Connect with us

សន្តិសុខសង្គម

សាលាឧទ្ធរណ៍កាត់ទោសស្រ្តីដែលវាយសម្លាប់ប្ដីនៅខេត្តតាកែវ

បានផុស

នៅ


រឿងក្ដីស្ត្រីវ័យចំណាស់វាយសម្លាប់ប្ដីនៅខេត្តតាកែវកាលពីពាក់កណ្ដាលឆ្នាំ២០២៣ ត្រូវបានក្រុមប្រឹក្សាជំនុំជំរះសាលាឧទ្ធរណ៍លើកយកមកបើកសវនាការកាលពីព្រឹកថ្ងៃទី១៨ ខែមេសា ឆ្នាំ២០២៤នេះ បន្ទាប់ពីតំណាងអយ្យការប្ដឹង និងសេចក្ដីសម្រេចទាំងស្រុងរបស់តុលាការថ្នាក់ក្រោម ( សាលាដំបូងខេត្តតាកែវ ) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទដែលតុលាការកាត់ទោសនេះឈ្មោះ នុត ម៉ៅ អាយុ៥៣ឆ្នាំ រស់នៅភូមិលាក់រទេះ ឃុំខ្វាវ ស្រុកសំរោង ខេត្តតាកែវ ជាកសិករ មានកូនប្រុស ស្រី៦នាក់ក្នុងបន្ទុក ហើយប្ដីដែលស្លាប់នោះឈ្មោះ ឌឿន តារា អាយុ៥៨ឆ្នាំ ត្រូវបានស្ត្រីជាប្រពន្ធវាយនឹងរនូតគ្រែ ៥ ,៦ ដំបងបណ្ដាលឲ្យស្លាប់។

ហេតុការណ៍នោះបានកើតឡើងកាលពីថ្ងៃទី២៣ ខែកុម្ភៈ ឆ្នាំ២០២៣ វេលាម៉ោង៥ល្ងាច។ តាមរបាយការណ៍ដែលអានដោយលោកចៅក្រម លី សុខឡេង បានបញ្ជាក់ថា មូលហេតុដែលសាលាឧទ្ធរណ៍លើកយករឿងក្ដីនេះមកជំនុំជំរះដោយសាតែតំណាងអយ្យការអមសាលាដំបូងខេត្តតាកែវ ប្ដឹងចំពោះសេចក្ដីសម្រេចទាំងស្រុងរបស់ចៅក្រមសាលាដំបូង ព្រោះសាលាដំបូងខេត្តតាកែវបានប្ដូបទចោទលើជនដៃដល់ពីបទឃាតកម្ម មកជាបទ ហិង្សាដោយចេតនាមានស្ថានទំងន់ទោស ដោយមរណៈភាពនៃជនរងគ្រោះ ហើយផ្ដន្ទាទោសជនជាប់ចោទដាក់ពន្ធនាគារតែ១ឆ្នាំប៉ុណ្ណោះ។

នៅចំពោះមុខការជំនុំជំរះរបស់សាលាឧទ្ធរណ៍នាថ្ងៃនេះ ជនជាប់ចោទបានសារភាពថា គាត់ និងប្ដីបានរៀបការ២៩ឆ្នាំមកហើយ មានកូន៦នាក់កក្នុងបន្ទុក ហើយចាប់ពីឆ្នាំ២០១២មក ប្ដីគាត់ស្រាប់តែចេះប្រចណ្ឌរករឿងវាយគាត់ព្រឹកល្ងាចមិនស្វាង រហូតដល់ថ្ងៃកើតហេតុគាត់បានវាយកូនពៅប៉ុន្មានរំពាត់ព្រោះដើរលេងមិនចូលផ្ទះ ពេលនោះស្រាប់តែប្ដីគាត់បានយកដំបងរនូតគ្រែមានដំដែកគោលមកវាយគាត់ត្រូវក្បាលមុត និងដែកគោលហូរឈាមស្រោចពេញខ្លួន ទើបមានការប្រតាយប្រតប់គ្នាហើយគាត់បានដណ្ដើមយកដំបងនោះបានក៏វាយប្ដីវិញប្រហែល ៥ ,៦ ដំបង ត្រូវក្បាល ដៃ ជើង ខ្លួន ហើយស្លាប់ពេលដឹកទៅមន្ទីរពេទ្យ ។

ជនជាប់ចោទបាននិយាយទៀតថា គាត់មិនមានចេតនាសម្លាប់ប្ដីទេ តែវាយជ្រុលដៃប៉ុណ្ណោះ និងសូមតុលាការកាត់ទោសគាត់ដាក់ពន្ធនាគារ១ឆ្នាំដូចតុលាការខេត្តតាកែវដែរចុះ ព្រោះកូនៗគាត់មិនមានអ្នកមើលថែទេ។

ក្រុមប្រឹក្សាសាលាឧទ្ធរណ៍កំណត់ថា នឹងប្រកាសសាលដីការឿងក្ដីនេះនៅថ្ងៃទី៣០ ខែមេសា ឆ្នាំ២០២៤ វេលាម៉ោង៨ព្រឹកនៅបន្ទប់សវនាការទី៥៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៦ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៧ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៧ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៨ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៩ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២១ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ១១ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម