សន្តិសុខសង្គម

អភិបាលខេត្តកំពង់ស្ពឺ ៖ ផ្លូវជាតិលេខ៤ ត្រូវបានផ្អាកជាបណ្តោះអាសន្នដោយសារជំនន់ទឹកភ្លៀងហូរកាត់

បានផុស

៣ years មុន

នៅ

ថ្ងៃសៅរ៍ ២៩ កក្កដា ២០២៣

ដោយ

កំពង់ស្ពឺ ៖ ដោយសារភ្លៀងជាប់ៗគ្នាជាច្រើនថ្ងៃ បង្កឲ្យមានជំនន់ទឹកភ្លៀងហូរកាត់ផ្លូវជាតិលេខ៤ ចន្លោះគីឡូម៉ែត្រលេខ (១០៧-១០៨) ដូច្នេះអាជ្ញាធរខេត្តកំពង់ស្ពឺ បានផ្អាកជាបណ្តោះអាសន្ន ប្រជាពលរដ្ឋ ដែលត្រូវធ្វើដំណើរតាមផ្លូវជាតិលេខ៤ ត្រូវផ្លាស់ប្តូរទិសរកផ្លូវវាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងលើនេះជាការលើកឡើង របស់ វ៉ី សំណាង អភិបាលខេត្តកំពង់ស្ពឹ បានលើកឡើងនៅវេលាម៉ោង ៤និង២០នាទីរសៀលថ្ងៃទី២៩ ខែកក្កដា ឆ្នាំ២០២៣នេះ។

លោក វ៉ី សំណាង អភិបាលខេត្តកំពង់ស្ពឺបានលើកឡើងថា “ស្ថានភាពទឹកភ្លៀងបានធ្លាក់ជាប់ៗគ្នាប៉ុន្មានថ្ងៃនេះ ធ្វើឲ្យមានជំនន់ទឹកភ្លៀងហូរកាត់ផ្លូវជាតិលេខ៤ ចន្លោះគីឡូម៉ែត្រលេខ (១០៧-១០៨) ជាប់ព្រំប្រទល់រវាងឃុំយាយម៉ៅពេជ្រនិល ស្រុកភ្នំស្រួច និងឃុំអូរបាក់រទេះ ស្រុកកំពង់សិលា ខេត្តព្រះសីហនុ”។

លោក វ៉ី សំណាង បានបញ្ជាក់បន្តថា “សូមជម្រាបដល់ពុកម៉ែ មាមីង បងប្អូន កូនក្មួយ ដែលមានបំណងប្រើប្រាស់ផ្លូវជាតិលេខ៤ សូមរកផ្លូវវាងបណ្ដោះអាសន្នសិន ជាពិសេសអាចប្រើប្រាស់ផ្លូវល្បឿនលឿនដោយសារមូលហេតុដោយជំនន់ទឹកភ្លៀងបានបណ្ដាលឱ្យលិចផ្លូវជាតិលេខ៤ ត្រង់ចន្លោះគីឡូម៉ែត្រលេខ (១០៧-១០៨) មានកម្ពស់ ៣០cm ហូរកាត់លើផ្លូវតែម្តង”។

លោកវ៉ី សំណាង អភិបាលខេត្តកំពង់ស្ពឺ បន្តទៀតថា “ចំណុចទី២ គឺនៅគីឡូម៉ែត្រលេខ (៩៩-១០០) ហើយភ្លៀងនៅតែបន្តធ្លាក់ខ្លាំង ដូច្នេះ សូមពុកម៉ែ មាមីង បងប្អូន កូនក្មួយ មេត្តាជ្រាបជាព័ត៌មាន”។ លោកបន្តទៀតថា “អ្នកប្រើប្រាស់ផ្លូវជាតិលេខ៤ ទាំងអស់ត្រូវវៀងតាមផ្លូវផ្សេង ឬផ្លូវល្បឿនលឿន សម្រាប់រថយន្តដឹកទំនិញធំៗ ដែលមិនចង់ប្រើអាចរង់ចាំសិន”។

លោក វ៉ី សំណាង បានបញ្ជាក់ថា “ការបិទចរាចរណ៍ផ្លូវជាតិលេខ៤ គឺដើម្បីការពារកុំឲ្យខូចខាតផ្លូវ ព្រោះកាលណាទឹកជំនន់ហូរលើផ្លូវបែបនេះ ធ្វើឲ្យជ្រាយគ្រឹះផ្លូវបើមានឡានធំទៅវាអាចប៉ះពាល់ធ្វើឲ្យខូចដល់ផ្លូវ”៕

ដោយ ៖ ភួង រដ្ឋា