សន្តិសុខសង្គម
សមត្ថកិច្ចជលផលហៅអ្នកឆក់ត្រី ៧ នាក់មកធ្វើកិច្ចសន្យាបញ្ឈប់សកម្មភាពល្មើសច្បាប់
សមត្ថកិច្ចជលផលផ្សារឆ្នាំង សហការជាមួយរដ្ឋបាលស្រុកកំពង់លែងនៅព្រឹកថ្ងៃទី ១៩ ខែមេសានេះ បានចុះប្រជុំដោះស្រាយបាតុភាពបទល្មេីសឆក់ត្រី ដែលរយៈពេលប៉ុន្មានថ្ងៃចុងក្រោយនេះមានអ្នកលេងបណ្តាញសង្គមហ្វេសប៊ុកផ្សព្វផ្សាយពីសកម្មភាពនេសាទ និងឈ្មោះអ្នកប្រព្រឹត្ត។
សមត្ថកិច្ចជំនាញបានខិតខំស្រាវជ្រាវមុខសញ្ញា និងសាវតាអ្នកប្រព្រឹត្តដោយក្នុងនោះរដ្ឋបាលស្រុកបានសំណូមពរឱ្យកោះហៅជនសង្ស័យចំនួន ៧ នាក់រស់នៅភូមិជេីងគ្រួស ឃុំស្វាយរំពារ ស្រុកកំពង់លែង មកកាន់សាលាស្រុក ដេីម្បីរកឱ្យឃេីញមូលហេតុនាំឱ្យមានការប្រព្រឹត្តបទល្មេីសនេសាទនេះ។
នៅក្នុងកិច្ចប្រជុំក្នុងសាលាស្រុកកំពង់លែងជនសង្ស័យទាំង ៧ រូបដែលរដ្ឋបាលស្រុកបានកោះហៅបានមកសារភាពថា ខ្លួនពិតជាមានលួចលាក់រក្សាទុកឧបករណ៍ឆក់ត្រី ប្រាកដមែន មូលហេតុយកឧបករណ៍ចាស់ៗខូចកន្លងមកជួសជុលលួចនេសាទយកត្រីហូបម្តងម្កាលតែប៉ុណ្ណោះ។
ក្រោយការណែនាំពីរដ្ឋបាលស្រុក និងការផ្សព្វផ្សាយពីសំណាក់មន្រ្តីជំនាញជលផលរួចមក ជនសង្ស័យទាំង ៧ រូបដែលលួចលាក់រក្សាទុកឧបករណ៍ឆក់ត្រីបានសារភាពទោសកំហុស និងស្ម័គ្រចិត្តប្រគល់ឧបករណ៍ឆក់ដល់សមត្ថកិច្ច ចៀសវាងមានទោសទណ្ឌដល់ខ្លួននៅថ្ងៃក្រោយ។
នៅក្នុងកិច្ចប្រជុំនេះសមត្ថកិច្ចជំនាញបានធ្វេីសេចក្តីសម្រេចព្រមានបញ្ឍប់កុំឱ្យពួកគាត់បន្តរក្សាទុករឺលួចប្រព្រឹត្តបទល្មេីសឆក់នេះបន្តទៀត និងក្រោយពីឆ្លងយោបល់ថ្នាក់លើសមត្ថកិច្ចបានអនុញ្ញាតឲ្យជនសង្ស័យទាំង ៧ នាក់ត្រឡប់ទៅមូលដ្ឋានវិញ។
ប៉ុន្តែនៅក្នុងច្បាប់ស្ដីជាជលផលឆ្នាំ ២០០៦ មាត្រា ៩៨ (ចំណុច ៥នេ សាទដោយឧបករណ៍ឆក់គ្រឿងផ្ទុះ និងសារធាតុពុលគ្រប់ប្រភេទនៅក្នុងដែននេសាទ) បានចែងថាត្រូវផ្ដន្ទាទោសក្រោមបទល្មើសជលផលថ្នាក់ទី១ ដែលត្រូវដាក់ពន្ធនាគារពី ៣ ឆ្នាំទៅ ៥ ឆ្នាំ និងវត្ថុតាងទាំងអស់ត្រូវរឹបអូសជាសម្បត្តិរដ្ឋ ឬបំផ្លាញចោល។ ករណីនេះ បើរកឃើញជនល្មើសហើយអប់រំធ្វើកិច្ចសន្យាលែងដូច្នេះ បទល្មើសនេសាទនិងកើតមានមិនចេះចប់នោះទេ។
ដោយឡែកនៅក្នុងពិធីប្រជុំនេះដែរសមត្ថកិច្ចជំនាញជលផលសហការណ៍ជាមួយនគរបាលប៉ុស្តិ៍ក្នុងស្រុកកំពង់លែងចលនាឧបករណ៍ឆក់ត្រីពីប្រជាពលរដ្ឋក្នុងមូលដ្ឋាន កន្លងមក ប្រមូលបានអាំងវ៉ាត់ទ័ររឆក់ត្រីបន្ថែមសរុបបានចំនួន ២៤ គ្រឿងទៀត រួចក៏បានធ្វេីពិធីប្រគល់ទទួលឧបករណ៍ឆក់ត្រីរួមជាមួយគ្នាជនសង្ស័យដែលបានសារភាពខាងលើនេះផងដែរ ដើម្បីមន្ត្រីជំនាញយកទៅរក្សាទុកដុតកម្ទេចចោល៕
អត្ថបទ៖ ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ