សន្តិសុខសង្គម

ផ្ដន្ទាទោសមន្ត្រីនគរបាលកំពង់ឆ្នាំងដាក់ពន្ធនាគារ៣ឆ្នាំ៦ខែ រឿងទន្ទ្រានដីព្រៃទន្លេសាប

បានផុស

៤ years មុន

នៅ

ថ្ងៃសុក្រ ៩ កញ្ញា ២០២២

ដោយ

ភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញលោក អ៊ឹម វណ្ណៈ នៅព្រឹកថ្ងៃទី០៩ខែកញ្ញាឆ្នាំ២០២២ បានសម្រេចធ្វើការប្រកាសសាលក្រមផ្តន្ទាទោសលើជនជាប់ចោទឈ្មោះ កែវ ណារុន ភេទប្រុសអាយុ៥៩ឆ្នាំ អតីតប្រធានការិយាល័យនគរបាលអន្តរាគមន៍ ខេត្តកំពង់ឆ្នាំង ដាក់ពន្ធនាគារចំនួន៣ឆ្នាំ៦ខែ ពិន័យ៥លានរៀលបង់ចូលថវិការដ្ឋ។

និងចោទពីបទបំផ្លាញ និងគៃបំបាត់ ហ៊ុមព័ទ្ធ កាន់កាប់ព្រៃលិចទឹក និងបទមិនប្រកាសទ្រព្យសម្បត្តិ និងបំណុល ប្រព្រឹត្តនៅព្រៃលិចទឹកនៃតំបន់៣ នៃបឹងទន្លេសាប ក្នុងភូមិសាស្ដ្រភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំង កាលពីអំឡុងឆ្នាំ២០១៧ ដល់ឆ្នាំ២០២១។

ចៅក្រមជំនុំជម្រះសាលាដំបូងរាជធានីភ្នំពេញលោក លិ សុខា នៅព្រឹកថ្ងៃទី៤ ខែសីហា ឆ្នាំ២០២២ បានសម្រេចធ្វើការប្រកាសសាលក្រមលើអតីតស្នងការរងនគរបាលខេត្តកំពង់ ឆ្នាំង លោក ស៊ុ សុជាតិ ដាក់ពន្ធនាគារចំនួន៤ឆ្នាំ ពិន័យជាប្រាក់ចំនួន៥០លានរៀល និងរឹបអូសលុយជាង៥០ ម៉ឺនដុល្លារ ពីបទបំផ្លាញ និងគៃបំបាត់ ហ៊ុមព័ទ្ធ និងកាន់កាប់ដីព្រៃលិចទឹក និងការមិនប្រកាសទ្រព្យសម្បត្តិ និងបំណុល និងសម្អាតប្រាក់ ប្រព្រឹត្តនៅដែនដីព្រៃលិចទឹក នៃតំបន់៣ នៃបឹងទន្លេសាប ក្នុងតំបន់គោកព្រះ ភូមិធ្លក ឃុំច្រណូក ស្រុកកំពង់លែង ខេត្តកំពង់ឆ្នាំង កាលពីអំឡុងឆ្នាំ២០១១ដល់ឆ្នាំ២០២១(ដី៦៧៤ហិកតា)។

ជនជាប់ចោទឈ្មោះ ស៊ុ សុជាតិ ភេទប្រុស អាយុ៥១ឆ្នាំ អតីតស្នងការរងខេត្ត និងឈ្មោះកែវ ណារុន ភេទប្រុសអាយុ៥៩ឆ្នាំ អតីតប្រធានការិយាល័យអន្តរាគមន៍ ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនកាលពីថ្ងៃទី១៩ ខែធ្នូ ឆ្នាំ២០២១ដាក់ពន្ធនាគារព្រៃស ម១៕

ដោយ ៖ មករា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:បឹងទន្លេសាប ខេត្តកំពង់ឆ្នាំង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា