សន្តិសុខសង្គម
មន្ទីរបរិស្ថានខេត្តត្បូងឃ្មុំ ចុះណែនាំម្ចាស់ទីតាំងទិញអេតចាយ៧៧ ដែលបានដុតប្លាស្ទិចបង្កផលប៉ះពាល់បរិស្ថាន និងសុខភាពប្រជាពលរដ្ឋ
បន្ទាប់ពីទទួលបានប្រភពព័ត៌មានពីប្រជាពលរដ្ឋ មានការដុតប្លាស្ទិក ដែលបង្កផលប៉ះពាល់បរិស្ថាន និងសុខភាពប្រជាពលរដ្ឋ ភ្លាមៗនាថ្ងៃទី២២ ខែមករា ឆ្នាំ២០២៥ ក្រុមការងារនៃមន្ទីរបរិស្ថានខេត្តត្បូងឃ្មុំ ដឹកនាំដោយលោក សុះ អ៉ីលយេស អនុប្រធានមន្ទីរ និងការិយាល័យជំនាញនៃមន្ទីរ ព្រមទាំងអាជ្ញាធរពាក់ព័ន្ធ បានចុះត្រួតពិនិត្យប្រភពបំពុលបរិស្ថាន នៅទីតាំងទិញអេតចាយ៧៧ ដែលមានម្ចាស់ឈ្មោះ លឹម ផេង មានទីតាំងស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។

យោងតាមរបាយការណ៍ព័ត៌មាន ស្ដីពីការត្រួតពិនិត្យប្រភពបំពុលបរិស្ថាន របស់មន្ទីរបរិស្ថានខេត្តត្បូងឃ្មុំ បានបញ្ជាក់ថា ក្រុមការងារត្រួតពិនិត្យ បានណែនាំដល់ម្ចាស់ទីតាំងទិញអេតចាយ ៧៧នេះ ដូចជា ហាមដុតសំណល់ ពិសេសសំណល់ប្លាស្ទិកជាដាច់ខាត។ ត្រូវការពារការលិចជ្រាប សំណល់រាវ ចេញពីទីតាំង ចូលដីស្រែប្រជាពលរដ្ឋ ឬប្រឡាយសាធារណៈ។ ក្នុងករណី មានការដុតសំណល់ប្លាស្ទិក ការបង្ហូរសំណល់រាវ ចូលប្រឡាយសាធារណៈ ឬមានពាក្យបណ្ដឹងណាមួយ ម្ចាស់ទីតាំងត្រូវទទួលខុសត្រូវចំពោះមុខច្បាប់។ មន្ទីរបរិស្ថានខេត្តត្បូងឃ្មុំ នឹងចេញលិខិតបញ្ជាកែប្រែជូនដល់ម្ចាស់ទីតាំង។

ជាមួយគ្នានោះដែរ តំណាងម្ចាស់ទីតាំងអេតចាយខាងលើឈ្មោះ ងួន សុខឆាយ ដែលត្រូវជាមេការបានឯកភាព តាមការណែនាំរបស់ក្រុមការងារត្រួតពិនិត្យ ព្រមទាំងបានសំណូមពរដល់អាជ្ញាធរ ក៏ដូចជាក្រុមការងារ ក្នុងករណីមានប្រជាពលរដ្ឋលួចកាយបង្ហូរទឹក ឬបង្កការខូចខាតដល់ទំនប់ ឬរបង លោកស្នើសុំផ្ដល់សំណងដល់ម្ចាស់ទីតាំងវិញផងដែរ៕
អត្ថបទ៖ ឡេក ចាន់ពេជ្រ




-
សន្តិសុខសង្គម១៤ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៤ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច