សន្តិសុខសង្គម

បង្ក្រាបសារធាតុញៀនជិត១០០គីឡូ រួមនឹងឧបករណ៍ផលិតមួយចំនួន

បានផុស

៣ years មុន

នៅ

ថ្ងៃសុក្រ ១២ ឧសភា ២០២៣

ដោយ

តាកែវ ៖ សមត្ថកិច្ចក្រសួងមហាផ្ទៃសហការជាមួយសមត្ថកិច្ចមូលដ្ឋាន ស្រាវជ្រាវឈានដល់ការបង្ក្រាបបទល្មើសគ្រឿងញៀន ក្នុងភូមិសាស្ត្រ ស្រុកត្រាំកក់ ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរប្រឆាំងបទល្មើសគ្រឿងញៀន ក្រសួងមហាផ្ទៃ បានបង្ហាញមុខជនសង្ស័យនិងវត្ថុតាង នៅព្រឹកថ្ងៃទី១២ ខែឧសភា ឆ្នាំ២០២៣ ក្រោយការបង្ក្រាបកាលថ្ងៃទី០៩ ខែឧសភា ឆ្នាំ២០២៣ វេលាម៉ោង២១និង០០ ក្រោមការសម្របសម្រួលនីតិវិធីពីលោក ឯក ឆេងហ៊ួត ព្រះរាជអាជ្ញា នៃអយ្យការអមសសាលាដំបូងខេត្តតាកែវ នៅចំណុច ផ្ទះគ្មានលេខ ភូមិតាសូ ឃុំឧត្តមសូរិយា ស្រុកត្រាំកក់ ខេត្តតាកែវ។

ក្នុងនោះបានឃាត់ខ្លួនជនសង្ស័យ០៤នាក់ មាន៖

១. ឈ្មោះ ទួន សាស្រា្ត ភេទប្រុស អាយុ២៩ឆ្នាំ ជនជាតិខ្មែរ ។

២. ឈ្មោះ ហ្វាង យ៉ាងណាម ភេទប្រុស ៤៤ឆ្នាំ ជនជាតិខ្មែរ ។ ៣. ឈ្មោះ ចាន់ វាសនា ភេទប្រុស អាយុ៣៧ឆ្នាំ ជនជាតិខ្មែរ ។ ៤. ឈ្មោះ ផាន វណ្ណារ៉ា ភេទប្រុស អាយុ៤៤ឆ្នាំ ជនជាតិខ្មែរ។ ដោយឡែកវត្ថុតាងគ្រឿងញៀនដកហូតបានមាន៖

១- សារធាតុញ្ញៀនទម្ងន់ ១១៨.៦៤ក្រាម(មេតំហ្វេតាមីន)។

២- សារធាតុគីមីផ្សំ (មិនច្បាស់) ទម្ងន់ ៧៩១៧៦ក្រាម(៧៩គីឡូ ១៧៦ក្រាម)។

៣- រថយន្ត១គ្រឿង និងឧបករណ៍ផលិតសារធាតុញៀនមួយចំនួនផងដែរ។

បច្ចុប្បន្នជនសង្ស័យទាំង៤នាក់ខាងលើត្រូវបានសួរនាំ និងឃុំខ្លួន ហើយសមត្ថកិច្ច បន្តសហការជាមួយសមត្ថកិច្ចពាក់ព័ន្ធស្រាវជ្រាវ ស្វែងរកមុខសញ្ញាពាក់ព័ន្ធ និងចាប់ខ្លួនមេខ្លោងគ្រឿងញៀន ដើម្បីចាប់ខ្លួនមកផ្តន្ទាទោសតាមច្បាប់ ជាមួយគ្នានោះនិងបើកការស៊ើបអង្កេត ស្រាវជ្រាវ ស្វែងរកទ្រព្យទាំងឡាយដែលជាផល បានមកពីបទល្មើសគ្រឿងញៀន ដើម្បីឈានទៅបង្កកនិងរឹបអូសជាសម្បត្តិរដ្ឋ៕

ដោយ ៖ វីរៈ

Related Topics:គ្រឿងញៀន

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា