សន្តិសុខសង្គម
សមត្ថកិច្ចស្វែងរកម៉ូតូតាមGPS ប្រទះក្រុម KP zin ឃាត់ខ្លួនបាន១៣នាក់
ក្រុមKP zin ជារហ្សនាមរបស់ក្រុមអ្នកលេង បងតូចបងធំប្រចាំភូមិចំនួន១៣នាក់ កំពុងផ្តុំគ្នាដេកលក់ស្រួលក្នុងរោង ត្រូវបានកម្លាំងសមត្ថកិច្ចខណ្ឌពោធិ៍សែនជ័យ និងខណ្ឌកំបូល ឃាត់ខ្លួនបានដកហូតបានម៉ូតូ៣គ្រឿង កាំបិតបុ័ងតោមួយដើម គ្រាដែលកម្លាំងសមត្ថកិច្ចតាមរកម៉ូតូមួយគ្រឿងមានភ្ជាប់ប្រព័ន្ធGPS ក្រោយពីនារី២នាក់ ឆបោកពីយុវជនម្នាក់យកទៅ ត្រង់ចំណុចដីឡូត៍ទុកចោលមួយកន្លែងក្នុងភូមិត្រពាំងទួល សង្កាត់កំបូល ខណ្ឌកំបូល រាជធានីភ្នំពេញ កាលពីវេលាម៉ោង១១ព្រឹក ថ្ងៃទី១៩ ខែធ្នូ ឆ្នាំ២០២២ ។
តាមសម្ថកិច្ចបានឲ្យដឹងថា ក្រុមKP zin ជាក្រុមអ្នកលេង ក្មេងជើងកាង ទំនើង ប្រចាំភូមិដើរបង្កបញ្ហាវាយកាប់ចាក់ ក្នុងមូលដ្ឋានមកប្រមូលផ្តុំគ្នាដើរដេកក្នុងរោង។
សមត្ថកិច្ចបន្តទៀតថា មុនឈានដល់ឃាត់ខ្លួនក្រុមក្មេងទំនើងទាំងនេះ ដើមចមមានយុវជនម្នាក់ឈ្មោះ ចែម រ៉ាម៉ា អាយុ២៨ឆ្នាំ មុខរបរកម្មកររោងចក្រ រស់នៅក្នុងភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ បានស្គាល់ ស្រឡាញ់គ្នា ជាមួយនារី បែកស្លុយ២នាក់ អស់រយៈពេល១ខែមកហើយ ធ្លាប់នាំគ្នាដើរលេង ធ្លាប់ដេកដាច់យប់ ហើយនារីទាំង២នាក់នោះក៏ជាមនុស្ស ដែលក្រុមក្មេងទំនេីងទាំង១៣នាក់ធ្លាប់ស្គាល់ដែរ ស្រាប់តែនៅព្រលប់ថ្ងៃទី១៨ ខែធ្នូ ឆ្នាំ២០២២ យុវជន ឈ្មោះ ចែម រ៉ាមា បានឆាតណាត់បបួលនារីទាំង២នាក់ឌុបចេញពីផ្លូវជាតិលេខ៤ ភូមិអង្គ សង្កាត់ចោមចៅទី៣ ដើរលេង ទៅហូបបង្អែម នៅតាមផ្លូវសហព័ន្ធរុស្សុី ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រហូតដល់វេលាម៉ោង១០យប់ ថ្ងៃដដែល ស្រាប់តែនារីជាសង្សារទាំង២នាក់នោះ ឆ្លៀតឱកាសបោកយកម៉ូតូរបស់យុវជនរងគ្រោះ ទៅបាត់ ម៉ាកម៉ាកហុងដាឌ្រី សេរី២០២២ ពណ៌ក្រហម ពាក់ស្លាកលេខ 1JU-6279 ។
ក្រោយពីចាញ់ល្បិចស្រីបោកអស់ម៉ូតូមួយគ្រឿង រហូតដល់ព្រឹកថ្ងៃទី១៩ ខែធ្នូ ឆ្នាំ២០២២ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍ចោមចៅទី៣ លុះឲ្យក្រុមហ៊ុនឆែកពិនិត្យមើលតាមរយៈGPS ឃើញសញ្ញាលោតត្រង់ចំណុចដីឡូត៍ទុកចោល ក្នុងភូមិត្រពាំងទួល សង្កាត់កំបូល ទាំងម្ចាស់ម៉ូតូ ទាំងសមត្ថកិច្ចចុះទៅស្វែងរក បែជាប្រទះឃើញក្រុមក្មេងទំនើង១៣នាក់ ហ្សនាមក្រុមអ្នកលេង KP zin រីឯម៉ូតូមិនឃើញឡើយ តែឃើញដុំGPS នៅតាមផ្លូវក្បែរកន្លែងក្មេងទំនើងដេក ក៏ឃាត់ខ្លួនតែម្តង ដកហូតបានម៉ូតូ៣គ្រឿង កាំបិតបុ័តោមួយដើម ។
បន្ទាប់ពីឃាត់ខ្លួនក្រុមអ្នកលេងបាន១៣នាក់ ខណៈដែលសមត្ថកិច្ចខណ្ឌកំបូលកំពុងតាមចាប់ខ្លួនស្រាប់ផង ឥឡូវឃើញហើយឃាត់តែម្តង នាំយកទៅសាកសួរនៅផ្នែកំនាញខណ្ឌកំបូល ។ រីឯយុវជនស្រីបោក សមត្ថកិច្ចនាំទៅសាកសួរ និងទទួលពាក្យបណ្តឹងនៅប៉ុស្តិ៍ចោមចៅទី៣ ដើម្បីស្រាវជ្រាវរកនារីសង្ស័យ២នាក់ខាងលើ ៕
អត្ថបទ៖ សុខា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង