សន្តិសុខសង្គម
សំណុំរឿងគ្រឿងញៀនអតីតស្នងការរងខេត្តកំពតតុលាការបំបែករឿងកាត់ទោសតែអ្នករត់គេចខ្លួន
សំណុំរឿងជួញដូរ ដឹកជញ្ជូន និងរក្សាទុកគ្រឿងញៀនដ៏ល្បីល្បាញមួយកាលពីមុនចូលឆ្នាំខ្មែរ ឆ្នាំ២០២១ ដែលពាក់ព័ន្ធដល់ការចាប់ខ្លួនស្នងការរងនគរបាលខេត្តកំពតម្នាក់ ជាមួយគ្រឿងញៀនជិត២គីឡូក្រាម ត្រូវបានចៅក្រមសាលាដំបូងរាជធានីភ្នំពេញ លើកយកមកជំនុំជំរះនូវផ្នែកតូចមួយដែលបំបែកចេញពីសំណុំរឿងធំ។
នៅក្នុងការជំនុំជំរះលើសំណុំរឿងដែលបំបែកនេះមានជនជាប់ចោទតែម្នាក់ប៉ុណ្ណោះ គឺឈ្មោះ សេក មិត្ត ហៅកាយ ម៉េង( រត់ គេចខ្លួន) ភេទប្រុស អាយុ៤១ឆ្នាំ រស់នៅក្នុងខេត្តកំពង់ចាម។ ចំណែកសំណុំរឿងលោក អុឹម ឈួន និងបក្ខពួក២នាក់ទៀតជាមួយនឹងគ្រឿងញៀន១៧៥០ក្រាម និងកាំភ្លើងខ្លីមួយដើមទៀតកប់បាត់ឈឹង តុលាការមិនទាន់សម្រេចបែបណាទេ ប៉ុន្តែបានដោះលែងជនជាប់ចោទអោយនៅក្រៅឃុំអស់ហើយ។
![](https://www.kampucheathmey.com/wp-content/uploads/2024/02/photo_2024-02-29_15-39-10.jpg)
អង្គសវនាការដែលដឹកនាំដោយលោកស្រីចៅក្រម ឈុន ដាវី ជាប្រធានក្រុមប្រឹក្សាជំនុំជំរះ និងលោក សេង ម៉េងស្រ៊ុន ជាតំណាងអយ្យការ តុលាការបានចោទប្រកាន់ឈ្មោះ សេក មិត្ត ហៅកាយ ម៉េង (រត់គេចខ្លួន) ពីបទ រក្សាទុក ដឹកជញ្ជូន និងជួញដូរគ្រឿងញៀន។
លោកស្រីចៅក្រម ឈុន ដាវី ជាប្រធានក្រុមប្រឹក្សាជំនុំជំរះបានបញ្ជាក់ពីអង្គហេតុថា កាលពីថ្ងៃទី៦ ខែមេសា ឆ្នាំ២០២១ នគរបាលមន្ទីរប្រឆាំងគ្រឿងញៀនបានឃាត់រថយន្តមាកតូយ៉ូតាហុីលុច្ស ពណ៌សមួយគ្រឿងពាក់ស្លាកលេខ ន.ប២ ៨៤៨៤ ដែលធ្វើដំណើរពីខេត្តកំពង់ចាមចូលមកដល់រាជធានីភ្នំពេញ ត្រង់ចំណុចផ្សារ ឌែលម៉ល ក្នុងសង្កាត់ស្រះចក ខណ្ឌដូនពេញ ជាមួយបុរស៣នាក់គឺឈ្មោះ អុឹម ឈួន ឈ្មោះ កែវ ទិត្យមេសា និងឈ្មោះ ហុង គា ។ នៅក្នុងរថយន្តនេះមានលាក់ទុកគ្រឿងញៀន ១៧៥០ក្រាម នៅក្រោមកៅអីអ្នកបើកបរ ។
តាមរយៈចម្លើយសារភាពរបស់ជនសង្ស័យទាំង៣នាក់ សមត្ថកិច្ចបានទៅឆែកផ្ទះរបស់ឈ្មោះ សេក មិត្ត ហៅ កាយ ម៉េង នៅខេត្តកំពង់ចាម ហើយរកឃើញកាំភ្លើងខ្លីមួយដើមទៀតជារបស់ឈ្មោះ អុឹម ឈួន និងពុំមានភស្តុតាងផ្សេងទៀតទេពាក់ព័ន្ធនឹងគ្រឿងញៀន។
ដោយហេតុថា ជនសង្ស័យឈ្មោះ សេក មិត្ត រត់គេចខ្លួនបាត់ និងចម្លើយចង្អុលបង្ហាញរបស់ឈ្មោះ អុឹម ឈួន ហុង គា និង កែវ ទិត្យមេសា ទើបតុលាការបានចោទប្រកាន់ឈ្មោះ សេក មិត្ត ជាមេខ្លោងក្នុងការប្រព្រឹត្តអំពើល្មើសគ្រឿងញៀនហើយលើកយកមកកាត់ទោសកំបាំងមុខនាពេលនេះ ។
ត្រង់ចំណុចនេះលោកមេធាវី ហេ ជីវអេង ជាមេធាវីការពារក្ដីអោយជនជាប់ចោទឈ្មោះ សេក មិត្ត បានស្នើអោយតុលាការផ្អាកសវនាការសិន ដើម្បីកោះហៅជនជាប់សង្ស័យ៣នាក់ដែលតុលាការដោះលែងទៅបាត់នោះ ( អុឹម ឈួន ហុង គា និង កែវ ទិត្យមេសា ) មកសាកសួរតទល់ក្នុងការរកការពិត និងយុត្តិធម៌ក្នុងសំណុំរឿងគ្រឿងញៀននេះ។បន្ទាប់ពីពិគ្រោះយោបល់គ្នារួច ក្រុមប្រឹក្សាតុលាការបានសម្រេចផ្អាកសវនាការមួយអន្លើសិន ដើម្បីធ្វើការកោះហៅ ជនសង្ស័យឈ្មោះ អុឹម ឈួន ឈ្មោះ កែវ ទិត្យមេសា និងឈ្មោះ ហុង គា មកតុលាការធ្វើការសាកសួរឡើងវិញ៕
អត្ថបទ៖ មករា
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ