Connect with us

សន្តិសុខសង្គម

សមត្ថកិច្ច​ឃាត់ខ្លួន​ជនសង្ស័យ​៣​នាក់ ​ពាក់ព័ន្ធ​ករណី​កាប់​ប្លន់​ម៉ូតូ​កាលពី​៣​ថ្ងៃមុន

បានផុស

នៅ

ភ្នំពេញ​ ៖ នគរបាល​ខណ្ឌ​កំបូល បាន​ធ្វើ​ការ​សហការ​ជាមួយ​នគរបាល​ប៉ុស្តិ៍​សំរោងក្រោម និង​នគរបាល​ប៉ុស្តិ៍​ចោមចៅ​ទី​៣ ខណ្ឌ​ពោធិ៍​សែន​ជ័យ ធ្វើការ​ឃាត់ខ្លួន​ជនសង្ស័យ​៣​នាក់​ជា​បន្តបន្ទាប់​ដែលជា​មុខសញ្ញា​ក្រុមចោរ​កាប់​ប្លន់​ម៉ូតូ និង​លួច​កាបូប​លុយ​យ៉ាងសកម្ម​។ ប្រតិបត្តិការ​នេះ​ បាន​ធ្វើ​ឡើង​កាលពី​ថ្ងៃទី​៣០ ខែឧសភា ឆ្នាំ​២០២៣ នៅ​ក្នុ​ង​ភូមិសាស្ត្រ​ខណ្ឌ​ពោធិ៍​សែន​ជ័យ​។

សូម​បញ្ជាក់​ផងដែរ​ថា ការ​ឃាត់ខ្លួន​ជនសង្ស័យ​ខាង​លើ​នេះ​ក្រោយពី​ពួកគេ​បាន​ធ្វើ​សកម្មភាព​កាប់ វាយ ប្លន់​យក​ម៉ូតូ​ពី​ជនរងគ្រោះ ​កាលពី​យប់​ថ្ងៃទី​២៧ ខែឧសភា ឆ្នាំ​២០២៣ នៅ​សង្កាត់​ស្នោ ខណ្ឌកំបូល​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពី​ទទួល​ពាក្យ​បណ្តឹង​របស់​ជនរ​ង​គ្រោះ​កម្លាំង​សមត្ថកិច្ច​បាន​ធ្វើ​ការស្រាវជ្រាវ​រហូត​មក​ដល់​ព្រឹក​ថ្ងៃទី​៣០​ខែឧសភា ឆ្នាំ​២០២៣​នេះ​ ឈាន​ទៅ​ដល់​ការ​ឃាត់ខ្លួន​ជនសង្ស័យ​ចំនួន​២​នាក់​នៅ​ភូមិ​ចាក់​ជ្រូក​និង​ភូមិ​គោក​ព្រិច សង្កាត់​សំរោងក្រោម ខណ្ឌ​ពោធិ៍​សែន​ជ័យ​។

បន្ទាប់មក​ក៏​បន្ត​តាម​ចាប់​ជនសង្ស័យ​ម្នាក់ទៀត ​ខណៈ​កំពុង​លេងល្បែង​ហ្គេម​បាញ់​ត្រី​នៅក្នុង​ទីតាំង​ណេ​ត​មួយ​កន្លែង​ស្ថិតនៅ​ភូម​ជម្ពូ​វ័ន សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ​។

ជនសង្ស័យ​២​នាក់ ​ដែល​ឃាត់ខ្លួន​បាន​នៅ​ភូមិ​ចាក់​ជ្រូក​ និង ​ភូមិ​គោក​ព្រិច​នោះ​ ពុំ​ទាន់​ត្រូវបាន​ស្គាល់​អត្តសញ្ញាណ​នៅឡើយ​ទេ ចំណែក​ជនសង្ស័យ​ម្នាក់​ ដែល​នគរបាល​ឃាត់ខ្លួន​បាន​ចុងក្រោយ​គេ​ពេល​កំពុង​លេង​ហ្គេម​បាញ់​ត្រី​នោះ​ ឈ្មោះ​ផាន សម្បត្តិ ភេទ​ប្រុស អាយុ​៣២​ឆ្នាំ មាន​ទីលំនៅ​ភូមិ​ជង្រុក សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ។

បន្ទាប់មក​នគរបាល​ក៏បាន​នាំ​ជនសង្ស័យ​ទៅកាន់​ភូមិ​ភូមិ​គោក​ព្រិច សង្កាត់​សំ​រោម​ក្រោម ដើម្បី​រក​ម៉ូតូ​ម៉ាក​អិ​ច​ស៊ី​ទ័​រ​ ពណ៌​ខៀវ​មិន​ចាំ​ស្លាក​លេខ​ ដែល​ពួកគេ​ជិះ​ធ្វើ​សកម្មភាព​កាប់​ប្លន់​នោះ​ត្រូវ​បាន​បក្សពួក​ម្នាក់ទៀត​ជិះ​គេចខ្លួនបាត់​។

ប្រភព​ដដែល​បាន​ប្រាប់​ឲ្យ​ដឹង​បន្ត​ទៀត​ថា ចំណែក​ម្នាក់ទៀត​ឈ្មោះ​ផាន សម្បត្តិ បានធ្វើ​សកម្មភាព​ដាច់ដោយឡែក​មួយទៀត​ពី​បក្សពួក ដោយ​បាន​ឆបោក​ម៉ូតូ​១​គ្រឿង​ពី​មិត្តភក្ដិ​ម្នាក់​។​ បន្ទាប់មក​ម្ចាស់​តាមរក​ឃើញ​ក៏​ប្ដឹង​នគរបាល​ប៉ុស្តិ៍​ចោមចៅ​ទី​៣​ឲ្យ​ជួយ​ចាប់ខ្លួន ហើយ​ពេល​ភ្លាមៗ​នោះ​នគរបាល​អត់​ទាន់​ដឹង​ថា ជន​នេះ​គឺជា​បក្សពួករ​បស់ជនស​ង្ស័​យ​២​នាក់​ខាងលើ​ទេ លុះ​ពេល​សួរនាំ​ទើប​ដឹង។

ជនរងគ្រោះ​ដោយ​ការ​ឆបោក​ម៉ូតូ​នោះ​ឈ្មោះ​ហ៊ី ហេង​លាភ ភេទ​ប្រុស អាយុ​២៨​ឆ្នាំ មាន​ទីលំនៅ​ភូមិ​អូរ​ដឹ​ម សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ​។​ បាត់បង់​ម៉ូតូ​១​គ្រឿង​ម៉ាក​ស៊ុយ​ហ្ស៊ុ​យ​គី​និ​ច ពណ៌ស ពាក់​ស្លាក​លេខ​ភ្នំពេញ​1CW-4379 ម៉ូតូ​ខាង​លើ​នេះ​ ត្រូវ​បាន​ប្រគល់​ទៅ​ជនរងគ្រោះ​វិញ​ហើយ​បន្ទាប់ពី​ឃាត់ខ្លួន​បាន​បក្ស​ពួកគេ​២​នាក់​ទៀត​នៅ​សង្កាត់​សំ​រោម​ក្រោម ​ខណ្ឌ​ពោធិ៍​សែន​ជ័យ​សហការ​ជាមួយ​សមត្ថកិច្ច​ខណ្ឌ​កំបូល​ដកហូត​បាន​ខណៈ​ពេល​ពួកគេ​កំពុង​ជិះ​។

​បច្ចុប្បន្ន​ជនសង្ស័យ​ត្រូវ​បាន​សមត្ថកិច្ច​នាំខ្លួន​ទៅ​សាកសួរ​បន្ត​និង​ចាត់ការ​តាមផ្លូវ​ច្បាប់​៕

ដោយ​ ៖​ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១០ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១៩ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ១៤ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

សន្តិសុខសង្គម១៨ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម