ឃាត់ខ្លួនអ្នករើសអេតចាយម្នាក់ និងបក្ខពួកពាក់ព័ន្ធករណីកាប់ប្លន់យកម៉ូតូ

កម្លាំងប៉ុស្តិ៍នគរបាលរដ្ឋបាលមិត្តភាព នៃអធិការដ្ឋាននគរបាលខណ្ឌ៧មករា បានឃាត់ខ្លួនជនសង្ស័យចំនួន២នាក់ ពាក់ព័ន្ធករណីកាប់ប្លន់យកម៉ូតូតែមិនបានសម្រេច។

ការឃាត់ខ្លួននេះបានធ្វើឡើងនៅថ្ងៃទី១៨ ខែមេសា ឆ្នាំ២០២៤ បន្ទាប់ពីក្រុមជនសង្ស័យបានធ្វើសកម្មភាពកាប់ប្លន់យកម៉ូតូមួយគ្រឿងពីជនរងគ្រោះនៅចំណុចមុខផ្ទះសំណាក់ ហេងលាភ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។

តាមរបាយការណ៍របស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ជនសង្ស័យដែលត្រូវឃាត់ខ្លួនមានឈ្មោះ ពៅ វណ្ណៈ ភេទប្រុស មុខរបប រើសអេតចាយ ទីលំនៅមិនពិតប្រាកដ (មានសារធាតុញៀន)។ ឈ្មោះ គឿន ចរិយា ភេទស្រី ទីលំនៅមិនពិតប្រាកដ (មានសារធាតុញៀន)។

ក្នុងប្រតិបត្តិការឃាត់ខ្លួន សមត្ថកិច្ចបានដកហូតវត្ថុតាង កាំបិតប៉័ងតាំង១ដើម និងម៉ូតូម៉ាក Honda Beat ផ្លាកលេខភ្នំពេញ1IE.6877 មួយគ្រឿង។ ជនសង្ស័យ និងវត្ថុតាងត្រូវបានកម្លាំងសមត្ថកិច្ចកំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕