទៅមួយគ្រឿងនិងបានរៀបការប្រពន្ធថ្មីដែលមានផ្ទះនៅទល់មុខផ្ទះគ្នាផងដែរ៕
អត្ថបទ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ