ផ្ទុះអាវុធក្នុងកាសុីណូ ស្លាប់ជនជាតិចិន ២ នាក់ របួសធ្ងន់ ១ នាក់

ព័ត៌មានបឋម មានជនជាតិចិន ២ នាក់បានរងរបួសយ៉ាងធ្ងន់ធ្ងរ និងស្លាប់នៅនឹងកន្លែង ខណៈម្នាក់ទៀតបានរងរបួសធ្ងន់ក្នុងហេតុការណ៍បាញ់ប្រហារមួយ នៅក្នុងកាស៊ីណូមួយកន្លែង កណ្ដាលក្រុងសីហនុ ទល់មុខបេនឡានមហោស្រប ខេត្តព្រះសីហនុ។

ហេតុការបាញ់ប្រហារយ៉ាងសាហាវនេះបានកើតមាននៅម៉ោង ២២ និង៤៥ នាទីយប់ ថ្ងៃទី៣០ ខែកក្កដា ឆ្នាំ២០២២ នៅចំណុច កាស៊ីណូ តុងហ្វាងប៉ាលីរិន ស្ថិតនៅក្រុមទី១៣ ភូមិ១ សង្កាត់លេខ២ ក្រុង-ខេត្តព្រះសីហនុ កែងបេនឡានមហោស្រពចាស់។ 

ករណីបាញ់ប្រហារនេះបង្កឡើងដោយជនមិនស្គាល់អត្តសញ្ញាណ​ បានបាញ់ទៅលេីបុរសជនជាតិចិន​ចំនួន​ ៣ នាក់​ បណ្តាល​ឱ្យ​ស្លាប់​ ២ នាក់នៅនឹងកន្លែងដោយឈាមហូរក្រហមច្រាសពេញឥដ្ឋការ៉ូ និងម្នាក់​ទៀត​ត្រូវ​របួស​។ 

សមត្ថកិច្ចមិនទាន់បានដឹងអំពីមូលហេតុ នៃការបាញ់ប្រហារស្លាប់ និងរបួសទេ ពេលនេះក្រុមសមត្ថកិច្ចជំនាញកំពុងធ្វើការស្រាវជ្រាវដើម្បីស៊ើបអង្កេតរកមូលហេតុ នៃការបាញ់សម្លាប់មនុស្សយ៉ាងសាហាវព្រៃផ្សៃនេះ៕

អត្ថបទ៖ ស៊ុយ ចាន់ធា