សន្តិសុខសង្គម

Breaking News ៖ ឆេះក្លិបកំសាន្តមួយកន្លែងនៅក្រុងព្រះសីហនុស្លាប់មនុស្ស២នាក់

បានផុស

១ ខែ មុន

នៅ

ថ្ងៃចន្ទ ៣០ មករា ២០២៣

ដោយ

ព្រះសីហនុ ៖ ព័ត៌មានបឋម អគ្គីភ័យឆេះក្លិបកំសាន្តJULIE&ANNA TOKYO មួយកន្លែងនៅម្តុំឧតុនិយម ស្ថិតនៅក្នុងភូមិសាស្ត្រសង្កាត់លេខ៣ក្រុង/ខេត្តព្រះសីហនុ។ យោងតាមព័ត៌មានបឋមពីសមត្ថកិច្ចបានឲ្យដឹងថា ករណីនេះបណ្តាលមនុស្សចំនួន២នាក់បានស្លាប់បាត់បង់អាយុជីវិត ខណៈបញ្ជូនទៅសង្គ្រោះបន្ទាន់នៅមន្ទីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបណ្តាលឲ្យបុរសជាងផ្សារដែកម្នាក់និងស្ត្រីមេការម្នាក់ ឆេះរលាករលួយស្បែករងរបួសធ្ងន់ហើយបានស្លាប់យ៉ាងអាណោចអាធ័ម។ ហេតុការណ៍នេះបានកើតមានឡើងនៅម៉ោងប្រមាណជិត៨យប់ថ្ងៃទី៣០ ខែមករា ឆ្នាំ២០២៣។ ក្រោយកើតហេតុភ្លាមគេឃើញវត្តមានលោក ម៉ាង ស៊ីណេត អភិបាលរងខេត្តព្រះសីហនុ លោកអភិបាល អភិបាលរងក្រុង រួមនឹងសមត្ថកិច្ចស្នងការនិង មន្ត្រីអាវុធហត្ថខេត្តព្រះសីហនុជាច្រើននាក់បានចុះទៅអន្តរាគមន៍និងការពារនៅកន្លែងកើតហេតុ។

ក្នុងហេតុការណ៍នេះផងដែរ បានរងរបួសចំនួន៣នាក់, ស្លាប់ចំនួន ២នាក់ ដែលមានឈ្មោះដូចខាងក្រោម÷
១- សពឈ្មោះ ហ៊ន ស្រីវ៉េត ភេទស្រី អាយុ ១៨ឆ្នាំ មានស្រុកកំណេីត ក្រុងព្រះសីហនុ, មានទីលំនៅបច្ចុប្បន្ន ភូមិ២ សង្កាត់លេខ១ ក្រុង/ខេត្តព្រះសីហនុ។

២-សពឈ្មោះ ភន មករា ភេទប្រុស មានស្រុកកំណេីតភូមិសំរោងខាងកេីយ ឃុំគោកព្រិច ស្រុកគីវង់ ខេត្តតាកែវ, បច្ចុប្បន្នស្នាក់នៅភូមិ៥ សង្កាត់លេខ៤ ក្រុង/ខេត្តព្រះសីហនុ។

៣-ជនរងគ្រោះឈ្មោះ ណន រតនះ ភេទប្រុស អាយុ២០ឆ្នាំ ស្រុកកំណេីត ឃុំទូកមាសខាងកេីត ស្រុកបន្ទាយមាស ខេត្តកំពត, បច្ចុប្បន្នស្នាក់នៅភូមិ៥ សង្កាត់លេខ៤ ក្រុង/ខេត្តព្រះសីហនុ របួសមធ្យម កំពុងសង្រោះនៅមន្ទីរពេទ្យបង្អែកខេត្តព្រះសីហនុ (ពេទ្យចំការចេក)។

៤-ជនរងគ្រោះឈ្មោះ ប្រាក់ សារ៉ូ ភេទស្រី អាយុ ៣៤ឆ្នាំ មុខរបរបុគ្គលិក មានទីលំនៅក្រុម១ ភូមិ២ សង្កាត់លេខ៣ ក្រុង/ខេត្តព្រះសីហនុ (រងរបួសស្រាល)។

៥-ឈ្មោះ វង្ស សារុំ ភេទស្រី អាយុ ២៣ឆ្នាំ មុខរបរ បុគ្គលិកក្លិប មានទីលំនៅសង្កាត់លេខ៤ ក្រុង/ខេត្តព្រះសីហនុ (រងរបួសស្រាល)។

សមត្ថកិច្ចបានឲ្យដឹងថា គ្រោះអគ្គីភ័យនេះបង្កឡើងដោយជាងផ្សារដែកនៅខាងក្នុងក្លិប ព្រោះថាក្លិបកំសាន្តនេះកំពុងតែសាងសង់បណ្តើរបើកដំណើរបណ្តើរ។ សមត្ថកិច្ចបានឲ្យដឹងថា ខណៈពេលជាងកំពុងផ្សារដែកផ្កាភ្លើងបានប៉ើងខ្ទាតទៅប៉ះក្រណាត់និងជ័រអេប៉ុងហើយឆាប់ឆេះតែម្តង។ នៅម៉ោងជិត១០យប់នេះភ្លើងត្រូវបានបាញ់ទឹករលត់អស់ហើយខណៈគ្រឿងក្នុងនៃក្លិបកំសាន្តមួយនេះត្រូវព្រះអគ្គីឆេះអស់មួយស្ទើរទាំងស្រុង។

ដោយ ៖ ស៊ុយ ចាន់ធា.