ដំណាំស្រូវ ៣ ពាន់ហិកតា រងផលប៉ះពាល់ដោយសារជំនន់ទឹកភ្លៀងនៅខេត្តពោធិ៍សាត់

លោក គន់ គីម ទេសរដ្ដមន្រ្តីអនុប្រធានទី១គ្រោះមហន្តរាយរួមជាមួយក្រសួងកសិកម្មបានដឹកនាំគណៈកម្មាធិការថ្នាក់ជាតិរួមនិងអាជ្ញាធខេត្ត ស្រុកកណ្ដៀង ចុះដល់មូលដ្ឋានដែលរងផលប៉ះពាល់ដំណាំស្រូវរបស់ប្រជាជនដោយសារទឹកជំនន់ក្នុងខេត្តពោធិ៍សាត់។

ការចុះត្រួតពិនិត្យផ្ទាល់នេះគឺនៅព្រឹកថ្ងៃទី ១០ ខែកញ្ញា ឆ្នាំ២០២២ ដែលស្ថិតក្នុងភូមិផ្ទះគរ ឃុំអន្លង់វិល ស្រុកកណ្ដៀង ខេត្តពោធិ៍សាត់។

លោក គន់ គីម បានថ្លែងឲ្យដឹងថា ដំណាំស្រូវរបស់ប្រជាពលរដ្ឋដែលរងកាលិចលង់ដោយសាទឹកជំនន់ប្រមាណជា​៣ ពាន់ហិកតា ខណៈដែលការខូចខាតទាំងស្រុងប្រហែលមានប្រមាណ ២ ៥០០ហិកតា ដោយ៥០០ហិតាទៀតអាចប្រជាពលរដ្ឋទទួលបានផលខ្លះ។

សូមជំរាបថា គ្រោះមហន្តរាយនេះមិនមែនតែខេត្តពោធិ៍សាត់ទេ គឺខេត្តដែលធ្ងន់ធ្ងជាងគេមាន បន្ទាយមានជ័យ សៀមរាប កំពង់ធំ និងពោធិ៍សាត់ ដែលសរុបប្រមាណជាង ២មុឺនហិតា ដោយយើងកំពុងសិក្សាវាយតម្លៃជាមួយក្រសួងកសិកម្មនិងកណកម្មាធិកាជាតិដើម្បីរាយការណ៍ជូនសម្តេចតេជោក្នុងការផ្ដល់ពូជស្រូវដល់ពលរដ្ឋ៕

អត្ថបទ៖ លាន គ្រន