ឡានក្រុងជ្រុលបុកផ្ទះពលរដ្ឋ សង្ស័យបើកបរក្នុងស្ថានភាពងងុយដេក

ត្បូងឃ្មុំ​៖​ អ្នកបើកឡានក្រុមម្នាក់សង្ស័យថាងងុយដេក បានជ្រុលចង្កូតបុករះផ្ទះនិងតូបលក់អីវ៉ាន់ របស់ប្រជាពលរដ្ឋនៅស្រុកត្បូងឃ្មុំ កាលពីព្រឹកថ្ងៃសៅរ៍ ទី៨ ខែកុម្ភៈ​ ប៉ុន្តែ​មិនបង្កឲ្យគ្រោះថ្នាក់ដល់អាយុជីវិតនរណាម្នាក់ឡេីយ។

បេីតាមប្រភពពីប្រជាពលរដ្ឋរស់នៅតំបន់នោះបានឲ្យដឹង​ រថយន្តក្រុងមួយគ្រឿងនេះ​ មិនស្គាល់ក្រុមហ៊ុនណាឡេីយ​ ហេីមនុស្សរថយន្តប្រមាណ៣០នាក់ក៍មិនគ្រោះថ្នាក់ដល់អាយុជីវិតឡេីយ​ ខណៈ​អ្នកបេីកបររងរបួសស្រាលតែប៉ុណ្ណោះ។ ហេតុការនេះកើតឡើងនៅព្រឹកវេលាម៉ោង៣ទៀបភ្លឺ ថ្ងៃទី៨ ខែកុម្ភះ ឆ្នាំ២០២៥ ស្ថិតនៅភូមិអណ្តូងជា ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ​។

ប្រជាពលរដ្ឋ​បញ្ជាក់ទៀតថា​ អ្នកបេីកបរសង្ស័យងងុយដេក​ក៍រ៉េចង្កូតបុកផ្ទះប្រជាពលរដ្ឋ​ នៅអមសងខាងផ្លូវជាតិលេខ៧​ ស្ថិតនៅភូមិអណ្តូងជា ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ​៕

អត្ថបទ​និង​រូបភាព​៖​ឡេក​ ចាន់ពេជ្រ​