សន្តិសុខសង្គម
សមត្ថកិច្ចរៀបចំកម្លាំងចុះរុករកជនរងគ្រោះលិចទូកបាត់ ៤ នាក់
នៅព្រឹកថ្ងៃទី ១៥ ខែកុម្ភៈនេះ លោកឧត្ដមសេនីយ៍ទោ អូត ស៊ីវុត្ថា ស្នងការដ្ឋាននគរបាលខេត្ត បានដឹកនាំកម្លាំងសហការជាមួយកម្លាំងអាវុធហត្ថខេត្ត ចុះរុករកជនរងគ្រោះដែលលិចទូកមួយគ្រួសារ មានគ្នាចំនួន ៨ នាក់ បាត់ខ្លួន ៤ នាក់ ក្មេង ២នាក់ កាលពីវេលាម៉ោង ៨ និង ៥០ នាទី ព្រឹកថ្ងៃទី ១៤ ខែកុម្ភៈ ឆ្នាំ ២០២៣ ចំណុចដងទន្លេមេគង្គកន្ទុយកោះហាន ស្ថិតក្នុងភូមិខាំផាន់ សង្កាត់សាមគ្គី ក្រុង/ខេត្តស្ទឹងត្រែង។
លោក អ៊ុង សុភ័ក្ត្រ មេប៉ុស្តិ៍សង្កាត់សាមគ្គីបានឲ្យដឹងថា ជនរងគ្រោះដែលបាត់ខ្លួន ទី១-ឈ្មោះ សុត មី ភេទប្រុស អាយុ ៥៦ ឆ្នាំ(ឪពុក) ,ទី២-ឈ្មោះ ម៉ី សុគ្រី ភេទស្រី អាយុ ២៥ ឆ្នាំ(ត្រូវជាកូន) ,ទី៣- ឈ្មោះ លូយ ចន្ទ្រា ភេទប្រុស អាយុ ៨ ឆ្នាំ(ត្រូវជាចៅ) ,ទី៤-ឈ្មោះ លួយ ហាត់ ភេទប្រុស អាយុ ៦ ឆ្នាំ (ត្រូវជាចៅ)។
លោកមេប៉ុស្តិ៍បានបន្តឲ្យដឹងទៀតថា ជនរងគ្រោះទាំងបួននាក់ និង ៤ នាក់ទៀតដែលរួចផុតពីការស្លាប់ មានទីលំនៅក្នុងភូមិកោះកី ឃុំកោះស្នែង ស្រុកបុរីអូស្វាយសែនជ័យ ខេត្តស្ទឹងត្រែង។ មួយក្រុមគ្រួសារនេះ គោលបំណងទៅធ្វើការងារជាកម្មករឡឥដ្ឋ ពេលដែលធ្វើដំណើរមកដល់ចំណុចកើតហេតុគឺជាកន្លែងទឹកហូរកួចខ្លាំង ដោយសារទូកតូចជិះលើសចំណុះមានគ្នាដល់ទៅ ៨ នាក់ មានឪពុក កូនបង្កើត កូនប្រសា និងចៅផងនោះ ត្រូវបានទឹកកួចលិចបាត់ខ្លួនចំនួនបួននាក់ដោយឡែកបួននាក់ទៀត ត្រូវបានទូកប្រជាពលរដ្ឋបើកឆ្លងកាត់ជួយសង្គ្រោះរួចផុតពីការស្លាប់។
បច្ចុប្បន្ននៅព្រឹកថ្ងៃទី ១៥ កុម្ភៈនេះ កម្លាំងស្នងការដ្ឋាននគរបាលខេត្ត រួមជាមួយកម្លាំងកងរាជអាវុធហត្ថខេត្ត កំពុងតែចុះរុករកជនរងគ្រោះទាំងបួននាក់៕
អត្ថបទ ៖ ងិន លីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ